မေတ္တာ-ဓမ္မ ငြိမ်းချမ်းခြင်း (အရှင် ဂမ္ဘီရ)

ဇူလိုင် ၂၄ ၊ ၂၀၁၄
M-Media
.ဆောင်းပါးရှင်- ဂမ္ဘီရ

.မြန်မာနိုင်ငံရေးရဲ့ မျက်မှောက်အခင်းအကျင်းမှာ သံဃာ့ အခန်းကဏ္ဍနှင့် ပတ်သတ်ပြီး နေ့စဉ် စိတ်မချမ်းမြေ့စရာတွေ ကြားနေရသည်။ ဒီအကြောင်းနှင့် ပတ်သတ်ပြီး နိုင်ငံတကာမှ မိတ်ဆွေတွေရဲ့ အီးမေးတွေ၊ ဖုန်းတွေ လာရောက်တွေ့ဆုံ မေးမြန်းတာတွေကို လည်း နေ့စဉ်လို ဖြေကြားပေးနေရသည်။ သူတို့ မေးခွန်းတွေမှာ စောဒကတက်သံတွေ၊ အားမလို အားမရ ဖြစ်သံတွေ ထူပြောနေသည်။ သူတို့အားလုံး တူညီစွာ နှိုင်းယှဉ်ပြကြသည်က အပြည်ပြည်ဆိုင်ရာ လူသားထုကြီးက လေးစားဂုဏ်ယူ အားကျခဲ့ကြရသော ၂၀၀၇ ရွှေဝါရောင် တော်လှန်ရေးနှင့် မျက်မှောက်သံဃာ့ လှုပ်ရှားမှုများက ဆန့်ကျင်ကွဲပြား ခြားနားနေကြသည်။ သူတို့အားကျ အတုယူခဲ့ရသည့် ရွှေဝါရောင် တော်လှန်ရေးက စစ်အာဏာရှင် စနစ်ကို မြန်မာ့မြေပေါ်မှ ဖယ်ရှားဖို့ရန် မေတ္တာ-ဓမ္မ-ငြိမ်းချမ်းမှုတို့ကို ကိုင်စွဲလျှက် မေတ္တာသုတ် ရွတ်ဖတ်ချီတက် လမ်းလျှောက် ဆန္ဒ ပြခဲ့ကြတာ ဖြစ်သည်။ မျက်မှောက် သံဃာ့လှုပ်ရှားမှုတွေက ကျဉ်းမြောင်းသော လူမျိုးရေး ဘာသာရေးဆိုင်ရာ မုန်းတီးမှု ၀ါဒကို ကိုင်စွဲပြီး စစ်အာဏာရှင်တို့ အလိုကျ လူထုကြားမှာ အပြန်အလှန် အမုန်းတရားတွေ ကြီးထွားအောင်၊ ဆူပွက်အောင် ကြိုးပမ်းဆောင်ရွက်နေကြတာ ဖြစ်သည်။

