ညီလာခံကြီးသည် ပြည်ထောင်စုသား မွတ်စလင်များ၏ အနာဂတ် လမ်းပြမြေပုံ ပေါ်ပေါက်ရေးဟုဆို

ဇွန် ၁၉၊ ၂၀၁၄
M-Media
ဆူးထက်၊ လမင်း

ရန်ကုန် ။ ။ ပြည်လုံးကျွတ် ညီလာခံကြီးသည် ပြည်ထောင်စုသား မွတ်စလင်များ၏ တိုင်းပြည်ချစ်စိတ် နိုင်ငံချစ်စိတ်ကို ပြသနိုင်ရန် နှင့် အနာဂတ်လမ်းပြမြေပုံ ပေါ်ပေါက်ရေးအတွက် ကျင်းပရဖြစ်ကြောင်း ညီလာခံရေးကျင်းပရေးကော်မတီမှ ဒု-ဥက္ကဌ (၁) ဒေါက်တာမြင့်သိန်းက ပြောကြားလိုက်သည်။

ဇူလိုင်လ ၁၈ ရက်နေ့က ရန်ကုန်မြို့၊ သိမ်ဖြူလမ်း၊ ဒေါ်စောရွှေခန်းမ ကျင်းပပြုလုပ်ခဲ့တဲ့  ပြည်ထောင်စုသား မွတ်စလင်မ် များ ပြည်လုံးကျွတ် ညီလာခံ ကျင်းပရေးကော်မတီ၏ ပထမအကြိမ် ဗဟိုကော်မတီ အစည်းအဝေးပွဲနှင့် စပ်လျှဉ်း၍ သတင်းစာရှင်းလင်းပွဲကို အဆိုပါ ကော်မတီရုံးခန်း မှာ ယနေ့ ဇူလိုင်လ ၁၉ ရက်နေ့ မနက် ၁၀ နာရိမှ ပြုလုပ်ခဲ့တာ ဖြစ်ပါသည်။

“ပြည်ထောင်စုသား မွတ်စလင်တွေအနေနဲ့ မိမိတို့အား ပြည်ထောင်စုနှင့် ခွဲမရတဲ့ အစိတ်အပိုင်းတွေဖြစ်ကြောင်း၊ မိမိတို့၏ အကျိုးစီးပွားသည် ပြည်ထောင်စုရဲ့ အကျိုးစီးပွားနဲ့ ဆက်နွယ်နေကြောင်း ပြသဖို့ဖြစ်ပါတယ်” ဟု ၎င်းက ဆက်လက်ပြောဆိုသည်။

အဆိုပါ ညီလာခံကြီးတွင် တစ်ပြည်လုံးမှ တက်ရောက်လာကြမည့် ဒေသခံကိုယ်စားပြု ကိုယ်စားလှယ်များက အနာဂတ် လမ်းပြမြေပုံကို ရေးဆွဲ အတည်ပြုကြမည်ဖြစ်ပြီး ဖြစ်ပေါ်ပြောင်းလဲလာသည့် ခေတ်စနစ်နှင့် အညီ ဖော်ဆောင် သွားကြမည်ဖြစ်ကြောင်း ယင်းညီလာခံ ကျင်းပရေး ကော်မတီမှ ဆိုသည်။

အဆိုပါညီလာခံကြီးရဲ့ လုပ်ငန်းစဉ် အဖြစ် တရားဥပဒေစိုးမိုးသော လူ အဖွဲ့အစည်း တစ်ရပ်ပေါ်ထွန်းရေး၊  ငြိမ်းချမ်းစွာအတူ ယှဉ်တွဲနေထိုင်သည့် လူ့အဖွဲ့အစည်းပေါ်ထွန်းရေး၊ ဘာသာရေး၊ လူမျိုးရေး၊ အစွန်းရောက်မှု ကင်းသည့် ယဉ်ကျေးမှု  တစ်ရပ် ပေါ်ထွန်းရေး၊ အကြမ်းမဖက်ဘဲ သဟဇာတ ရှိသည့် နိုင်ငံရေး နိုးကြားမှု ပေါ်ထွန်းရေး နှင့် ပြည်ထောင်စုသားမွတ်စလင်များ တိုင်းပြည်ချစ်သော နိုင်ငံသားကောင်းဖြစ်ကြောင်း သမိုင်းမှန် ပြန်လည်ဖော် ထုတ်ရေးတို့ဖြစ်ကြောင်း သိရှိသည်။

ထို့အပြင် ယင်းညီလာခံကြီးတွင် ပြည်ထောင်စုသား မွတ်စလင်မ်များ၏ နိုင်ငံသား အခွင့်အရေး အပြည့်အ၀ ရရှိပြီး တိုင်းပြည်တာဝန်ကို တန်းတူ ထမ်းဆောင်နိုင်ရေး၊ လူနည်းစု အခွင့်အရေး ကာကွယ်စောင့်ရှောက်မှု ရရှိရေး၊ လွတ်လပ်စွာ ကိုးကွယ်ခွင့်ကို လက်တွေ့တွင်  ခံစား ကျင့်သုံး နိုင်ရေး အတွက် ကြိုးပမ်း ဆောင်ရွက်သွားမည် ဖြစ်ကြောင်း သိရသည်။

ယင်းပြည်လုံးကျွတ်ညီလာခံကြီးကို ၂၀၁၄ ခုနှစ် စက်တင်ဘာလ ပထမပတ်တွင် ကျင်းပသွားရန် ရည်ရွယ်ထားကြောင်း ဇွန်လ ၁၈ ရက်နေ့တွင် ပြုလုပ်သော ညီလာခံ ကျင်းပရေး ကော်မတီရဲ့ ပထမအကြိမ် ဗဟိုကော်မတီ အစည်းအဝေးတွင် အတည်ပြု ပြောဆိုခဲ့ကြောင်း သိရသည်။

ညီလာခံကျင်းပပြုလုပ်မည့် နေရာနှင့် မြို့နယ်အလိုက် တက်ရောက်မည့် ဦးရေများကို ဒုတိယ အကြိမ်ပြုလုပ်သော ဗဟိုကော်မတီ အစည်းအဝေးတွင် အတည်ပြု ဆုံးဖြတ်သွားမည်ဖြစ်ကြောင်း သိရပါသည်။