ဆီးရီးယားအစိုးရ သဘောတူညီချက် မလိုဘဲ ပြည်သူများကို ကူညီခွင့် ဥပဒေမူကြမ်း ကုလအတည်ပြု

ဇူလိုင် ၁၆ ၊ ၂၀၁၄
M-Media

– ဆီးရီးယား အစိုးရ၏ သဘောတူညီချက်မရသော်လည်း သူပုန်များ ထိန်းချုပ်ထားသည့် နယ်စပ်ဒေသများသို့ တူရကီ၊ အီရတ်နှင့် ဂျော်ဒန်တို့မှ တစ်ဆင့် လူသားချင်း စာနာထောက်ထားမှုဆိုင်ရာ အကူအညီများ ပေးအပ်ခွင့် ဥပဒေမူကြမ်းကို ကုလသမဂ္ဂ လုံခြုံရေးကောင်စီက တနင်္လာနေ့တွင် အတည်ပြုခဲ့သည်ဟု သိရသည်။

ဆီးရီးယားအစိုးရကမူ ထိုဒေသများသို့ အကူအညီပေးပို့မှုများကို နိုင်ငံပိုင်နက်အား ကျူးကျော်ခြင်းသာဖြစ်ကြောင်း မှတ်ယူမည်ဟု သတိပေးထားသည်။ သို့သော်လည်း အစိုးရ ခွင့်ပြုချက် မရှိဘဲ အကူအညီများဝင်ရောက်ခွင့် ဥပဒေမူကြမ်းကို လူဇင်ဘတ်၊ သြစတေးလျနှင့် ဂျော်ဒန်နိုင်ငံတို့က ရေးဆွဲခဲ့ပြီးနောက် လုံခြုံရေးကောင်စီသို့ တင်သွင်းခဲ့ပြီး၊ အဖွဲ့ဝင် ၁၅ နိုင်ငံက တစ်ညီတစ်ညွတ်တည်း သဘောတူခဲ့ခြင်းဖြစ်သည်။

“(အကူအညီပေးရေးအတွက်) ဆီရီးယားအစိုးရရဲ့ သဘောတူညီမှု လိုအပ်တော့မှာ မဟုတ်ပါဘူး” ဟု ကုလဆိုင်ရာ လူဇင်ဘတ်သံအမတ်ကြီး ဆဲလ်ဗီ လူးကတ်စ်က ပြောကြားခဲ့သည်။

၃ နှစ်ကျော်ကြာ ကြာမြင့်ခဲ့ပြီဖြစ်သည့် ဆီးရီးယား ပြည်တွင်းစစ်ကြောင့် အနည်းဆုံး လူပေါင်း ၁ သိန်း ၅ သောင်းအခန့် သေဆုံးခဲ့ရပြီး ပြည်သူ ၁၀.၈ သန်းမှာ အကူအညီများလိုအပ်နေကာ ၄.၇သန်းမှာ ပို့ဆောင်ရေးခက်ခဲသည့် ဒေသများတွင် ရှိနေသည်ဟု ကုလသမဂ္ဂက သတင်းထုတ်ပြန်ထားသည်။

အမေရိကန် သံအမတ် စမန်သာပါဝါကမူ သူပုန်များထိန်းချုပ်ထားသည့်ဒေသအား တိုက်ခိုက်ရာတွင် အကူအညီများ ၀င်ရောက်ခွင့်မပြုခြင်းကို  ဆီးရီးယားအစိုးရက လက်နက်အဖြစ် အသုံးချနေသည်ဟု ပြောဆိုခဲ့သည်။

Ref: reuters