၂၀၁၂ အတွင်းမှာ ကျန်းမာရေး အခြေအနေနှင့် နေ့စဉ် ဘ၀ ရပ်တည်နိုင်ရေး အခြေအနေက ယခုထက် ပိုမိုဆိုးဝါးသည်။ အဲဒီအချိန်မှာ ရခိုင်ပြည်နယ်တွင် မသီတာထွေး ကိစ္စနှင့် ပတ်သက်ပြီး ဗုဒ္ဓဘာသာဝင်များနှင့် ရိုဟင်ဂျာ မွတ်စလင်များ အကြား အပြန်အလှန် ရန်ပွဲဖြစ်ကြရာက သတ်ကြဖြတ်ကြသည် အထိ ဖြစ်ကုန်ကြသည်။ ထို့နောက် ပြစ်မှုနှင့် မဆိုင်သော ရိုဟင်ဂျာတွေကိုပါ သတ်ဖြတ်ခံရပီး ပြဿသနာ ပိုမိုကြီးထွားလာသည်။ မည်သူမျှ ၀င်ရောက် ထိန်းသိမ်းပေးခြင်း မရှိခဲ့ကြ။ အားလုံး တိတ်ဆိတ်နေခဲ့ကြသည်။ ပို၍ ဆိုးဝါးသည်က သွေးကြွနေသော ရခိုင်လူမျိုးတွေကို အစိုးရ သတင်းစာများနှင့် ပြည်တွင်း ထုတ် ဂျာနယ်တချို့က မြှောက်ထိုးပင့်ကော် လုပ်ပေးပြီး ပြဿသာနာတွေကို ပိုမိုကြီးထွားအောင် ဖန်တီးကာ ရခိုင်လူမျိုးတွေကို ကမ္ဘာ့မျက်နှာစာမှာ မြန်မာ့မူဆလင် မုန်းတီးရေး ၀ါဒီများအဖြစ် ဖန်တီးပုံဖော် အမြတ်ထုတ်ခဲ့ကြတာ ဖြစ်သည်။ အဲဒီအချိန်က လက်တလော အကျိုးအမြတ်အဖြစ် လက်ပန်းတောင်းတောင် စီမံကိန်း ဖျက်သိမ်းရေး ဆန့်ကျင်ကန့်ကွက် ဆန္ဒပြသံတွေ သတင်းမီဒီယာပေါ်မှာ တိုးတိတ်သွားခဲ့ရသည်။ ရေရှည် အကျိုးအမြတ်အဖြစ် ယခုအခါ မြန်မာ့သံဃာထု နှင့် NLD ပါတီကြားမှာ ကွာဟချက်၊ ကွဲပြားခြားနားချက်က တဖြည်းဖြည်း ကျယ်ပြန့် နက်ရှိုင်းလာနေသည်။

၂၀၁၂ ရခိုင်ပြည်နယ်ရဲ့ ရခိုင်-ရိုဟင်ဂျာ ပဋိပက္ခတွေကို နေ့စဉ် ဖတ်၊ နေ့စဉ်ကြားနေခဲ့ရပြီး မခံစားနိုင်တော့သည့် အဆုံး မကျန်းမာသည့်ကြားက သြဂုတ်၊ စက်တင်ဘာလတို့တွင် အိတ်ဖွင့်ပေးစာနှစ်စောင် ကြိုးစားပြီး ရေးပေးဖြစ် ခဲ့သည်။ ထို့ကြောင့် ပဋိပက္ခတို့ အတော်အသင့် ငြိမ်သက်သွားခဲ့သည်။ ယခုဆောင်းပါးက ထိုစာနှစ်စောင်ရဲ့ အဆက်ဟု မှတ်ယူမည်ဆိုလျှင်လည်း မှတ်ယူနိုင်သည်။

ယခုအခါ မြန်မာနိုင်ငံမှာ အမျိုးဘာသာ သာသနာ ထိန်းသိမ်းစောင့်ရှောက်ရေး အဖွဲ့အမည်ခံယူပြီး သံဃာတွေကြားမှာ သံဃာတချို့က လူမျိုးရေး ဘာသာရေးဆိုင်ရာ မုန်းတီးရေး ၀ါဒတွေ၊ တရားတွေ ဟောပြောစည်းရုံး ဖြန့်ဝေနေကြသည်။ အမျိုးဘာသာ သာသနာ ထိန်းသိမ်းစောင့်ရှောက်ရေး အဖွဲ့ဆိုတဲ့ အမည်ကတော့ တော်တော်ကောင်းသည်။ သို့ပေမဲ့ သေသေချာချာ စဉ်းစားကြည့်ပါလျှင် သံဃာတော်များ အနေဖြင့် ဗုဒ္ဓအဆုံးအမ ဓမ္မနှင့် အညီ၊ ၀ိနယနှင့် အညီ၊ ဓမ္မ၀ိနယနှင့် အညီ ကျင့်သုံး ဆောင်ရွက်ကြသည်ဆိုပါလျှင် အမျိုး၊ ဘာသာ၊ သာသနာကို ထိန်းသိမ်းစောင့်ရှောက်ခြင်း ဖြစ်သည်။ သံဃာ့ အစည်းအရုံးကြီးကို ဗုဒ္ဓက ဖွဲ့စည်းထူထောင် ပေးတော်မူခဲ့ခြင်း၏ ပဓာန ရည်ရွယ်ချက်ကိုက အမျိုးဘာသာ သာသနာတော်ကို ထိန်းသိမ်းစောင့်ရှောက်ရန်အတွက် ဖြစ်သည်။ ၎င်းကို ၀ိနည်းမဟာ ပါဋ္ဌိတော်၌ စရထဘိက္ခဝေစာရိကံ-အစချီပြီး ဗဟုဇန ဟိတာယ မဟုဇန သုခါယ လောကာနုကမ္ပာယ စသည်ဖြင့်လည်းကောင်း ထို့နောက် အလားတူ မိန့်ဆိုချက်များကို ပါဠိတော် နေရာတော်တော်များများတွင် တွေ့မြင်နိုင်သည်။

