နစ်မြှုပ် သင်္ဘော ပိုင်ရှင် ဖမ်းရန် တောင်ကိုရီးယား ရဲ ၆၀၀၀ ကျော် ခရစ်ယာန် ဘုရားကျောင်း တခုကို စီးနင်း

ဇွန်လ ၁၁ ရက်၊ ၂၀၁၄
M-Media

– ဧပြီလက နစ်မြုပ်ခဲ့သည့် တောင်ကိုရီးယား ခရီးသည်တင်သင်္ဘော Sewol အား ပိုင်ဆိုင်သော ကုမ္ပဏီပိုင်ရှင်ကို ဖမ်းဆီးရန်အတွက် တောင်ကိုရီးယား ရဲတပ်ဖွဲ့ဝင်များမှာ ခရစ်ယာန်ဘုရားကျောင်းတစ်ခုကို ယနေ့နံနက်က ၀င်ရောက်စီးနင်းခဲ့သည်ဟု သိရသည်။

ဆိုးလ်မြို့တောင်ပိုင်း အန်ဆီယွန်ဒေသရှိ ခရစ်ယာန် ဘုရားကျောင်းတစ်ခုဖြစ်ပြီး Chonghaejin Marine ကုမ္ပဏီ ပိုင်ရှင် ယူဗြုံအန်အား ရှာဖွေရန် ဒေသစံတော်ချိန် ယနေ့နံနက် ၈ နာရီတွင် ၀င်ရောက် စီးနင်းခဲ့ခြင်းဖြစ်သည်။  ရဲတပ်ဖွဲ့ဝင် အချို့မှာ ပဋိပက္ခနှိမ်နှင်းရေး ၀တ်စုံပြည့် ၀တ်ဆင်ထားကာ တပ်ဖွဲ့ဝင် ၆ ထောင်ကျော် ပါဝင်သည်ဟု ပြည်နယ်ရဲတပ်ဖွဲ့ ပြောရေးဆိုခွင့်ရှိသူက ဆိုသည်။

Sewol သင်္ဘော နစ်မြုပ်ခြင်းနှင့် ပတ်သက်သည့် တရားခံပြေးများကို ဖမ်းဆီးရန် သမ္မတပတ်ဂျုံဟေးက တာဝန်ရှိသူများအား ယမန်နေ့တွင် တိုက်တွန်းခဲ့ပြီးနောက် ယခုကဲ့သို့ ကြီးမားသော စစ်ဆင်ရေးကို ပြုလုပ်ခဲ့ခြင်းဖြစ်သည်။ ယူဗြုံအန်နှင့် ၎င်း၏သားဖြစ်သူကို ရှာဖွေရန်ဟု ရဲတပ်ဖွဲ့က ပြောကြားခဲ့သော်လည်း ထိုစစ်ဆင်ရေးမှာ ယူဗြုံအန်အား  လွတ်မြောက်အောင် ကူညီပေးသည့် ဘုရားကျောင်းတာဝန်ရှိသူနှစ်ဦးအား ပစ်မှတ်ထားရှာဖွေခြင်းသာဖြစ်သည်ဟု Yonhap သတင်းအေဂျင်စီက ဖော်ပြခဲ့သည်။ ယူဗြုံအန်နှင့် ၎င်း၏သားဖြစ်သူကို ဖမ်းဆီးနိုင်ခဲ့ခြင်း မရှိသေးပါဘူး။

ယူဗြုံအန်မှာ တောင်ကိုရီးယား ဧ၀ံဂေလိ နှစ်ခြင်းခရစ်ယာန်အသင်းတော် ခေါင်းဆောင်ပိုင်းမှ အဖွဲ့ဝင်တစ်ဦးဖြစ်သည်။ Sewol သင်္ဘောနစ်မြုပ် ခဲ့ခြင်းမှာ ဘေးအန္တရာယ် ကင်းရှင်းရေး ဆိုင်ရာ စံများနှင့် စည်းမျဉ်းစည်းကမ်းများကို ချိုးဖောက်ခြင်းကြောင့်ဖြစ်သည်ဟု တွေ့ရှိခဲ့ရပြီးနောက် ပိုင်ရှင်ဖြစ်သူ ယူဗြုံအန်အား မေးမြန်းရန် ရဲတပ်ဖွဲ့က အလိုရှိနေသည်။

ယူဗြုံအန်အား ဖမ်းဆီးရန်အတွက် အချက်အလက်များပေးနိုင်ပါက ယွမ် သန်း ၅၀၀ နှင့် ၎င်းသားဖြစ်သူအတွက် ယွမ်ငွေ သန်း ၁၀၀ ချီးမြှင့်မည်ဟု တောင်ကိုရီးယား ရဲတပ်ဖွဲ့က ဆုငွေထုတ်ထားသည်။ Sewol ခရီးသည်သင်္ဘောနစ်မြုပ်မှုအတွင် လူပေါင်း ၃၀၀ သေဆုံခဲ့ပြီး အများစုမှာ ကျောင်းသားများဖြစ်ကြသည်။

Ref: AFP/xq/ac

Photo- ရိုက်တာ