အိမ်ရှင်ဘရာဇီးလ်၊ ဂျာမနီတို့ အကြိုဗိုလ်လုပွဲတက်ပြီ

ဇူလိုင် ၅၊ ၂၀၁၄
M-Media
–  ကမ္ဘာ့ဖလား ဘောလုံးပြိုင်ပွဲ ကွာတားဖိုင်နယ် ပွဲစဉ်နှစ်ခုကိုတော့ ယမန်နေ့ညနဲ့ ယနေ့ နံနက်တွေမှာ ကစားခဲ့ပြီး အိမ်ရှင်ဘရာဇီးလ်နဲ့ ခြေစွမ်းထက်နေတဲ့ ဂျာမနီတို့ ဆီးမီးဖိုင်နယ် တက်ရောက်နိုင်ခဲ့ကြပါတယ်။

ဂျာမနီ ၁-၀ ပြင်သစ်

ပြင်သစ်နဲ့ ဂျာမနီတို့ရဲ့ပွဲမှာတော့ နှစ်ဖက်ခြေမျှခဲ့ပြီး နောက်ခံလူ ဟမ်းမဲလ်ရဲ့ ၁၂ မိနစ်ခေါင်းတိုက်ဂိုးနဲ့ ဂျာမနီတို့ နောက်တစ်ဆင့် တက်ရောက်ခဲ့ပါတယ်။ ပွဲအစမှာ ဂျာမနီတို့ ဖိအားပေးနိုင်ခဲ့ပေမယ့် ဂိုးသွင်းခွင့် စရခဲ့တာကတော့ ပြင်သစ်အသင်းကပါ။ ဦးဆောင်ဂိုးပေးလိုက်ရပြီးနောက်ပိုင်း ပြင်သစ်တို့ ပိုကောင်းခဲ့ပြီး ပထမပိုင်းပြီးကာနီး ၁၁ မိနစ်အလိုမှာ ဘန်ဇီမာရဲ့ ကန်ချက်ကို ဂျာမန်ဂိုးသမား နူအာ အကောင်းဆုံး ကာကွယ်သွားနိုင်ခဲ့ပါတယ်။

ဒုတိယပိုင်းမှာ ပြင်သစ်တို့ ဂျာမနီကို ဖိအားပေးနိုင်ခဲ့ပေမယ့် လိုအပ်နေတဲ့ ဂိုးတွေကို သွင်းယူနိုင်ခြင်းမရှိတာကြောင့် ၂၀၁၄ ကမ္ဘာ့ဖလားကို ကွာတားအဆင့်ကပဲ လက်ပြတ်နှုတ်ဆက်ခဲ့ရပါတယ်။ ဒီပွဲအရှုံးဟာ ၁၉၈၂၊ ၁၉၈၆ ကမ္ဘာ့ဖလားပြိုင်ပွဲ ဆီးမီးဖိုင်နယ်အဆင့်မှာ အနောက်ဂျာနီကိုရှုံးခဲ့ရှုံးကြွေး ပြန်ဆပ်ခွင့် ဆုံးရှုံးခဲ့ရတာလည်းဖြစ်ပါတယ်။

==============================

ဘရာဇီးလ် ၂-၁ ကိုလံဘီယာ

အိမ်ရှင်ဘရာဇီးကလည်း အခုနှစ်မှာ အံသြဖွယ်ခြေစွမ်းပြနေတဲ့ ကိုလံဘီယာကို အသားစီး ကစားနိုင်ခြင်းမရှိပေမယ့် သီယာဂိုဆေးလ်ဗား၊ ဒေးဗစ်လူးဝစ်တို့ရဲ့ ဂိုးတွေနဲ့ ဆီမီးတက်နိုင်ခဲ့ပါတယ်။ ပွဲအစမှာ အိမ်ရှင်တို့ လျင်လျင်မြန်မြန်နဲ့ ထိုးဖောက်နိုင်ခဲ့ပြီး ၇ မိနစ်မှာ နေးမာရဲ့ ထောင့်ကန်ဘောကနေ သီယာဂိုဆေးလ်ဗားက ဦးဆောင်ဂိုးသွင်းယူပေးခဲ့ပါတယ်။ ဒါပေမယ့် ကိုလံဘီယာကလည်း ပြန်လည်တုံ့ပြန်နိုင်ခဲ့ပြီး ချေပဂိုးရလုရခင်အထိဖြစ်ခဲ့ပါတယ်။

ဒုတိယပိုင်းမှာတော့ ဘရာဇီးလ်ကသာ ဘောလုံးကိုင်ထားခဲ့ပြီး ၆၉ မိနစ်မှာ လူးဝစ်က နောက်တစ်ဆင့်တက်ဖို့ သေချာစေမယ့်ဂိုးကို သွင်းယူပေးနိုင်ခဲ့ပါတယ်။ မိနစ် ၈၀ မှာ ကိုလံဘီယာ စတား ရော်ဒရီဂက်စ်က ချေပဂိုး ၁ ဂိုး ပြန်သွင်းပေးနိုင်ခဲ့ပေမယ့် ကျန်ရှိတဲ့ ပွဲကစားချိန်တွေကို ဘရာဇီးလ်နောက်တန်းက အကောင်းဆုံး ပိတ်ဆို့သွားနိုင်တာကြောင့် သမိုင်းသစ်ရေးထိုးဖို့ အိပ်မက် ပျက်ပြယ်ခဲ့ရတာဖြစ်ပါတယ်။ ဘရာဇီးလ်အတွက် တန်ဖိုးကြီး ပေးဆပ်ခဲ့ရတာတစ်ခုကတော့ အားထားရတဲ့ တိုက်စစ်မှူး နေးမာ ပွဲပြီးကာနီးမှာ ဒဏ်ရာရခဲ့ပြီး ထမ်းစင်နဲ့ ခေါ်ထုတ်သွားခဲ့ရတာပါပဲ။

ဘရာဇီးလ်ဟာ ပြင်သစ်ကို အနိုင်ယူခဲ့တဲ့ ဂျာမနီနဲ့ ဆီမီးဖိုင်နယ်မှာ တွေ့ဆုံရမှာဖြစ်ပြီး အဲဒီပွဲစဉ်ကိုတော့ ဇူလိုင် ၉ ရက်နေ့ နံနက် ၂ နာရီခွဲမှာ ကစားမှာဖြစ်ပါတယ်။