ဤနေရာတွင် အမျိူး ဟူသော စကားလုံး၊ စကားရပ်နှင့် ပတ်သက်ပြီး ပုဒ်ဆစ်ကောင်း ဆစ်ချင်ကြမည်ဖြစ်၍ အနည်းငယ် ရှင်းလင်းရေးသားလိုက်သည်။ အနန္တနယ သမန္တ ပဋ္ဌာန်းကျမ်းလာအတိုင်း ရှုမြင်ကြည့်ကြမည်ဆိုပါလျှင် အနာဒိအနန္တ အဆုံးအစ မထင်ရှည်လျားသော သံသရာများအတိုင်း ဟောဒီ အနန္တ စင်္ကြာဝဠာကြီး အတွင်း ကျွန်ုပ်တို့ လူသားများအပါအ၀င် သတ္တ၀ါ အားလုံးအနေဖြင့် ဆွေမျိူးညာတိ မတော်စပ်ခဲ့ဖူးသူ တစ်ဦး တစ်ယောက်မျှ မရှိ။ ထိုကြောင့် “အမျိုး”  “အမျိုးစောင့်ခြင်း” ဟူသည်ကား အဘယ်နည်း။

မေတ္တာ သုတ္တန်၌ ” မာနသံ ဘာဝယေ ”  အပရိမာဏံ ဟူသော စကားရပ် မိန့်ဆိုချက် နှစ်ကြိမ်ပင် ပါရှိသည်။ ဆိုလိုသည်က ” လူသားအပါအ၀င် သတ္တဝါ အားလုံးတို့အပေါ်၌ အပိုင်းအခြား မရှိသော မေတ္တာစိတ်ကို ပွားများရမည် ” ဟု မိန့်ဆိုခြင်း၊ သင်ကြားခြင်း၊ သတိပေးခြင်းနှင့် ပွားများစေခြင်း ဖြစ်သည်။

ဤ၌ အပိုင်းအခြား မရှိသော မေတ္တာစိတ် ဟူသော စကားရပ်ကို အလေးအနက် သတိပြုမိဖို့ လိုသည်။ ဤကား မေတ္တာသုတ္တန်၏ အဓိက သော့ချက်များမှ နှစ်ခုဖြစ်သော သီမာသမ္ဘေဒနှင့် ဘိန္နသီမာ ကို ဆိုလိုခြင်း ဖြစ်သည်။ သီမာသမ္ဘေဒ ဆိုသည်က အပိုင်းအခြားကို ချိုးဖျက်ခြင်းဖြစ်သည်။ ဘိန္နသီမာ ဆိုသည်က အပိုင်းအခြားကို ချိုးဖျက်သူ ဟု ဆိုလိုသည်။ သတွာတို့မှာ ကိုယ်စီကိုယ်စီ အပိုင်းအခြားတွေ ရှိကြသည်။ ဤအကြောင်းနှင့် ပတ်သက်ပြီး ဂျပန်ရှေးဟောင်း ပုံပြင်တစ်ပုဒ်နှင့် ရှင်းပြဆွေးနွေးပါရစေ။

