သာသနာ့အကျိုးမျှော်၍ ပေးပို့သည့် အိတ်ဖွင့်ပေးစာ

ဇူလိုင် ၁၇ ၊ ၂၀၁၄
M-Media
.ပေးပို့သူ- စိန်စံထိုက်

သို့ /

ဗဟိုသံဃာ့ဝန်ဆောင်မှုအဖွဲ့
(မ.ဟ.န) ဆရာတော်များနှင့် ဗုဒ္ဓဘာသာဝင်များ

သာသနာတော် တည်တံ့ ခိုင်မြဲရေးအတွက် လျှောက်ထားအပ်ပါသည်။

(၁) မြတ်စွာဘုရားသည် (ဗာဟိရသုတ္တန်) တရားတော်တွင် အယူအမြင် မှန်ကန်ခြင်းနှင့် သီလစင်ကြယ်ခြင်းသည် ကောင်းမှုကုသိုလ်တို့၏ အစဖြစ်သည်ဟု ဟောတော်မူသောကြောင့် သီလမရှိသော သံဃာများအား သာသနာ့ဘောင်မှ ထုတ်ပယ်ခြင်း ပြုရပါမည်။

(၂) (ဓမ္မပဒ) ကျမ်း၏အလိုအရ မကောင်းသောစိတ်ဖြင့် ပြုလုပ်ခြင်း၊ ကြံစည်ခြင်း၊ ဟောပြောခြင်းတို့ကြောင့် ထိုသူ့နောက်သို့ လှည်းဘီး စက်သည် ဝန်ကိုဆောင်သော နွား၏ခြေရာသို့ အစဉ်လိုက်သကဲ့သို့ ဆင်းရဲမှုသည် အစဉ်လိုက်လေ၏…. ဟု ဟောကြားချက်အရ မကောင်းသောစိတ်ဖြင့် ဆောင်ရွက်နေသော သံဃာများအား သာသနာ့ဘောင်မှ ထုတ်ပယ်ခြင်း ပြုရပါမည်။

(၃) သူတော်မဟုတ်၊ ယုတ်သောအကျင့်ရှိသူ “ အလဇ္ဇီ ” ပုဂ္ဂိုလ်တို့ကား “ပညာဒုဗ္ဗလ ”  ပညာနည်းသူကိုသာ ရှာ၍ ပေါင်းကြသည်။ “ ပညာဒုဗ္ဗလ ” ပညာနည်းသူတို့ကလည်း “ အလဇ္ဇီ ” ပုဂ္ဂိုလ်တို့ကိုသာ ချီးမြှင့် ထောက်ပံ့ခြင်း ပြုကြကုန်သည်ဖြစ်၍ သံဃာများအနက်မှ “ အလဇ္ဇီ ” ပုဂ္ဂိုလ်များအား ဗုဒ္ဓသာသနာ သန့်စင်ရေးအတွက် အမြန်ဆုံး ထုတ်ပယ်ခြင်း ပြုရပါမည်။

(၄) ဝိနည်းနှင့် မညီဘဲ စည်းကမ်းမဲ့သော “ ဆထ္ထဂီ ရဟန်းဆိုး” တို့သည် ယခုအခါတွင် အမုန်းတရားများ တွင်တွင်ဟောကာ  ဒုတ် / ဒါး / လက်နက်ကိုင်စွဲ၍ သင်္ဃန်းကိုမျှ မထောက်ထားဘဲ ဆိုးသွမ်း ရမ်းကားနေသည် ဖြစ်သောကြောင့် ထိုမသူတော်များကို အချိန်မှီ နှိမ်နှင်းခြင်း မပြုပါက သန့်ရှင်းသောနို့အိုးထဲသို့ ငံပြာရည်တစ်စက် ကျသည့်အလား၊ ဒေါင်းအုပ်ထဲသို့ ကျီးမိုက်များ ရောနှောသည့် အလား ဖြစ်ချေတော့မည်ကို အလွန်အမင်း စိုးရိမ်ဖွယ် ဖြစ်ရပါသည်။

(၅)  အရှင်ဇနကာ ဘိဝံသ ဆရာတော်ကြီး၏ မိန့်ကြားချက်အရ “ အတုတွေများလာရင် အစစ်တွေ ကွယ်တတ်တယ် ”  ဝိနည်းကို မလေးစားသော ကိုယ်ကျင့်သိက္ခာမဲ့သူတွေ ဖုံးလွှမ်းလာရင် အကျင့်မှန်တွေ ကွယ်ပျောက်လိမ့်မယ် – ဟူသော ဟောကြားချက်အရ သံဃာအတုတွေ အမြန်ဆုံး ဖယ်ရှားခြင်းမပြုပါက သံဃာအစစ်၊ သာသနာအစစ်ပါ ကွယ်ပျောက်ရမှာဖြစ်သောကြောင့် အထူးအလေးထားသင့်သော ကာလဆိုးကြီး တစ်ခုဟုသာ မှတ်ယူပါသည်။

