ဘူဂေးရီးယား မှ မွတ်စလင်များအတွက် သမ္မတ ပြုလုပ်ပေးတဲ့ ပထမဆုံး စုပေါင်းဝါဖြေပွဲ

ဇူလိုင် ၆ ၊ ၂၀၁၄
M-Media

– ရမ်ဇာန်ဥပုသ်လအတွင်း ဥပုသ်သီလဆောက်တည်ကြသည့် နိုင်ငံအတွင်းရှိ မွတ်စလင်လူ့အဖွဲ့အစည်းအတွက် စုပေါင်းဝါဖြေပွဲတစ်ခုကို ဘူဂေးရီးယား သမ္မတ ရိုဆန် ပဲလ်ဗ်နီလီဗ်က ဇူလိုင် ၂ ရက်နေ့တွင် ပြုလုပ်ပေးခဲ့သည်ဟု သိရသည်။

ဘိုယာနာရှိ သမ္မတအိမ်တော်တွင် ကျင်းပပြုလုပ်ခဲ့ခြင်းဖြစ်ပြီး ၁၉၈၉ ခုနှစ် ကွန်မြူနစ် အာဏာရှင်စနစ် ပျက်သုဉ်းခဲ့ပြီးနောက် ၂၅ နှစ်အကြာတွင် နိုင်ငံအတွင်းရှိ ၁.၅ သန်းသော အစ္စလာမ်ဘာသာဝင်များအတွက် အစိုးရ၏ ဆက်ဆံပုံ ပြောင်းလဲမှုလည်းဖြစ်သည်။

“အယူဝါဒတွေ ဘာသာစကားတွေကို ဂရုမထားဘဲ ကျွန်တော်တို့ရဲ့ ဘိုးဘေးတွေဟာ တစ်မြေတည်းနေ တစ်ရေတည်းသောက်ခဲ့ကြပါတယ်။ ဒီလိုပါပဲ ကျွန်တော်တို့ရဲ့ နွေးထွေးတဲ့ ဆက်ဆံရေးနဲ့ စည်းလုံးမှုကို ဒီကနေ့အချိန်အထိ ထိန်းသိမ်းထားနိုင်ခဲ့ပါတယ်” ဟု အဆိုပါ ၀ါဖြေပွဲအခမ်းအနားတွင် ဘူဂေးရီးယား မွဖ်သီ အလစ်ဟာဂျီက ပြောကြားခဲ့သည်။

သမ္မတ ပဲလ်ဗ်နီလီဗ်ကလည်း မကြာသေးမီက နိုင်ငံအတွင်း ဖြစ်ပွားခဲ့သည့် ရေကြီးမှုတွင် ခရစ်ယာန် အော်သိုဒေါ့စ်အသင်းတော်နှင့်အတူ ပါဝင်ဆုတောင်းပေးခဲ့ကြသည့်အတွက် မွတ်စလင်လူ့အဖွဲ့အစည်းအား ချီးကျူးပြောဆိုခဲ့သည်။ ထို့ပြင် ရေကြီးမှုပြီးနောက် အော်သိုဒေါ့စ် ဘုရားကျောင်း သန့်ရှင်းရေးလုပ်ငန်းများတွင် အစ္စလာမ်ဘာသာဝင်များ ပါဝင်ဆောင်ရွက်ပေးခဲ့ကြသည့်အတွက် ကျေးဇူးတင်ကြောင်း ထည့်သွင်း ပြောကြားခဲ့သည်။

မွဖ်သီကလည်း ပြည်သူများအား လွတ်လပ်စွာ ယုံကြည့်ကိုးကွယ်ခွင့်ပေးသည့်အတွက် သမ္မတအား ကျေးဇူးတင်ကြောင်းပြောကြားခဲ့ပြီး၊ မြို့တော်ဆိုဖီယာရှိ တစ်လုံးတည်းသော ဗလီဝတ်ကျောင်းတော်မှာ ၀တ်ပြုဆုတောင်းရန် မလုံလောက်သည့်အတွက် ၀တ်ပြုရန်နေရာများကို ပြုလုပ်ပေးရန် သမ္မတအား တောင်းဆိုခဲ့သည်။

အစိုးရမှတ်တမ်းများအရ ဘူဂေးရီးယားနိုင်ငံ၏ လူဦးရေ ၇.၈ သန်းတွင် ၁၂ ရာခိုင်နှုန်းမှာ အစ္စလာမ်ဘာသာဝင်များဖြစ်ကြသည်ဟု သိရသည်။ ဖသ်ဝါခုံရုံးကမူ ဘူဂေးရီးယားတွင် အစ္စလာမ်ဘာသာဝင်ဦးရေမှာ ၂၅ ရာခိုင်နှုန်းရှိသည်ဟု ဆိုသည်။

Ref: OnIslam.net & News Agencies