တစ်ခါက တောအုပ်တစ်ခု အတွင်းမှာ ကျောင်းသင်္ခန်းတစ်ခုရှိသည်။ ကျောက်းထိုင် ပုဂ္ဂိုလ်မှ သူချစ်ခင် ရင်းနှီးသော ရဟန်းတစ်ပါး၊ သူမချစ်ခင်သော ရဟန်းတစ်ပါး၊ သူချစ်ခင်သည် မဟုတ်၊ မချစ်ခင် သည်လည်း မဟုတ် သာမန်မျှသာ ဖြစ်သော ရဟန်းတစ်ပါးတို့နှင့် အတူ သီတင်းသုံး နေထိုင်သည်။ တစ်နေ့တော့ တောအုပ် အတွင်း ကျောင်းသင်္ခန်းသို့ ခိုးသားဓားပြများ ရောက် ရှိလာကြသည်။ ခိုးသားဓားပြများက ကျောင်းသင်္ခန်းရှိ ရဟန်း ၄ ပါး အနက်မှ တစ်ပါးကို သတ်ရမည် ဖြစ်ကြောင်း ပြောဆိုပြီး ကျောင်းထိုင်ပုဂ္ဂိုလ်အား ၎င်းတို့သတ်ရမည့် ရဟန်းတစ်ပါးကို ရွေးချယ်ပေးဖို့ ပြောဆိုသည်။ ကျောင်းထိုင် ပုဂ္ဂိုလ်က စဉ်းစားသည်။ မိမိချစ်ခင် ရင်းနှီးသော ရဟန်းကို ညှင်းဆဲသတ်ဖြတ် မခံနိုင်။ မိမိ မချစ်ခင် မနှစ်သက်သော ရဟန်းကိုလည်း ရန်သူပင် ဖြစ်လင့်ကစား သတ္တဝါတို့ အပေါ် ထားရှိအပ်သော ဓမ္မဝိနယလာ မေတ္တာ၊ ဓမ္မနှင့် အညီ ညှင်းဆဲသတ်ဖြတ် မခံနိုင်။ မချစ်ခင်၊ မမုန်း သာမန် ရဟန်းကိုလည်း ထိုအတိုင်းပင်။ မိမိကိုယ်ကို ပေးမည်ဆိုပြန်တော့လည်း ဆိုဖွယ်ရာမရှိ။ ထို့ကြောင့် ကျောင်းထိုင် ပုဂ္ဂိုလ်က အကျိုးအကြောင်း ရှင်းလင်းပြောပြလိုက်သည်။ ထိုအခါ သူခိုးဓားပြများလည်း မည်သူ့ကိုမျှ မသတ်တော့ဘဲ ပြန်သွားကြတော့သည်။

ဤပုံပြင်ကား မေတ္တာသုတ္တန်လာ သီမာသမ္ဘေဒ၊ ဘိန္နသီမာ တို့ နှင့် ပတ်သက်ပြီး ပုဂ္ဂိုလ်သတ္တဝါ အားဖြင့်လည်းကောင်း အချင်းအရာ အာကာရ အားဖြင့်လည်းကောင်း၊ တော်တော် နီးနီးစပ်စပ် နားလည်လွယ်စေသည်။ ဘင်္ဂါလီ ကဗျာဆရာ ရာဘင်ဒြာနတ် တဂိုး၏ ဂီတဉ္ဇလီ ကဗျာစာပိုဒ်ရေ ၃၅ ၌လည်း

“အကြင်အရပ်၌
အချင်းချင်းအား
လူမျိုးစု အစရှိသော
ကျဉ်းမြောင်းသော နံရံတံတိုင်း စသည်တို့ဖြင့်
.တောက်စိတ် ပိုင်းခြား
ကာရံထားခြင်းမရှိ”
ဟူ၍ ကဗျာ တစ်ပိုဒ်ပါရှိသည်။ ရာဘင်ဒြာနတ် တဂိုး အနေဖြင့် သိမာသမ္ဘေဒ နှင့် ဘန္နသီမာကို ရည်ညွန်းပြီး စပ်ဆိုခဲ့လေသလား ဟုတ်မဟုတ်တော့ ကျွန်ုပ်လည်း မသိ။

အရှင်ဝီရသူ အနေဖြင့် ဂရိဒဏ္ဍာရိထဲက မြေခွေး တစ်ကောင်လို ဖြစ်လာနေသည်။ ဒဏ္ဍာရီထဲမှာ မြေခွေး တစ်ကောင်က ပြေးရင်း လွှားရင်း ကျောက်တုံးနှင့် အမြီး ညှပ်မိပြီး အမြှီးပြတ်သွားသည်။ အဲဒီမှာ မြေခွေးက အခြားမြေခွေးတွေကို လိုက်လံ ပြောဆိုသည်။ အမြှီးပြတ်တဲ့ မြေခွေးတွေကိုမှ ဘုရားသခင်က စောင့်ရှောက်တော်မူမယ်လို့ ဘုရားသခင်က သူ့ကိုပြောကြောင်းပေါ့။ အဲဒီမှာ ယုံမိတဲ့ မြေခွေးတွေဟာ သူတို့အမြှီးတွေကို အမြန်ဖြတ်ပစ်ကြပါသတဲ့။

