အမေရိကန် ဂိုးသမား တင်ဟောင်းဝပ်နှင့် တိုက်စစ်မှူး ဒမ်ဆီတို့အား အိုဘားမားချီးကျူး

ဇူလိုင် ၄၊ ၂၀၁၄
M-Media

– ၁၆ သင်း ရှုံးထွက် ဘယ်လ်ဂျီယံအသင်းအား ရှုံးနိမ့်ခဲ့သည့် ပွဲစဉ်တွင် လက်စွမ်းပြခဲ့သည့် ၀ါရင့်ဂိုးသမား တင်ဟောင်းဝပ်နှင့် အုပ်စုအဆင့်မှ ကျော်အောင် ကူညီပေးခဲ့သည့် တိုက်စစ်မှူး ဒမ်ဆီတို့အား အမေရိကန်သမ္မတ ဘာရက်အိုဘားမားက ချီးကျူုးခဲ့သည်ဟု သိရသည်။

ဘယ်လ်ဂျီယံအသင်းမှာ ထိုပွဲတွင် အမေရိကန်အား တောက်လျှောက်ဖိကစားခဲ့ပြီး ဂိုးသွင်းခွင့်အများ အပြားရခဲ့သော်လည်း တင်ဟောင်းဝပ်က အပိုင်ဂိုးသွင်းမှု ၁၆ ကြိမ်ကို ကာကွယ်နိုင်ခဲ့ပြီး အများဆုံး ကာကွယ်နိုင်သည့် ဂိုးသမားအဖြစ် မှတ်တမ်းဝင်ခဲ့သည်။ ဒမ့်ဆီမှာလည်း အုပ်စုအတွင်းပြိုင်ပွဲများတွင် ၂ ဂိုးသွင်းယူပေးကာ အမေရိကန်အသင်းအား ၁၆ သင်းအဆင့်ရောက်အောင် ကူညီပေးနိုင်ခဲ့သည်။

“နှစ်ယောက်လုံးက ကျွန်တော်တို့ ဂုဏ်တက်အောင် ဆောင်ရွက်ပေးခဲ့ပါတယ်။ ဘောလုံးအားကစားကို ကျွန်တော်ဒီလောက်မကြိုက်ပေမယ့် ဒါကို ကြိုက်နှစ်သက်ကြတဲ့သူတွေရဲ့ နှလုံးသားနဲ့ ပြည်သူတွေရဲ့ စိတ်အာရုံကို ညှို့ယူဖမ်းစားခဲ့တာကို မြင်ရတာဟာ မယုံကြည်နိုင်စရာပါပဲ” ဟု အိုဘားမားက အမေရိကန်ဘောလုံးသမားများနှင့် ဖုန်းပြောဆိုမှုအတွင်း ထည့်သွင်းပြောကြားခဲ့သည်။

ထို့ပြင် အမေရိကန်အသင်း နိုင်ငံသို့ပြန်လာသည့်အခါ ပြည်သူများ ချက်ချင်းမမှတ်မိစေရန် မျက်နှားပေါ်ရှိအမွှေးများအား ရိတ်ပစ်ထားရမည်ဟု တင်ဟောင်းဝပ်အား အိုဘားမားက အရွှန်းဖောက်ပြောဆိုခဲ့သည်။

ဂျာမနီ၊ ပေါ်တူဂီ၊ ဂါနာတို့နှင့် တစ်အုပ်စုတည်းကျရောက်ခဲ့သည့် အမေရိကန်အသင်းမှာ အုပ်စုဒုတိယဖြင့် ၁၆ သင်းအဆင့်သို့ တက်ရောက်နိုင်ခဲ့ပြီး ဘယ်လ်ဂျီယံအား အချိန်ပိုတွင် ၂ ဂိုး ၁ ဂိုးဖြင့် ရှုံးနိမ့်ခဲ့ကာ ပြိုင်ပွဲမှ ထွက်ခဲ့ရသည်။