ဟဂ်ျခွဲတမ်း ၂၈၀ အတွက် ဆော်ဒီ သံရုံး အသိအမှတ်ပြု ကုမ္ပဏီများကိုသာ တင်ဒါပေးမည်ဟု သိရ

သြဂုတ် ၁ ၊ ၂၀၁၄
M-Media
.သီဟ

မြန်မာပြည်အတွက် ရရှိသည့် ဟဂ်ျခွဲတမ်း  ၂၈၀ အတွက် ဆော်ဒီသံရုံး အသိအမှတ်ပြု ကုမ္ပဏီ များကိုသာ တင်ဒါပေးမည်ဖြစ်ကြောင်း ဟဂ်ျကော်မတီ တာဝန်ရှိသူ တစ်ဦးထံမှ သိရပါတယ်။

သာသနာရေး ၀န်ကြီးဌာနရဲ့ ညွှန်ကြားချက်အရ ဟဂ်ျကော်မတီက ဆော်ဒီသံရုံးက အသိအမှတ်ပြုထားတဲ့ အေးဂျင်း(၄၁)ခုကို တင်ဒါ ခေါ်ယူခဲ့ပါတယ်။ တင်ဒါဖွင့်မဲ့ရက်ကို (၃၁-၇-၂၀၁၄)လို့ ကြေညာခဲ့ကြောင်း၊ (၃၀-၇-၂၀၁၄)ရက်မှာ ဆော်ဒီသံရုံးက အသိအမှတ်ပြုထားတဲ့ အေးဂျင်း(၄၁)ခု မဟုတ်တဲ့ ကျန် ကုမ္ပဏီ များက ၄င်းတို့လည်း ပါဝင်နိုင်ဖို့ ဟဂ်ျကော်မတီကို အစ္စလာမ်ဘာသာရေး အဖွဲ့ကြီး (၅) ဖွဲ့ ရုံးမှာ လာရောက်တောင်းဆိုခဲ့ကြောင်းသိရပါတယ်။

၎င်းအတွက် (၅)ဖွဲ့ ဟဂ်ျကော်မတီက (၃၀-၇-၂၀၁၄)ရက်နေ့မှာ ဟဂ်ျ တင်ဒါလုပ်ငန်းများ ယာယီရပ်ဆိုင်းပြီး မည်သို့ ဆက်လက် ဆောင်ရွက်ရမည်ကို သာသနာရေးဝန်ကြီးဌာနထံ လမ်းညွှန်မှု တရားဝင် စာဖြင့် တောင်းခံခဲ့ကြောင်း သိရှိရပါတယ်။

သာသနာရေးဝန်ကြီးဌာနက (၃၁-၇-၂၀၁၄)ရက်စွဲပါ စာအမှတ်၃၁၃/အစ္စလာမ်-၁/သသန-၅သာဝိ ဖြင့် ဆော်ဒီသံရုံးမှ ၀န်ကြီးဌာနသို့ ပေးပို့ လာသော Authourized Hajj Travel Agencies 2014 စာရင်းပါ ကုမ္ပဏီ (၄၁)ခုအား သာလျှင် တင်ဒါခေါ်ယူရန် တရားဝင် ညွှန်ကြားခဲ့ကြောင်းကို သိရှိရပါတယ်။

အဆိုပါ ကိစ္စကို (၅)ဖွဲ့ဟဂ်ျကော်မတီက (၃၁-၇-၂၀၁၄)ရက်နေ့မှာ ကြေညာချက်ထုတ်ပြန်ခဲ့ကြောင်း သိရှိရပါတယ်။

အဲဒီကြေညာချက်မှာ Authourized Hajj Travel Agencies 2014 စာရင်းပါ ကုမ္ပဏီ (၄၁)ခုအား (၅-၈-၂၀၁၄)ရက် နေ့လယ်(၂)နာရီ၊(၅)ဖွဲ့ရုံးမှာ တင်ဒါတင်သွင်းနိုင်ကြောင်း ဖော်ပြထားပါတယ်။ အဆိုပါနေ့မှာပဲ တင်ဒါဖွင့်ဖောက် ကြေညာမှာဖြစ်ကြောင်းကို သတင်းရရှိပါတယ်။

မြန်မာနိုင်ငံမှ အစ္စလာမ်ဘာသာဝင်များ အတွက် ဆော်ဒီအာရေးဗီယားနိုင်ငံ မက္ကာမြို့သို့ နှစ်စဉ် ဟဂ်ျလုပ်ခွင့် ၂၈၀ ရရှိထားပြီး ယခင်အစဉ်အဆက် အဆိုပါ ခွဲတမ်းအား အစိုးရမှ တိုက်ရိုက်ကိုင်တွယ်ခဲ့ပါတယ်။

၎င်းအချိန်တွင် ကုန်ကျစ၇ိတ် ၃၂ သိန်းခန့်ရှိပြီး ၂၀၁၃ ခုနှစ် ဘာသာရေး အဖွဲ့ကြီး(၅) ဟဂ်ျကော်မတီ နှင့် သာသာရေး ဝန်ကြီးဌာနတို့ ပူးတွဲပြီး အဆိုပါ ဟဂ်ျ မဲခွဲတမ်း ကို စီမံခန့်ခွဲခွင့်အား ကိုင်တွဲခဲ့ကြောင်း၊  ယမန်နှစ်က မဲခွဲတမ်းဖြင့် သွားရောက်သည့် ကုန်ကျစားရိတ်မှာ ၂၉ သိန်း ကျသင့်ကြောင်း သိရပါတယ်။

ယခုနှစ်တွင် (၅) ဖွဲ့ ဟဂ်ျကော်မတီကို ပထမဆုံးသီးခြား ကိုင်တွယ်ခွင့်ပေးခဲ့တာဖြစ်ကြောင်းသိရပါတယ်။

မဲ ခွဲတမ်းဖြင့် မဟုတ်ဘဲ ပြင်ပမှ မိမိအစီအစဉ်ဖြင့် အေးဂျင့်များဖြင့် ဟဂ်ျသွားသူ များ၏ ကုန်ကျစားရိတ်မှာ သိန်း ၅၀ မှ ၅၅ သိန်း အကြား ပေါက်ဈေးရှိကြောင်း ဟဂ်ျ ဝန်ဆောင်မှု ကုမ္ပဏီ များနှင့် နီးစပ်သူ တစ်ဥိးထံမှ သိရပါတယ်။

ဟဂ်ျကျင့်စဉ်မှာ အစ္စလာမ်ဘာသာဝင်တို့ ၏ အဓိက မဏ္ဍိုင်ကြီး (၅) ခုတွင် တခု အပါအဝင်ဖြစ်ပြိး ငွေကြေးတတ်နိုင်သူများ အနေဖြင့် တသက်တွင် တခေါက် မပြုမနေပြုလုပ်ရန် သတ်မှတ်ထားသော ဘာသာရေး ကျင့်စဉ်တခု ဖြစ်ပါတယ်။