ထို့ကြောင့် ထပ်ပြောပရစေ။ အရှင်ဘုရားတို့ အနေဖြင့် ဓမ္မ၀ိနယနှင့်အညီ ကျင့်သုံးဆောင်ရွက်ကြခြင်းသည်ပင်လျှင် အမျိုးဘာသာ သာသနာတော်ကို စောင့်ရှောက်ခြင်း ဖြစ်တော့သည်။ ထို့ကြောင့် အမျိုးဘာသာ သာသနာ စောင့်ရှောက်ရေး အဖွဲ့ဆိုပြီး ထူးထူးခြားခြား ဖွဲ့စည်းဆောင်ရွက်ရန် မလိုအပ်။ ဖွဲ့စည်းထားလိုက်ပြီးပြီဆိုတော့ ဓမ္မ၀ိနယနှင့် အညီ ဘယ်လိုမူဝါဒတွေ ချမှတ်ထားသနည်း။ သံဃာ့အ၀န်းအ၀ိုင်း အတွင်း သံဃာ့အဖွဲ့အစည်းတွေ ဖွဲ့စည်းကြတယ်ဆိုတာက အရပ်သား လူ့အဖွဲ့အစည်း အသင်းအဖွဲ့တွေလို မဟုတ်။ မည်သို့သော ရည်ရွယ်ချက်နှင့် ဖွဲ့စည်းသည်ဖြစ်စေ၊ အဖွဲ့လုပ်ငန်းစဉ်များအတွက် ဗုဒ္ဓအဆုံးအမ သင်ကြားချက်များအတိုင်း ဓမ္မ၀ိနယနှင့် မသွေဖီသော မူဝါဒများ ချမှတ်ဆောင်ရွက်ရတာ ဖြစ်သည်။ ၂၀၀၇ ရွှေဝါရောင် တော်လှန်ရေး အစက မေတ္တာသုတ် ရွတ်ဖက်ချီတက် လမ်းလျှောက်ဆန္ဒပြခဲ့ကြတာ ဖြစ်သည်။ ထို့နောက် ပခုက္ကူ သံဃာတော်တွေ ရိုက်နက်ခံရတော့လည်း ၀ိနည်း စူဠ၀ါ ပါဠိတော်လာ ၀ိမုလိစ္ဆ ၀ီအခန်းပြဌာန်းချက် အတိုင်း အပြည်ပြည်ဆိုင်ရာ ပတ္တနိကုဇ္ဇန ကံဆောင်ကြပြီး မေတ္တာသုတ် ရွတ်ဖတ်ချီတက် ဆန္ဒပြခဲ့ကြတာ ဖြစ်သည်။ အမှန်တကယ်က ၂၀၀၆ ခုနှစ် ကုန်ပိုင်းလတွေကတည်းက ကျွန်ုပ်တို့ မြေအောက် သံဃာ့အဖွဲ့အသီးသီးက ဥပုသ်နေ့ညနေတိုင်း ကြိုတင်လေ့ကျင့်ခဲ့ကြတာ ဖြစ်သည်။ ဒီအကြောင်းတွေ ရေးဖြစ်၊ ဖော်ထုတ်ဖြစ်တော့မှ မော်ကွန်း ထိန်းသိမ်းရေး ဌာနမှ မှတ်တမ်းတွေ၊ ဓာတ်ပုံတွေနဲ့တကွ ခွင့်ပြုချက်ရယူပြီး ဖော်ပြပါဦးမည်။ အခုတော့ ရွှေဝါရောင် အရေးတော်ပုံကို အားလုံးနှိမ်ရေး နေကြတဲ့ ” ရွှေဝါရောင် အရေးအခင်း” ဆိုတာကို ဘာမှ ပြန်မဖြေရှင်းသေးပဲ ဒီအတိုင်း ထားလိုက်သည်။ ဒါပေမဲ့ ကျွန်ုပ်တို့အားလုံး ကြိုးပမ်းဆောင်ရွက်ခဲ့ကြသည် ကတော့ အားလုံး ဓမ္မ၀ိနယနှင့် အညီအညွတ် ဖြစ်အောင် ကြိုးစားနိုင်ခဲ့ကြသည်။

