ပါလက်စတိုင်း ဒုက္ခသည် စာသင်ကျောင်း အစ္စရေး အမြှောက်ဖြင့်ပစ်၍ လူ ၃၀ ကျော်သေဆုံး

ဇူလိုင် ၂၅ ၊ ၂၀၁၄
M-Media

– အိုးအိမ်စွန့်ခွာထွက်ပြေးလာရသည့် ဂါဇာ ဒုက္ခသည်များအတွက် ကုလမှ ဖွင့်လှစ်ထားသော  အစ္စရေးက ယနေ့တွင် အမြောက်ဖြင့် ပစ်ခတ်ခဲ့သောကြောင့် အနည်းဆုံး လူ ၃၀ သေဆုံးခဲ့သည်ဟု သိရသည်။

ဘီအစ်ဟန်နွန်ဒေသရှိ စာသင်ကျောင်းဖြစ်ပြီး၊ အစ္စရေးက ကြိုတင်သတိပေးခြင်းမရှိဘဲ တိုက်ခိုက်ခဲ့ခြင်းဖြစ်သည်ဟု ကုလသမဂ္ဂ လူသားချင်းစာနာထောက်ထားမှုဆိုင်ရာ ကူညီရေးအဖွဲ့ UNRWA မှ ဒါရိုက်တာ ရောဘတ် တာနာက အလ်ဂျာဇီးရားသတင်းဌာနနှင့် အင်တာဗျူးတွင် ပြောကြားခဲ့သည်။

တိုက်ခိုက်မှုမဖြစ်ပွားခင် အချိန် အနည်းငယ်အလိုကပင် အိုးအိမ်စွန့်ခွာ ထွက်ပြေးခဲ့ရသူ ပါလက်စတိုင်းများအား ထိုကျောင်းတွင် နေရာပေးမည်ဟု အစ္စရေးတပ်ကို အကြောင်းကြားထားခဲ့သည်ဟု တာနာက ထည့်သွင်းပြောကြားခဲ့သည်။ ထိုတိုက်ခိုက်မှုအတွင်း လူ ၂၀၀ ကျော် ဒဏ်ရာရခဲ့သည်။

“ဒီစာသင်ကျောင်းဟာ သေချာစီမံထားတဲ့ အရေးပေါ်ကယ်ဆယ်ရေးစခန်းပါ။ အစ္စရေးတွေကိုလည်း အသိပေးထားပါတယ်။ ဒီတိုက်ခိုက်မှုဟာ သုံးရက်အတွင်း ကျွန်တော်ရဲ့ ကယ်ဆယ်ရေးစခန်းတွေကို လေးကြိမ်မြောက်တိုက်ခိုက်မှုပါပဲ” ဟု တာနာကဆိုသည်။

ဟားမက်စ်အဖွဲ့ဝင်များ ပုန်းအောင်းနေပြီး၊ လက်နက်များ သိမ်းဆည်းထားသည်ဟုဆိုကာ ကယ်ဆယ်ရေးစခန်းများအဖြစ် ပြုလုပ်ထားသည့် ဂါဇာရှိ ကုလ စာသင်ကျောင်းများကို အစ္စရေးက ယခင်ကလည်း တိုက်ခိုက်ခဲ့ဖူးသည်။

သို့သော်လည်း ယခုတိုက်ခိုက်ခံခဲ့ရသည့် စာသင်ကျောင်းနားတွင် မည်သည့် စစ်ရေးလှုပ်ရှားမှုမှ မရှိဟု တန်နာက ပြောကြားခဲ့သည်။ တိုက်ခိုက်မှုကြောင့် ဒဏ်ရာရရှိခဲ့ပြီး ဆေးရုံသို့ ရောက်ရှိခဲ့သည် ကမားလ် အဒ်ဝန်ကလည်း ထိုနေရာမှာ လုံခြုံသည်ဟု ပြောကြားထားသောကြောင့် မိမိတို့ထိုင်နေစဉ် တိုက်ခိုက်ခံရခြင်းဖြစ်ကြောင်း ပြောကြားခဲ့သည်။

“ကျွန်တော်ကျိန်ပြောရဲပါတယ်။ အဲဒီမှာ တိုက်ခိုက်ရေးသမား တစ်ယောက်တောင် မရှိပါဘူး။ အဲဒီစာသင်ကျောင်းကနေ သေနတ်သံတစ်ချက်တောင် မထွက်ခဲ့ပါဘူး။ သူတို့ဘာလို့ ကျောင်းကို တိုက်ခိုက်ခဲ့တာလဲ။ ဘာ့ကြောင့်လဲ” ဟု ကမားလ်ကဆိုသည်။

ဇွန်လ ၈ ရက်နေ့မှ စတင်ခဲ့သည့် အစ္စရေး၏ ကျူးကျော်တိုက်ခိုက်မှုမှာ ၁၇ ရက်ရှိလာပြီဖြစ်ပြီး ပါလက်စတိုင်း ၇၃၀ သေဆုံးခဲ့ကာ အများစုမှာ အရပ်သားများဖြစ်ကြသည်။ ဒဏ်ရာရရှိသူမှာ ၄၆၀၀ ကျော်ရှိပြီး သောင်းနှင့်ချီ၍ အိုးအိမ်စွန့်ခွာ ထွက်ပြေးခဲ့ရသည်။ ကုလသမဂ္ဂ လူ့အခွင့်အရေး အကြီးအကဲ နဗီးပီလေးကမူ အစ္စရေး၏ ထိုလုပ်ရပ်မှာ စစ်ရာဇ၀တ်မှုမြောက်နေပြီဟု ယမန်နေ့က ပြောကြားခဲ့သည်။

Ref:Al Jazeera