အာရှဒေသအတွင်း ငြိမ်းချမ်း တိုးမြှင့်လုပ်ဆောင်သွားမည်ဟု ဂျပန်ပြော

ဇူလိုင် ၉ ၊ ၂၀၁၄
M-Media

– အာရှဒေသတွင်း ငြိမ်းချမ်းရေးဆောင်ရွက်မှုများ တိုးမြှင့်ပြုလုပ်ရန် မိမိတို့ ဆုံးဖြတ်ထားသည်ဟု သြစတေးလျသို့ ရောက်ရှိနေသည့် ဂျပန်ဝန်ကြီးချုပ် ရှင်ဇိုအာဘေးက ပြောကြားလိုက်သည်။

ပြီးခဲ့သည့် သီတင်းပတ်အတွင်း ဂျပန်၏ စစ်တပ်၏ ပေါ်လစီအချို့အား အပြောင်းအလဲပြုလုပ်ခဲ့ပြီးနောက် အိမ်နီးချင်း တရုတ်နိုင်ငံအပါအ၀င် နိုင်ငံတကာက ဝေဖန်မှုများကို ခံနေရနေရစဉ် အာဘေးက ယခုကဲ့သို့ တုံ့ပြန်ပြောကြား ခဲ့ခြင်းဖြစ်သည်။

“ကျွန်တော်တို့နှစ်နိုင်ငံစလုံးက ငြိမ်းချမ်းရေးကို နှစ်သက်ပါတယ်။ လွတ်လပ်မှုနဲ့ ဒီမိုကရေစီကို ကျွန်တော်တို့ တန်ဖိုးထားပြီး လူ့အခွင့်အရေးနဲ့ တရားဥပဒေ စိုးမိုးရေးကိုလည်း ကျွန်တော်တို့ ဆုပ်ကိုင်ထားပါတယ်” ဟု သြစတေးလျ ပါလီမန်တွင် ပြုလုပ်ခဲ့သည့် မိန့်ခွန်းတွင် အာဘေးက ပြောကြားခဲ့သည်။

ထို့ပြင် ဂျပန်နှင့် သြစတေးလျ နှစ်နိုင်ငံအကြား ထူခြားသည့်ဆက်ဆံရေးကို ဖော်ဆောင်ရန်လည်း အာဘေးက တိုက်တွန်းခဲ့သည်။

ဂျပန်၏ ကာကွယ်ရေးလက်နက်ကိရိယာများနှင့် နည်းပညာများကို သြစတေးလျသို့ လွှဲပြောင်းရေအတွက် သဘောတူညီချက်နှင့် လွတ်လပ်စွာ ကုန်သွယ်ရေး သဘောတူညီချက်ကိုလည်း နှစ်နိုင်ငံလက်မှတ်ထိုးရန် ရှိနေသည်။ သြစေတေးလျမှာ ဂျပန်နှင့် ရေပိုင်နက်ဆိုင်ရာ တင်းမာမှုများရှိနေသည့် တရုတ်နိုင်ငံ၏ အကြီးဆုံး ကုန်သွယ်ဘက်နိုင်ငံ လည်းဖြစ်သည်။

AFP