ဒါကြောင့်လည်း နိုင်ငံတကာရဲ့ လေးစား ဂုဏ်ယူခြင်းတွေကို ရရှိခဲ့ကြတာ ဖြစ်တယ်။

တစ်ခုပြောစရာရှိတာက ၂၀၀၇ ရွှေဝါရောင် တော်လှန်ရေး ကာလတုန်းက အရှင် ၀ီရသူ မပါဝင်ပါ။ အရှင်ဝီရသူနှင့် ရွှေဝါရောင် တော်လှန်ရေးဟာ ဘာမှ မပတ်သက်၊ မသက်ဆိုင်ပါ။ အဲဒီ ကာလက အရှင်ဝီရသူ အနေဖြင့် ကျောက်ဆည် မွတ်ဆလင် ဗုဒ္ဓဘာသာ အဓိကရုဏ်းကြောင့် ၂၀၀၃ ခုနှစ်ကတည်းက မန္တလေး ဗဟိုအကျဉ်းထောင်တွင်း ရောက်ရှိနေချိန်ဖြစ်သည်။ အခုတလော သတင်းမီဒီယာတွေက ခဏခဏ မေးကြလွန်းလို့ ထည့်ဖြေလိုက်တာဖြစ်သည်။

အမျိုးဘာသာ သာသနာ ထိန်းသိမ်းစောင့်ရှောက်ရေး အဖွဲ့ဆိုပြီး ဟောပြော ချက်တွေ၊ လုပ်ဆောင်ချက်တွေက ဓမ္မ၀ိနယနဲ့ သွေဖီနေတော့ ဒေသ တွင်း အပါအ၀င် နိုင်ငံတကာက ၀ိုင်းဝန်း ကဲ့ရဲ့ကြသည်။ ရှုံ့ချကြသည်။ ဘယ်နိုင်ငံကမှ လက်မခံကြ။ ဒီတော့ မူဝါဒတွေ၊ လုပ်ရပ်တွေက မှားတော့ တိုင်းပြည်၊ လူမျိုးအပါအ၀င် ဘာသာ သာသနာပါ အထင်အမြင်သေး ခံရသည်။ အရှက်ရစေသည်။ မူဆလင်တွေကို ရိုက်နှက်သတ်ဖြတ်သော မှတ်တမ်းဗီဒီယိုတွေမှာ ရဟန်းတွေတောင် တချို့ပါဝင်နေသည်။ ” ဗုဒ္ဓသာသနံ စိရံ တိဌိတု ” လို့ နေစဉ်လောက်  ရွတ်ဆိုနေကြပြီး ဘာကြောင့် ဗုဒ္ဓသာသနာတော်ကို အထင်သေးစရာဖြစ်အောင်၊ ကဲ့ရဲ့ရှုံ့ချစရာဖြစ်အောင် လုပ်ဆောင်ကြရသနည်း။

အရှင်ဘုရားများအနေဖြင့် စစ်ဗိုလ်ချုပ်ဟောင်းများ အစိုးရရဲ့ ခိုင်းဖတ်ဖြစ်နေကြလို့ ဖြစ်နေကြမှန်းလည်း ကိုယ့်ကိုယ်ကိုယ် မသိကြ။ ထို့ထက် ပိုဆိုးတာက အမျိုးဘာသာ သာသနာ စောင့်ရှောက်ရေး အဖွဲ့ သံဃာတွေနဲ့ NLD ပါတီ ပြဒါးတစ်လမ်း၊ သံတစ်လမ်း၊ ရန်သူတွေလို ဖြစ်လာနေတာ ဖြစ်သည်။ တကယ့်တကယ် ဖြစ်တာက အမျိုးဘာသာ သာသနာ စောင့်ရှောက်ရေး အဖွဲ့သံဃာတွေနဲ့မျှသာ ဖြစ်သည်။ မြန်မာနိုင်ငံ သံဃာထု တစ်ရပ်လုံးမဟုတ်။ ဒါပေမဲ့ ပြည်တွင်းမီဒီယာတွေ ဖော်ပြနေကြသည်က ကွဲကွဲပြားပြား မရှိ။ ဝေေ၀၀ါးဝါးတွေ ဖြစ်သည်။ ဒါကို ဂဃနဏ မသိကြသူတွေက မြန်မာနိုင်ငံ သံဃာထု တစ်ရပ်လုံး နှင့် NLD ပါတီ ကွဲပြားသွားပြီလို့ လက်ခံလိုက်ကြတာ ဖြစ်သည်။ အမှန်တကယ်က အမျိုးဘာသာ သာသနာ ထိန်းသိမ်းစောင့်ရှောက်ရေး အဖွဲ့ဆိုတာကို လက်မခံတဲ့ သံဃာတော်တွေက အများစု ဖြစ်သည်။