(၆)  ဗုဒ္ဓဘာသာဝင်များ သိစေလိုသည်မှာ ဘုရားရှင်လက်ထက်က ရဟန်းသံဃာတော်တွေအနေနဲ့ အခုလို ရက်စက်ကြမ်းတမ်းမှုတွေကို မဆိုထားနှင့် သာမန် ဝိနည်းအနည်းငယ် ချွတ်ချော်တာကိုတောင် အဲ့ဒီ့ကာလက ဒကာ / ဒကာမတွေက ထိုသံဃာတော်များအား ဘယ်လို ဝေဖန်ပြောဆိုခဲ့တယ်ဆိုတာတွေကို သိချင်ရင်  ( ဒေါက်တာ ပညာသီဟလင်္ကာရ ) ဒုတိယ ပါမောက္ခချုပ် – M.A (Phil) : Ph.D (Buddhism) ဝိနယဝိဒူ၊ ဒိဃနိကာ ယဝီဒူ သာသနာ့ဓဇ ဓမ္မစရိယ – သာသနာ လင်္ကာရ သာမဏေကျော် သီတဂူကမ္ဘာ့ဗုဒ္ဓတက္ကသိုလ် (ရန်ကုန်)က အမှာစာရေး၍ ကလောင်အမည် (မိုးသု – မန္တလေး) ဆိုသော ရဟန်းတပါး ပြုစုထားတော်မူတဲ့ (ရဟန်းသံဃာကို ဝေ၀ဖန်ကောင်း ပါသလား)ဆိုသောကျမ်းကို လေ့လာ ဖတ်ရှုရန် အနူးအညွတ် တိုက်တွန်းလိုပါတယ်။

(၇) နောက်ဆုံးအနေနဲ့ အိန္ဒိယနိုင်ငံမှာ သီတင်းသုံးနေတဲ့ကမ္ဘာကျော် ဗုဒ္ဓဘာသာရဟန်းတော်ကြီး (ဒလိုင်းလားမား)က ယခုသီတင်းပတ် အတွင်း မိန့်ကြားခဲ့သော (မြန်မာနိုင်ငံမှာ ဗုဒ္ဓဘာသာအမည်ခံသူတွေက မွတ်စ်လင်မ်တွေကို အကြမ်းဖက်နေခြင်းကို ဗုဒ္ဓဘုရားရှင်သာ သက်တော်ထင်ရှား ရှိနေမယ်ဆိုရင် ကြွရောက် တားမြစ်မှာသာ ဖြစ်တယ်)လို့ မိန့်တဲ့စကားဟာ အသဲနင့်အောင် ခံစားရတဲ့စကားစု တစ်ခုသာဖြစ်ပါတယ်။ ရိုသေလေးစားရပါသော ဆရာတော် သံဃာတော်များနှင့် ဗုဒ္ဓဘာသာညီနောင်များခင်ဗျား – ပစ္စုပ္ပန်ကာလ မြန်မာနီုင်ငံမှာ ပေါ်ပေါက်နေတဲ့ သံဃာအချို့နဲ့ ဗုဒ္ဓဘာသာအမည်ခံသူတစ်စုဟာ အတ္တတွေကြီးထွားကာ ဒေါသ၊ မောဟတွေနဲ့ အတူ ကိုယ်ချင်းစာ တရား ခေါင်းပါးပြီး လူသတ် – မီးရှို့ -ပစ္စည်းလုစတဲ့ အနိဌာရုံလုပ်ရပ်များဟာ သာသနာတော် ထွန်းကား ပြန့်ပွားရေးကို အထောက်အကူ ပြုနိုင်ပါသလား….လို့ မေးခွန်းထုတ်ချင်ပါတယ်။

အဲ့ဒီ့အုပ်စုကတော့ (ဒေါသထွက်နေသော လူအုပ်ကြီး)…  ဆိုတဲ့ အမည်သညာကို ဝမ်းမြောက် ကြည်သာ ပီတိဖြာနေပုံရပါကြောင်းနှင့် သာသနာ့အကျိုးမျှော်၍ နှိုးဆော်လိုက်ရပါကြောင်း ပါ ခင်ဗျား….

လေးစားသဖြင့် –
< စိန်စံထိုက် >