ဂါဇာမှ မိဘမဲ့ ကလေးများအား ကူညီရန် ရန်ပုံငွေ ရှာဖွေပွဲ တက္ကဆက်တွင်ပြုလုပ်

ဇူလိုင် ၂၃ ၊ ၂၀၁၄
M-Media

– ဂါဇာရှိ မိဘမဲ့ကလေးများအား ထောက်ပံ့ရန်အတွက် ရန်ပုံငွေရှာဖွေသည့် အစ်ဖ်သာရ် ညစာစားပွဲတစ်ခုကို အမေရိကန် အစ္စလာမ့်ကူညီကယ်ဆယ်ရေးအဖွဲ့ IRUSA  အမေရိကန်ပြည်ထောင်စု တက္ကဆက်ပြည်နယ် ဟူစတန်မြို့တွင် ပြုလုပ်ခဲ့သည်ဟု သိရသည်။

“ပါလက်စတိုင်းက ကလေးတွေအတွက် တစ်ခုခုလုပ်ပေးဖို့ တာဝန်ရှိတယ်လို့ ကျွန်မတို့ ခံစားရပါတယ်။ ပြီးတော့ အလှူရှင်တွေကလည်း အဲဒီကလေးတွေအတွက် တစ်ခုခု လုပ်ပေးချင်ကြပါတယ်။ ကျွန်မတို့ (ဒီပွဲမှာ) ကောင်းကောင်း လုပ်နိုင်ခဲ့ပါတယ်” ဟု ဟူစတန်အခြေစိုက် IRUSA မှ ကိုယ်စားလှယ် အတ်စ်မား ဆယဒ်က OnIslam.net သို့ ပြောကြားခဲ့သည်။

အဆိုပါ အခမ်းအနားသို့ ဆော်ဒီအာရေဗျရှိ မဒီနာတက္ကသိုလ်မှ မာစတာဘွဲ့ရရှိထားသော ပညာရှင် ဂျိုးဖရက်ဖို့ဒ်တက်ရောက်ခဲ့ပြီး ပါလက်စတိုင်း ကလေးငယ်များ ကြုံတွေ့နေရသည့် ဒုက္ခများကို ပြောကြားခဲ့သည်။

Islam for Working Professionals လှုပ်ရှားမှုကို ဆောင်ရွက်နေသည့် ဖဟဒ် သက်စ်လီမ်းကလည်း အကူအညီလိုအပ်နေသူများ အထူးသဖြင့် ဂါဇာတွင် ဒုက္ခသုက္ခ ခံစားနေရသူများအတွက် ယခုရန်ပုံငွေရှာဖွေရေး၏ အရေးကြီးပုံကို ဖွင့်ဟခဲ့သည်။

IRUSAအဖွဲ့မှာ ထိုကဲ့သို့သော အစ်ဖ်သာရ် ညစာစားပွဲများကို နှစ်စဉ် အမေရိကန်နိုင်ငံတစ်ဝှမ်းရှိ မြို့ကြီးများတွင် ကျင်းပပြလုပ်လေ့ရှိသည်။ ထိုပွဲများတွင် စေတနာရှင်များမှာ မိမိတို့ကြိုက်နှစ်သက်သည့်နိုင်ငံမှ မိဘမဲ့ကလေးများကို ရွေးချယ် လှူဒါန်းနိုင်သည်။

သို့သော်လည်း ဂါဇာတွင် လတ်တလောဖြစ်ပွားနေသည့် အစ္စရေး၏ ကျူးကျော်တိုက်ခိုက်မှုများ ကြောင့် ယခုနှစ်ပြုလုပ်သော အဆိုပါပွဲတွင် ပါလက်စတိုင်းရှိ မိဘမဲ့ကလေးသူငယ်များအတွက် လှူဒါန်းရည် ရည်ရွယ်ခဲ့ခြင်းဖြစ်ပြီး စုစုပေါင်း ရန်ပုံငွေ ၁၅၅၀၀၀ ရရှိခဲ့သည်။ ဟူစတန်ရှိ ကလေးငယ်များ၏ အနုပညာလက်ရာများကိုလည်း လေလံစနစ်ဖြင့် ထိုပွဲ၌ ရောင်းချခဲ့ကာ ဒေါ်လာ ၁၂၀၀ ရရှိခဲ့သည်ဟု ဆယဒ်က ဆိုသည်။

အဆိုပါ အစ်ဖ်သာရ် ညစာစားပွဲသို့ မလာရောက်နိုင်ခဲ့သူများအနေဖြင့် လှူဒါန်းလိုပါက  IRUSA ၀ဘ်ဆိုက်ဖြစ်သည့် www.irusa.org သို့ ယခုသီတင်းပတ် မကုန်ခင် ဆက်သွယ်လှူဒန်းနိုင်ဟု သိရသည်။ လာမည့်သီတင်းပတ်များတွင်လည်း ထိုကဲ့သို့သော အစ်ဖ်သာရ်ညစာစားပွဲများကို ထိုအဖွဲ့မှ ပြုလုပ်သွားရန်ရှိနေသည်။

IRUSA မှာ ကမ္ဘာလုံးဆိုင်ရာ အစ္စလာမ့် ကူညီကယ်ဆယ်ရေးအဖွဲ့ IRW ၏ အဖွဲ့ခွဲဖြစ်သည်။ IRWမှာ အကူအညီပေးရေး အေဂျင်စီ ၁၅ ခု စုပေါင်းထားသည့် နိုင်ငံတကာ အကူအညီပေးရေးအဖွဲ့ဖြစ်ပြီး ကမ္ဘာပေါ်ရှိ အဆင်းရဲဆုံး ပြည်သူများ ခံစားနေရသည့် ဒုက္ခများကို လျော့ပါးစေရန် ရည်ရွယ် တည်ထောင်ခဲ့ခြင်းဖြစ်သည်။

.onislam.