@ ကွာခြားပုံ @ (သူ့အမြင်)

ဇူလို်င် ၆ ၊ ၂၀၁၄
M-Media
.ရေးသူ – အိမ်ဝေးသူ (KZ)

ဦးဥတ္တမ
ဦးဝိစာရ
သင်္ဂဇာဆရာတော်
ဆရာတော် ဦးဗုဓ်
ဗန်းမော်ဆရာတော်
ရှင်မဟာရဋ္ဌသာရ
ပင်လေးပင်ရှင်လေးပါး
ရှင်ဒီသာပါမောက္ခ
ရှင်အရဟံ

အထက်ပါ ဆရာတော်ကြီးများသည် မြန်မာနိုင်ငံနှင့် မြန်မာလူမျိုးတို့၏
မှန်ကန်သော အမျိုးသားရေး၊ စစ်မှန်သော ဘာသာရေးနှင့် စာပေတို့အား
စွမ်းစွမ်းတမံ မြှင့်တင်ပေးခဲ့ကြသော ပုဂ္ဂိုလ်မွန်များ ဖြစ်ကြသည်။
( ငြိမ်းချမ်းစွာ နေထိုင်ကြသော ဘာသာခြားများအား ဒုက္ခပေးခဲ့ခြင်း အလျင်းမရှိ )

—————၀၀၀——————၀၀၀——————

ကျွန်တော်အပါအဝင်
မြန်မာပြည်ဖွား တိုင်းရင်းသား ပေါင်းစုံတို့သည်
(ဗုဒ္ဓဘာသာဖြစ်စေ၊ မွတ်စလင်မ်ဖြစ်စေ၊ ဟိန္ဒူ ဖြစ်စေ၊ ခရစ်ယာန်ဖြစ်စေ၊)
ကျောင်းနေအရွယ်မှ စတင်၍ ဗန်းမော်ဆရာတော်၊ ရှင်မဟာရဋ္ဌသာရ တို့၏
ပျို့ များ၊ ကဗျာများကို သင်ယူလေ့လာခဲ့ကြရ၏။

ကျွန်တော်သည် ဗုဒ္ဓဘာသာဝင် တစ်ဦး မဟုတ်။
သို့သော်….။
ရှင်မဟာရဋ္ဌသာရ ၏

“ဖတ်ပြန်သော်ကား၊ ဖတ်ဖန်များက
သားမယားပင်
သိမြင်ကင်းကွာ၊ မလိမ္မာလည်း
စာပေစကား၊ နေ့တိုင်းကြားက
ထူးခြားလိမ္မာ၊ ရှိသည်သာတည့်။”

ဟူသော ဆုံးမစာကို ဖတ်ပြီး လိမ္မာယဉ်ကျေးခဲ့ပါသည်။

ကျွန်တော်သည် ဗုဒ္ဓဘာသာဝင် တစ်ဦး မဟုတ်။
သို့သော်….။
ဗန်းမော်ဆရာတော် ၏

“တရားကို တေးလိုဆို၊
အဖကို သားကဆဲ၊
ဆွေမျိုးထဲက ဓားပြတိုက်၊
မိုက်ရဲလျှင် သောတပန်၊
မကောင်းကြံက သမာဓိ၊
ရွှေရှိမှ လူလိမ္မာ၊
လိမ်နိုင်မှ သစ္စာရှင်၊
ရိုးသားသူကို အရူးလို့ထင်”

ဟု အစချီသော ဆုံးမစာကို ဖတ်ပြီး ဆရာတော်၏
ကဗျာဥာဏ် ကွန့်မြူးပုံကို လေးစားအတုယူခဲ့ဖူးပါသည်။

ကျွန်တော်သည် ဗုဒ္ဓဘာသာဝင် တစ်ဦး မဟုတ်။
သို့သော်….။

”နော့်ရထာ့ကံ၊ အရဟံ၊ ခုန်ပျံကျလှာဝဲ”

ဟု ဆိုသည့်အတိုင်း သထုံပြည်မှ ပုဂံပြည်သို့ ကြွ၍ သာသနာပြုခဲ့သည့်
ရှင်အရဟံ နှင့် အနော်ရထာမင်းတို့၏ ဆက်နွယ်မှုတို့ကို
စိတ်ဝင်တစား ဖတ်ရှုရင်း ထေရဝါဒဗုဒ္ဓ ဘာသာ အကြောင်းကို လေ့လာခဲ့ဖူးပါသည်။

ထိုမျှမက

ဆရာတော် ဦးဥတ္တမ ၏ ရဲရဲတောက်သော သတ္တိ
ဆရာတော် ဦးဝိစာရ၏ မှန်ကန်သော မျိုးချစ်စိတ်
သင်္ဂဇာဆရာတော်၏ ယဉ်ကျေးလိမ္မာ သိမ်မွေ့သော အဆုံးအမ
ဆရာတော် ဦးဗုဓ်၏ အမှန်တရားအား မြတ်နိုးတတ်မှု
ပင်လေးပင်ရှင်လေးပါး၏ ချစ်ဖွယ်သော အဆုံးအမ
ရှင်ဒီသာပါမောက္ခ၏ လိမ္မာပါးနပ်သော သံတမန်ရေးရာ ကျွမ်းကျင်မှု

စသည်တို့ကိုလည်း အလျင်းသင့်သလို ဖတ်ရှု လေ့လာခဲ့ရပါသည်။

သို့ဆိုလျှင်….။
ယခုခေတ် သင်္ကန်းအရေခြုံ ဦးဝီရသူ၏
အဆင့်အတန်း…..အဘယ်မှာနည်း။
အတုယူစရာ…လေးစားစရာ အချက် အဘယ်မှာနည်း။

ကျွန်တော်သည် ဗုဒ္ဓဘာသာဝင် တစ်ဦး မဟုတ်။
သို့သော်…။
ဗုဒ္ဓဘာသာဝင် ညီငယ်၊ ညီမငယ်များစွာ ရှိပါသေးသည်။

အကယ်၍….
ထိုလူမမယ် ကလေးငယ်များ၏ ရင်ထဲ၌
ဦးဝီရသူ သင်ကြားပို့ချသော
အမုန်းတရားများ၊ အကြမ်းဖက်ဝါဒများ၊ အချောင်လုယက်လိုစိတ်တို့
တစ်ဖြည်းဖြည်း ကိန်အောင်းသွားမည်ဆိုပါက
မြန်မာ့ နိုင်ငံရေးနှင့် ငြိမ်းချမ်းစွာယှဉ်တွဲနေထိုင်ရေးသည်
မျှော်လေ…ဝေးလေ ဖြစ်ရပေဦးတော့မည်။

အိမ်ဝေးသူ (KZ)

မှတ်ချက်။

သင်…စွဲကိုင်သော အယူဝါဒ၏ ပူလောင်မှု ၊ အေးမြမှုတို့အား ပထမဆုံး ခံစား၊ စံစားရမည့်သူမှာ သင်ကိုယ်တိုင် ဖြစ်သည်။