မက်ဆီရဲ့ နောက်ဆုံးမိနစ် ဂိုးကြောင့် ရေတိမ်နစ်ခဲ့ရတဲ့ အီရန်၊ ဒိုင်အမှားကြောင့် အိမ်ပြန်စောခဲ့ရတဲ့ ဘော့စနီးယား

ဇွန်လ ၂၂ ရက်၊ ၂၀၁၄
M-Media

– ဇွန်  ၂၁၊ ၂၂ မှာ ကစားခဲ့တဲ့ ကမ္ဘာ့ဖလားအုပ်စုပွဲစဉ်မှာတော့ နာမည်ကြီး အာဂျင်တီးနားတို့ မိနစ် ၉၀ ပြည့်မှ အနိုင်ဂိုးရခဲ့ပြီး၊ ဂျာမနီတို့ကလည်း ဂါနာကို နောက်က လိုက်ကစားကာ သရေတစ်မှတ်ရယူနိုင်ခဲ့ပါတယ်။ နိုက်ဂျီးရီးယားကတော့ ဘော့စနီးယားကို အနိုင်ရခဲ့ပါတယ်။

အုပ်စု F ရဲ့ အဖွင့်ပွဲမှာ ဘော့စနီးယားကို ၂ ဂိုး ၁ ဂိုးနဲ့ ကပ်နိုင်ခဲ့ နာမည်ကြီး အာဂျင်တီးနားတို့ ဒီပွဲမှာလည်း တစ်ဖက်သက်ဖိကစားနိုင်ခဲ့ပေမယ့် တစ်သင်းလုံးခံစစ်ကစားတဲ့ အီရန်ကို အနိုင်ရဖို့ ရုန်းကန်ခဲ့ရပြီး နောက်ဆုံးမိနစ် နာကျင်အချိန်ပိုမှာ မက်ဆီသွင်းယူခဲ့တဲ့ဂိုးကြောင့်သာ အနိုင် သုံးမှတ်ရခဲ့ကာ နောက်တစ်ဆင့်ကို တက်ရောက်နိုင်ခဲ့တာဖြစ်ပါတယ်။

ကမ္ဘာ့ဖလားကို ပါဝင်ယှဉ်ပြိုင်ခွင့်ရတဲ့ နောက်ဆုံး သုံးကြိမ်ဆက်တိုက် အုပ်စုအဆင့်ကို မကျော်နိုင်ခဲ့တဲ့ အီရန်တို့ကတော့ နောက်တစ်ဆင့် တက်ဖို့အတွက် ဘော့စနီးယားနဲ့ အုပ်စုနောက်ဆုံး ပွဲစဉ်ကို အနိုင်ကစားရမှာဖြစ်ပြီး အာဂျင်တီးနားနဲ့ နိုက်ဂျီးရီးယားတို့ပွဲရဲ့ အဖြေကိုလည်း စောင့်ကြည့်ရတော့မှာ ဖြစ်ပါတယ်။

ဘော့စနီးယားနဲ့ နိုက်ဂျီးရီးယားတို့ပွဲမှာတော့ ဒိုင်လူကြီးရဲ့ ဆုံးဖြတ်ချက်အမှားတစ်ခုက ဘော့စနီးယားအသင်းကို အုပ်စုအဆင့်နဲ့ပဲ ကျေနပ်စေခဲ့ရပါတယ်။ အာဂျင်တီးနားနဲ့ပွဲမှာ ကစားပုံ မဆိုးလှတဲ့ ဘော့စနီးယားတို့ ဒီပွဲမှာလည်း နိုက်ဂျီးရီးယားကို သူတင်ကိုယ်တင်ကစားနိုင်ခဲ့ပြီး ၂၁ မိနစ်မှာ ဇက်ကိုက အဖွင့်ဂိုးသွင်းနိုင်ခဲ့ပေမယ့် ဒိုင်လူကြီးက လူကျွံဘောအဖြစ် မှားယွင်းစွာ သတ်မှတ်ခဲ့တာကြောင့် ဘော့စနီးယားတို့ နစ်နာခဲ့ရပါတယ်။ နိုက်ဂျီးရီးယားအတွက် တစ်လုံးတည်းသော အနိုင်ဂိုးကိုတော့ နောက်ထပ် ၈ မိနစ်အကြာ ၂၉ မိနစ်မှာ တိုက်စစ်မှူး ပီတာအိုဒီမ် ၀င်ဂီက သွင်းယူပေးခဲ့တာဖြစ်ပါတယ်။ ဒီပွဲအနိုင်ကြောင့် နိုက်ဂျီးရီးယားတို့ ၂ ပွဲကစား ၄ မှတ်ရထားပြီး အာဂျင်တီးနားနဲ့ နောက်ဆုံးပွဲမှာ သရေတစ်မှတ်ရတာနဲ့တင် နောက်တစ်ဆင့်ကို တက်ရောက်နိုင်မှာဖြစ်ပါတယ်။

