မြင်းခြံမြို့တွင် ဘာသာပေါင်းစုံ ချစ်ကြည်ညီညွတ်ရေးအဖွဲ့ အစည်းအဝေး ကျင်းပ

ဇူလိုင် ၈ ၊ ၂၀၁၄
ဇော်မင်းနိုင်(မြင်းခြံ)

မန္တလေးတိုင်းဒေသကြီး မြင်းခြံခရိုင် မြင်းခြံမြို့၌ ဘာသာပေါင်းစုံ ချစ်ကြည်ညီညွတ်ရေးအဖွဲ့အစည်းအဝေးကို မင်းကျောင်းတိုက်အတွင်းရှိ ဆန္ဒတော်ပြည့်ဓမ္မာရုံတွင် ဇူလိုင် ၆ ရက်က ကျင်းပခဲ့ကြောင်း သိရသည်။

အစည်းအဝေးတွင် မြင်းခြံမြို့နယ် သံဃာ့နာယကဥက္ကဋ္ဌဆရာတော် ဘဒ္ဒန္တကုမာရက ဩဝါဒစကားမြွက်ကြားပြီး ခရိုင်အုပ်ချုပ်ရေးမှူး ဦးမြင့်သင်းအောင်က ဘာသာဝင် လူမျိုးအချင်းချင်း စည်းလုံးညီညွတ်စွာ နေထိုင်သွားကြရေး အမှာစကားပြောကြားသည်။

ထို့နောက် မြို့နယ်အုပ်ချုပ်ရေးမှူး ဦးထွန်းသိန်းအောင်က ယခုအချိန်တွင် မိမိတို့မြို့သို့ အခြားဘေး ပယောဂများ မဝင်ရောက်စေရေးအတွက် လက်တွဲလုပ်ဆောင်သွားကြရန် ပြောကြားခဲ့ကာ မြန်မာနိုင်ငံရဲတပ်ဖွဲ့၊ မြို့နယ်ရဲတပ်ဖွဲ့မှူး ရဲမှူးအေးမြင့်က အရေးပေါ်ကိစ္စများ ပေါ်ပေါက်လာပါက ဆက်သွယ်အကြောင်းကြားရန် စသည်တို့ကို ပြောကြားခဲ့သည်။

ထို့နောက် ဗုဒ္ဓဘာသာ၊ အစ္စလာမ်ဘာသာ၊ ဟိန္ဒူဘာသာနှင့် ခရစ်ယာန် ဘာသာ အဖွဲ့ခေါင်းဆောင်များက မိမိတို့မြို့တွင် အေးချမ်းစွာဖြင့်နေထိုင် သွား ရေးအတွက် ဝိုင်းဝန်းပူးပေါင်းဆောင်ရွက်သွားကြရန် စသည့်ကိစ္စရပ်များကိုဆွေးနွေးကြပြီး တက်ရောက်လာသည့် နိုင်ငံရေး ပါတီများကလည်း မိမိတို့ ပါတီများအနေဖြင့် ကူညီဆောင်ရွက်သွားကြမည်ဖြစ်ကြောင်း ပြောကြားသည်။ ဘာသာပေါင်းစုံ ချစ်ကြည် ညီညွတ်ရေးအဖွဲ့အတွက် ရန်ပုံငွေများကို ထူထောင်ရာ တက်ရောက်လာသည့် ဘာသာပေါင်းစုံအဖွဲ့များမှ မတည်ငွေအဖြစ် စုပေါင်းထည့်ဝင်လှူဒါန်းကြရာ ငွေကျပ်ခြောက်သိန်းတိတိကို ရရှိခဲ့ကြောင်း သိရှိရသည်။

ယခုကဲ့သို့ ဘာသာပေါင်းစုံချစ်ကြည်ညီညွတ်ရေး အစည်းအဝေးကျင်းပပြီး အုပ်ချုပ်ရေးဆိုင်ရာ တာဝန်ရှိသူများနှင့် သက်ဆိုင်ရာဘာသာရေး အဖွဲ့ ခေါင်း ဆောင်များက မိမိတို့ဒေသ တည်ငြိမ်အေးချမ်းရေး အတွက် ကြိုတင်ညှိနှိုင်း ဆွေးနွေးထားခြင်းကြောင့် ဘာသာအချင်းချင်းကြား ယုံကြည်မှု တိုးပွားလာမည် ဖြစ်ပြီး ပြဿနာများပေါ်ပေါက်မှု နည်းပါးမည်ဖြစ်သလို ဖြစ်ပေါ်သည့်တိုင် အေးချမ်းစွာဖြေရှင်းနိုင်မည်ဟု ယုံကြည်ကြောင်း အစည်းအဝေးသို့ တက်ရောက်ခဲ့သော မြို့မိမြို့ဖတစ်ဦးက ပြော သည်။

၉-၇-၂၀၁၄ မြန်မာ့အလင်း စာ-၁၉