ထိုင်းနိုင်ငံရောက် မြန်မာအချင်းချင်း လူသတ်မှုဖြစ်ပွား ၊ ပါမစ်လုပ်ရန် ငွေ အလွဲသုံးစား လုပ်၍ သတ်ခံရခြင်းဖြစ်

ဇွန်လ ၂၇ ၊ ၂၀၁၄
M-Media

– တက္ကစီတစ်စီး၏ နောက်ဖုံးတွင် ထည့်ထားသည့် ပုံးအတွင်း မြန်မာ အလောင်း တစ်လောင်းအား တွေ့ရှိခဲ့ ရပြီးနောက် လူသတ်မှုဖြင့် မြန်မာ နှစ်ဦးကို ထိုင်း ရဲတပ်ဖွဲ့က ဖမ်းဆီးခဲ့သည်ဟု သိရသည်။

ထိုင်းနိုင်ငံ စမွတ်ဆာခွန်ပြည်နယ် မူအန်ခရိုင်ရှိ တက္ကစီ တစ်စီးတွင် အင်္ဂါနေ့နံနက် စောစောပိုင်းက တွေ့ရှိခဲ့ ရခြင်းဖြစ်ပြီး သေဆုံးသူမှာ ၄၃ နှစ်အရွယ် တန်ညာဘွတ်ဖြစ်ကာ သံသယရှိသူ အသက် ၃၆ နှစ်အရွယ် ချစ်စမ်းမောင်၊ ၂၇ နှစ်အရွယ် သားကြီးတို့အား ဖမ်းဆီးထားသည်ဟု ရဲတပ်ဖွဲ့က သတင်းထုတ်ပြန်ခဲ့သည်။

ချစ်စမ်းမောင်အား နန်သာဘူရီပြည်ယ် ဘန်ယိုင်ခရိုင်တွင်လည်းကောင်း သားကြီးအား သေဆုံးသူ အသတ်ခံခဲ့ရသည့် အိမ်နားတွင်လည်းကောင်း ဖမ်းဆီးရမိခဲ့ခြင်းဖြစ်သည်။ ၎င်းတို့နှစ်ဦးမှာ ဗုဒ္ဓဟူးနေ့ည သန်းခေါင်းယံ အချိန်တွင် မူအန်ခရိုင် ဆွိုင်ပနန်ပွန်မြို့မှ စမေဒမ်ဒေသသို့ သွားရောက်ရန် တက္ကစီငှားခဲ့ခြင်းဖြစ်ပြီး နောက်ခန်းတွင် ပုံးအကြီး တစ်ခုအား တင်ဆောင်ခဲ့သည်ဟု တက္ကစီဒရိုင်ဘာ အူသိုင်း ပက်ဆီကွီက ပြောကြားခဲ့သည်။

ရာမာ ၂ လမ်း အရောက်တွင် ၎င်းတို့နှစ်ဦးမှာ ဖုန်းဆက်မည်ဟုဆိုကာ တက္ကဆီမှဆင်း၍ ပျောက်သွားခဲ့ပြီး ပက်ဆီကွီက မသင်္ကာ၍ နောက်ဖုံးရှိပုံးအား ဖွင့်ကြည့်ရာမှ အလောင်းကို တွေ့ခဲ့ရပြီးနောက် ရဲတပ်ဖွဲ့အား အကြောင်းကြားခဲ့ခြင်းဖြစ်သည်။

သံသရှိသူများကို ဖမ်းဆီးရာတွင် လူသတ်မှု၌ အသုံးပြုခဲ့သည့် စတီးချောင်း တစ်ခုကိုလည်း သိမ်းဆည်းရမိခဲ့ပြီး သေဆုံးသူ၏ အခန်းထဲတွင် တိုက်ခိုက်မှုများဖြစ်ပွား ခဲ့သည့် လက္ခဏာနှင့် သွေးကွက်များကိုလည်း တွေ့ခဲ့သည်ဟု ရဲတပ်ဖွဲ့က ပြောကြားခဲ့သည်။

နောက်ပိုင်းတွင် ဖမ်းဆီးရမိသူ နှစ်ဦးက လူသတ်မှု ကျူးလွန်ကြောင်း ၀န်ခံခဲ့ပြီး အလုပ်လုပ်ခွင့် ပါမစ်အတွက် ပေးအပ်ထားသည့် ဘတ် ၁၇၀၀၀ ကို အလွဲသုံးစား လုပ်သောကြောင့် သတ်ခဲ့ခြင်းဖြစ်သည်ဟု ၀န်ခံခဲ့သည်။

Ref: Phuket Gazette