အစ္စရေး၏ ၉ ရက်မြောက်ကျူးကျော် တိုက်ခိုက်မှု သေဆုံးသူ ပါလက်စတိုင်း ပြည်သူ၂၀၀ ကျော်ပြီ

ဇူလိုင် ၁၆ ၊ ၂၀၁၄
M-Media

– ဂါဇာကမ်းမြှောင်ဒေသရှိ ဟားမက်စ်ခေါင်းဆောင်များ၏ နေအိမ်များကို ပစ်မှတ်ထား၍ ယနေ့တွင်လည်း အစ္စရေးက လေကြောင်းမှ တိုက်ခိုက်မှုများ ပြုလုပ်ခဲ့ပြီး သေဆုံးသူ စုစုပေါင်း ၂၀၈ ဦးအထိရှိလာပြီဖြစ်သည်။

ယနေ့နံနက် အစောအပိုင်းက တိုက်ခိုက်မှုများတွင် ၁၀ နှစ်အရွယ်ကလေးငယ်တစ်ဦးနှင့် အသက် ၆၅ နှစ်အရွယ် အဖွားအိုတစ်ဦးအပါအ၀င် အနည်းဆုံး ပါလက်စတိုင်း ၇ ဦးသေဆုံးခဲ့ပြီး ဟားမက်စ်အဖွဲ့၏ နိုင်ငံရေးခေါင်းဆောင်တစ်ဦးဖြစ်သည့် မဟ်မူဒ် ဇာဟာရ်၏ နေအိမ်လည်း ပျက်စီးခဲ့သည်ဟု ပါလက်စတိုင်း ကျန်းမာရေးတာဝန်ရှိသူများက ပြောကြားခဲ့သည်။

ထို့ပြင် ဟားမက်စ်ခေါင်းဆောင်များဖြစ်သည့် ဇာဟာရ်၊ ဂျမီလာရှန်တီနှင့် အစ္စမေးလ် အရ်ှကာရ်တို့၏ နေအိမ်များအပါအ၀င် နေအိမ်ပေါင်း ၃၀ ကျော်ကို ပစ်မှတ်ထားတိုက်ခိုက်ခဲ့သည်။ အီဂျစ်၏အပစ်ရပ်ရေးကမ်းလှမ်းမှုအား အင်္ဂါနေ့နံနက်ပိုင်းက လက်ခံခဲ့သည့် အစ္စရေးမှာ ဟားမက်စ်၏ ငြင်းဆန်မှုကြောင့် ဂါဇာအား ဗုံးကြဲမှုများကို ယမန်နေ့မှစ၍ တိုးမြှင့်ပြုလုပ်ခဲ့သည်။

ဂါဇာမြောက်ပိုင်းတွင်နေထိုင်ကြသည့် ပါလက်စတိုင်းများနှင့် အစ္စရေး-ဂါဇာနယ်ခြားတွင် နေထိုင်ကြသည့် ပါလက်စတိုင်းထောင်ပေါင်း များစွာအား နေအိမ်များမှ စွန့်ခွာရန် အစ္စရေးက ယနေ့တွင် ကြေညာခဲ့သည်။

Agencies