ဂိုးသွင်း စံချိန်တင်ရေးထက် အသင်းချန်ပီယံ ဖြစ်ရေး ပိုအရေးကြိးဟု ဂျာမန်တိုက်စစ်မှူး ကလိုဆေးပြော

ဇွန်လ ၂၆ ရက်၊ ၂၀၁၄
M-Media

– ကမ္ဘာ့ဖလားသမိုင်းတစ်လျှောက် ဂိုးသွင်းစံချိန်သစ်တင်ရေးထက် ဂျာမနီအသင်း ဗိုလ်စွဲရေးမှာ ပို၍အရေးကြီးသည်ဟု ၀ါရင့်တိုက်စစ်မှူး ကလိုဆေးက ပြောကြားလိုက်သည်။

ပြီးခဲ့သည့် စနေနေ့က ကစားခဲ့သည့် ဂါနာအသင်းနှင့် ၂ ဂိုးစီသရေကျခဲ့သည့်ပွဲစဉ်တွင် လူစားဝင်လာခဲ့သည့် ကလိုဆေးမှာ တစ်ဂိုးသွင်းယူခဲ့ပြီး ဘရာဇီးလ်ဂန္တ၀င်တိုက်စစ်မှူး ရော်နယ်ဒိုရရှိထားသည့် ၁၅ ဂိုးစံချိန်ကို လိုက်မှီသွားခဲ့ပြီဖြစ်သည်။ ထို့ကြောင့် ပြိုင်ပွဲသမိုင်းတစ်လျှောက် ဂိုးသွင်းအများဆုံး ကစားသမားဖြစ်ရေး အလားအလာကောင်းနေသည်။

သို့သော်လည်း အသက် ၃၆ နှစ်အရွယ်ရှိ ကလိုဆေးကမူ စံချိန်သစ်တင်ရေးထက် အသင်း ကမ္ဘာ့ဖလားဗိုလ်စွဲရေးကိုသာ ပိုမို၍ လိုလားနေသည်။

“အသင်းကရရှိမယ့်ဆုဖလားဟာ ကျွန်တော်ထက်ကို ပိုအရေးကြီးပါတယ်။ ကျွန်တော့်အတွက် ခါးသီးတဲ့အရာတစ်ခုကတော့ အသင်းကို ပွဲအစကတည်းက မကူညီနိုင်တာပါပဲ။ ဒါ့ကြောင့် အသင်းအတွက် ကျွန်တော့်ရဲ့ အခြားအရည်အသွေးကို ယူဆောင်လာပေးလေ့ရှိပါတယ်။ကမ္ဘာ့ဖလားရရှိရေးအိပ်မက်အတွက် ကျွန်တော် အသက်ရှင်နေတာပါ” ဟု ကလိုဆေးက ဂျာမနီ မဂ္ဂဇင်း Kicker သို့ ပြောကြားခဲ့သည်။

ုထို့ပြင် ဂျာမနီအသင်း၌ လူစားဝင်ကစားရသောကြောင့် စိတ်မကောင်းမဖြစ်ဘဲ တတ်နိုင်သမျှ အသင်းအား ကူညီသွားမည်ဖြစ်ကြောင်း ထပ်လောင်းပြောကြားခဲ့သည်။ ၂ ပွဲကစား ၄ မှတ်ရထားပြီး နောက်တစ်ဆင့်တက်ရန် အခြေအနေကောင်းနေသည့် ဂျာမနီအသင်းမှာ အုပ်စုနောက်ဆုံးပွဲစဉ်အဖြစ် ယနေ့ညတွင် အမေရိကန်အသင်းနှင့် ယှဉ်ပြိုင်ကစားရမည်ဖြစ်သည်။