မိမိအသင်းမှာ ရင့်ကျက်သော အသင်းသာဖြစ်ကြောင်း စပိန်နည်းပြ ဒဲလ်ဘော့စကေးဆို

ဇွန်လ ၁၃ ၊ ၂၀၁၄
M-Media

– သက်ကြီးကစားသမားများပါဝင်နေသည့် မိမိတို့အသင်းမှာ အိုမင်းနေခြင်းမဟုတ်ဘဲ ရင့်ကျက်နေခြင်းသာဖြစ်သည်ဟု ကမ္ဘာ့ဖလားလက်ရှိချန်ပီယံ စပိန်အသင်း နည်းပြ ဒဲလ်ဘော့စကေးက ပြောကြားလိုက်သည်။

စပိန်အသင်း၏ လူစာရင်းတွင် အသက် ၃၀ ကျော် ကစားသမား ၇ ဦးခန့် ပါဝင်နေပြီး အိုမင်းနေပြီဟု ဝေဖန်မှုများရှိနေသောကြောင့် ဒဲလ်ဘော့စကေးက ယခုကဲ့သို့ တုံ့ပြန်ခဲ့ခြင်းဖြစ်သည်။

“စစ်မှုထမ်းဟောင်း အသင်းလို ကျွန်တော်တို့ ခြေစစ်ပွဲအောင်ခဲ့တာ မဟုတ်ပါဘူး။ ရင့်ကျက်တဲ့အသင်းအဖြစ်သာ ခြေစစ်ပွဲအောင်ခဲ့တာပါ။ ၃၀ ကျော်ကစားသမား ၄၊ ၅ ယောက်လောက်ရှိပါတယ်။ ဒါဟာ မများပါဘူး။ ကျွန်တော်တို့ အကောင်းဆုံး ပုံစံမှာ ရှိနေပြီး၊ ဘယ်သူ့ကိုမှ မကြောက်ပါဘူး။ သက်ကြီးကစားသမားတွေဟာ အရမ်း အရမ်းကို ထူးချွန်ပြောင်မြောက်ကြပါတယ်” ဟု ဒဲလ်ဘော့စကေးက ပြောကြားခဲ့သည်။

အိမ်ရှင်ဘရာဇီးလ်၊ ဂျမနီတို့နှင့်အတူ ဗိုလ်စွဲရန် ရေပန်းစားနေသည့် စပိန်အသင်းမှာ ၂၀၁၀ ကမ္ဘာ့ဖလားနောက်ဆုံးဗိုလ်လုပွဲတွင် အနိုင်ယူခဲ့သည့် ဟော်လန် အသင်းနှင့် ယနေ့ညတွင် အုပ်စု B ပွဲဦးထွက် ယှဉ်ပြိုင်ရမည်ဖြစ်သည်။