ဂါဇာအား အစ္စရေး၏ ကျူးကျော်တိုက်ခိုက်မှု စစ်ရာဇ၀တ်မှုမြောက်နေပြီဟု ကုလ ပြောပြီ

ဇူလိုင် ၂၃ ၊ ၂၀၁၄
M-Media

– ၁၆ ရက်တာကြာမြင့်နေပြီဖြစ်သည့် ဂါဇာအား အစ္စရေးက ကျူးကျော်တိုက်ခိုက်မှုများမှာ စစ်ရာဇ၀တ်မှုအဖြစ် သတ်မှတ်၍ရနေပြီဟု ကုလသမဂ္ဂ လူ့အခွင့်အရေးဆိုင်ရာ အကြီးအကဲ နဗီးပီလေးက ယနေ့တွင် ပြောကြားလိုက်သည်။

“နိုင်ငံတကာဥပဒေကို ချိုးဖောက်ခဲ့တယ်ဆိုတဲ့ ဖြစ်နိုင်ချေဟာ ခိုင်ခိုင်မာမာရှိနေပြီး၊စစ်ရာဇ၀တ်မှုအဖြစ် သတ်မှတ်နိုင်ပါပြီ” ဟု ကုလသမဂ္ဂ လူ့အခွင့်အရေးကောင်စီတွင် ပြုလုပ်ခဲ့သည့် အရေးပေါ် အစည်းအဝေးတွင် ပီလေးက ပြောကြားခဲ့ပြီး အစ္စရေးဘက်မှ ကြိုတင်သတိပေးမှုများ ပြုလုပ်ခဲ့ခြင်းနှင့် ပတ်သက်၍ သံသယရှိနေသည်ဟုလည်း ဆိုသည်။

ထို့ပြင် လွန်ခဲ့သည့် သီတင်းပတ်အတွင်းက ဂါဇာကမ်းခြေတွင် ဘောလုံးကစားနေသည့် ကလေးငယ် ၇ ဦးအား ရည်ရွယ်ချက်ရှိရှိ ပစ်မှတ်ထားခဲ့ပုံရသည့် တိုက်ခိုက်မှုကို ထောက်ပြ၍ ထိုလုပ်ရပ်မှာ နိုင်ငံကာဥပဒေများကို အစ္စရေးမှ ဂရုမစိုက်သည့် အထောက်အထားဖြစ်သည်ဟု ထည့်သွင်းပြောကြားခဲ့သည်။

နိုင်ငံ ၄၆ နိုင်ငံပါဝင်သော ကုလသမဂ္ဂ လူ့အခွင့်အရေးဆိုင်ရာ အမြင့်ဆုံး ဖိုရမ်ကမူ  ဂါဇာအား အစ္စရေးတို့၏ ကျူးကျော်တိုက်ခိုက်မှုနှင့် ပတ်သက်၍ နိုင်ငံတကာမှ စုံစမ်းစစ်ဆေးမှုများ ပြုလုပ်ရန် တိုက်တွန်းခဲ့သည်။

ထို့ပြင် လူ့အခွင့်အရေးနှင့် အခြေခံလွတ်လပ်ခွင့်တို့ကို စနစ်တကျ၊ ဆိုးရွားစွာ ချိုးဖောက်နေသည့် အစ္စရေး၏ လုပ်ရပ်ကို ရှုတ်ချသည့် မူကြမ်းတစ်ခုကို ပါလက်စတိုင်းက တင်သွင်းခဲ့ပြီး ထိုမူကြမ်းအား မဲခွဲရန်ရှိနေသည်။

အဆိုပါမူကြမ်းတွင် အရှေ့ဂျေရုစလင်၊ ဂါဇာဒေသတို့အပါအ၀င် အစ္စရေးက မတရားသိမ်းပိုက်ထားသည့် ပါလက်စတိုင်းနယ်မြေအတွင်း နိုင်ငံတကာ လူ့အခွင့်အရေး ဥပဒေနှင့် လူသားချင်းစာနာထောက်ထားမှုဆိုင်ရာ ဥပဒေများ ချိုးဖောက်မှုအားလုံး နှိုက်နှိုက်ချွတ်ချွတ် စစ်ဆေးရန်အတွက် နိုင်ငံတကာအသိုင်းအ၀ိုင်းက လွတ်လပ်သော စုံစမ်းရေး ကော်မရှင် အမြန်ဖွဲ့စည်းရေးကိုလည်း တိုက်တွန်းခဲ့သည်။

ဂါဇာရှိ တစ်ခုတည်းသော ဓာတ်အားပေးစက်ရုံအပါအ၀င် နေရာအများအပြားကိုလည်း အစ္စရေးက ယနေ့တွင် တင့်ကားများဖြင့် ပစ်ခတ်ခဲ့ပြီး ယနေ့နံနက်ပိုင်းတွင်ပင် အနည်းဆုံး ပါလက်စတိုင်း ၆ ဦးသေဆုံးခဲ့သည်။ ဇွန်လ ၈ ရက်နေ့က စတင်ခဲ့သည့် အစ္စရေး၏ ကျူးကျော်တိုက်ခိုက်မှုမှာ ၁၆ ရက်မြောက်လာခဲ့ပြီး သေဆုံးသူမှာ ၆၄၈ ဦး ရှိလာပြီဖြစ်သည်။ အများစုမှာ ကလေးငယ်များနှင့် အမျိုးသမီးများဖြစ်ကြကာ ဒဏ်ရာရသူ ၄၀၀၀ ကျော် ရှိနေသည်။

Al Jazeera and agencies