အုပ်စု G ရဲ့ ဂျာမနီနဲ့ ဂါနာတို့ပွဲမှာတော့ အဓိကပြိုင်ဘက် ပေါ်တူဂီကို အဖွင့်ပွဲစဉ်မှာ ဂိုးပြတ်နဲ့ နှိပ်ကွပ်ခဲ့တဲ့ ဂျာမနီတို့ တိုက်စစ်မှူး ကလိုဆေးရဲ့ ချေပဂိုးကြောင့်သာ တစ်မှတ်ရခဲ့တာ ဖြစ်ပါတယ်။ ပထမပိုင်းမှာ နှစ်သင်းစလုံး ကစားပုံအေးခဲ့ပေမယ့် ဒုတိပိုင်းစပြီး ၆ မိနစ်အကြာမှာတော့ ဂျာမနီတို့ အဖွင့်ဂိုး စရခဲ့ပါတယ်။ သောမတ်စ်မူလာရဲ့ လှပတဲ့ ဖြတ်တင်ဘောကို ဂိုတက်ဇ်က ဂိုးအဖြစ် ပြောင်းလဲခဲ့တာပါ။ ဒါပေမယ့် ဦးဆောင်ဂိုးဟာ သုံးမိနစ်သာခံခဲ့ပြီး ၅၄ မိနစ်မှာ ဂါနာအတွက် အေယူက ချေပဂိုးသွင်းယူပေးနိုင်ခဲ့ပါတယ်။ ဒီပွဲအနိုင်ကစားမှ နောက်တစ်ဆင့်တက်ဖို့ အခွင့်အရေးရမယ့် ဂါနာတို့နောက်ပိုင်းမှာ တင်ကစားလာခဲ့ပြီး ၆၃ မိနစ်မှာ အနိုင်ဂိုး ထပ်ရခဲ့ပါတယ်။ ဒီဂိုးကိုတော့ ဂိုင်ယန်က သွင်းယူပေးခဲ့တာပါ။ ဂျာမနီနည်းပြ ဂျိုအာချင်းလိုဟာ မိနစ် ၇၀ မှာ ၀ါရင့်တိုက်စစ်မှူး ကလိုဆေးကို လူစားခဲ့ပြီး ၁ မိနစ်အကြာမှာပဲ ကလိုဆေးက အသင်းအတွက် အဖိုးတန်ချေပဂိုးကို သွင်းယူပေးနိုင်ခဲ့ပါတယ်။ ဒီဂိုးကြောင့် ကလိုဆေးရဲ့ ကမ္ဘာ့ဖလားပြိုင်ပွဲမှာ သွင်းယူခဲ့တဲ့ဂိုးဟာ ၁၅ ရှိလာပြီဖြစ်ပြီး ဘရာဇီးဂန္တ၀င်တိုက်စစ်မှူး ရော်နယ်ဒိုတင်တားတဲ့ သွင်းဂိုးစံချိန်နဲ့ တူညီသွားပြီ ဖြစ်ကာ နောက်ထပ်တစ်ဂိုး ထပ်သွင်းနိုင်ရင်တော့ ကမ္ဘာ့ဖလားပြိုင်ပွဲမှာ ဂိုးအများဆုံးသွင်းသူအဖြစ် စံချိန်သစ်တင်နိုင်တော့မှာဖြစ်ပါတယ်။

အုပ်စု G

အာဂျင်တီးနား ၁-၀ အီရန်
နိုက်ဂျီးရီးယား ၁-၀ ဘော့စနီးယား

အုပ်စု F

ဂျာမနီ ၂-၂ ဂါနာ