အမှန်တရားဆိုတာ (ကဗျာ)

ဇူလိုင် ၇  ၊၂၀၁၄
M-Media
စိန်ဌေးဟန် ရေးသည်။

.မေတ္တာတရားကို
အယောင်ပြလို့ မရိုးသား
သစ္စာတရားကို
အမှောင်ချဖို့ ကြိုးစား
အကွက်ချ အကောက်ကြံခြင်းကသာ
အရှက်ရ နောက်ဆံတင်းရမှာ
အမှန်တရားဆိုတာ
ပင်ကိုယ် အင်အားရှိတဲ့အရာ။

အချိန်တန်တဲ့ အခါများမှာ
ကလိမ်ကြံတဲ့ အရာများဟာ
လက်သီးတစ်ချက်နဲ့တင်
အသက်အပြီးထွက်ခဲ့ရင်
အမှန်တရားဆိုတာ
ပင်ကိုယ်လက်သံပြောင်တဲ့ အရာ။

သူ့ကို အချောင်နှိုက်သူများအတွက်က
တမနက်စာ အရိုးအရွင်း
သူ့ကို ဗြောင်ကြိုက်သူများအတွက်က
တစ်သက်စာ မသိုးထမင်းပေါ့
အမှန်တရားဆိုတာ
တန်ဖိုး မဖြတ်နိုင်တဲ့အရာ။

သူ့အလှကို မယှဉ်ပြိုင်ရဲလို့
သူ့ဘဝကို အစဉ်ယိုင်လဲဖို့
သတ်ဖြတ်ကြကာ
အမြစ်မကျန်လှန်စဉ်မှာ
မတ်တပ်ထကာ
အသစ်တစ်ဖန် ပြန်ရှင်လာ အမှန်တရားဆိုတာ ဘယ်တော့မှမသေတဲ့အရာ။