ပြီးခဲ့သည့် ဇန္န၀ါရီတုန်းက ပြည်တွင်းထုတ် သစ္စာတောင်ပံ ဂျာနယ်က ၉၆၉ အဖွဲ့နဲ့ မြန်မာနိုင်ငံ သံဃာ့တပ်ပေါင်းစု အဖွဲ့ကြီးနဲ့ ပတ်သတ်တာတွေ ရှိပါသလားဆိုတဲ့ မေးခွန်းကို မပတ်သက်ကြောင်း အတိအလင်း ဆိုပြီးတဲ့ နောက် ယခု ဖေဖော်ဝါရီလထဲမှာ ပြည်တွင်းက လုပ်ဖော်ကိုင်ဖက် ဦးဇင်းတချို့က လှမ်းပြီးဆက်သွယ် အကြောင်းကြားလာကြသည်။ အရှင်ဝီရသူက ဆက်သွယ်လာတဲ့ အကြောင်း၊ အတူပူးပေါင်း ဆောင်ရွက်ဖို့နဲ့ အထောက်အပံ့ ပေးမဲ့အကြောင်းတွေနဲ့ အတူ လက်ခံရင် ဘဏ်အကောင့် ဖွင့်ပေးပြီး ၀တ္ထုငွေကျပ် ၁၀ သိန်းချက်ခြင်း အပ်နှံပေးမယ်လို့ ပြောဆိုကြောင်းတွေ အကြောင်းကြားလာသည်။

အရှင်ဝီရသူ အနေဖြင့် ဂရိဒဏ္ဍာရိထဲက မြေခွေးတစ်ကောင်လို ဖြစ်လာနေသည်။ ဒဏ္ဍာရီထဲမှာ မြေခွေးတစ်ကောင်က ပြေးရင်း လွှားရင်း ကျောက်တုံးနှင့် အမြီး ညှပ်မိပြီး အမြှီးပြတ်သွားသည်။ အဲဒီမှာ မြေခွေးက အခြားမြေခွေးတွေကို လိုက်လံ ပြောဆိုသည်။ အမြှီးပြတ်တဲ့ မြေခွေးတွေကိုမှ ဘုရားသခင်က စောင့်ရှောက်တော် မူမယ်လို့ ဘုရားသခင်က သူ့ကိုပြောကြောင်းပေါ့။ အဲဒီမှာ ယုံမိတဲ့ မြေခွေးတွေဟာ သူတို့အမြှီးတွေကို အမြန်ဖြတ်ပစ်ကြပါသတဲ့။

လူအချင်းချင်း၊ လှည့်ပတ်ခြင်း၊ ကင်းရှင်းကြပါစေ။
အထင်သေးခြင်း၊ အချင်းချင်း၊ ကင်းရှင်းကြပါစေ။
ဆင်းရဲလိုခြင်း၊ ညှင်းဆဲလိုခြင်း၊ အချင်းချင်း၊ ကင်းရှင်းကြပါစေ။

ဂမ္ဘီရ

* မှတ်ချက် အရှင် ဂမ္ဘီရ FB စာမျက်နှာမှ လက်ရေးဖြင့် ရေးသား ဖော်ပြသည့် ဆောင်းပါးကို M-Media မှာ Type ရိုက်ကာ ပြန်လည်ဖော်ပြခြင်းဖြစ်ပါသည်။