ဖီဖာအား သပိတ်မှောက် ရမည်ဟု အင်္ဂလန် အသင်းခေါင်းဆောင်ဟောင်းပြော

သြဂုတ် ၄ ၊ ၂၀၁၄
M-Media

– ချစားမှုများရှိနေသည့် ကမ္ဘာ့ဘောလုံးအဖွဲ့ချုပ် ဖီဖာ၏ အခြေအနေမပြောင်းမချင်း ဘောလုံး ထိပ်သီးနိုင်ငံများက ဖီဖာအား သပိတ်မှောက်ကြရန် အင်္ဂလန်အသင်းခေါင်းဆောင်ဟောင်း ဂယ်ရီ လိုင်ကာက ပြောကြားလိုက်သည်။

၂၀၂၂ ခုနှစ် ကမ္ဘာ့ဖလား အိမ်ရှင်အဖြစ် ကာတာနိုင်ငံအား ရွေးချယ်ခဲ့မှုတွင် ဒေါ်လာသန်းနှင့်ချီ၍ လာဘ်စားမှုများရှိသည်ဟု သတင်းများ ထွက်ပေါ်ခဲ့ပြီးနောက် ဖီဖာမှာ စုံစမ်းစစ်ဆေးမှုများ ခံနေရသည်။

ဂယ်ရီကမူ ဘောလုံးထိပ်သီးနိုင်ငံများက ထိုပြဿနာအတွက် မရပ်တည်မချင်း ထိုကိစ္စမှာ ဆက်လက်၍ ဖြစ်ပွားမည်ဟု ဆိုသည်။

“အင်္ဂလန်ဟာ မသိသလိုနေပါတယ်။ ဒါကို ကျွန်တော် ဝေဖန်နေတာမဟုတ်ပါဘူး။ အမှန်တရားအတွက် ကျွန်တော်တို့ ရပ်တည်ရပါမယ်။ ဒါကြောင့် ကမ္ဘာ့ဖလားပြိုင်ပွဲ မလုပ်တော့ဘူးဆိုလည်း ကိစ္စမရှိပါဘူး။ ဒါတွေကိုပြောင်းလဲဖို့အတွက် သမာသမတ်ရှိတဲ့နိုင်ငံတွေက ဖီဖာရဲ့ ပြိုင်ပွဲတွေမှာ မပါဝင်တော့ဘူးလို့ ပြေရပါတမယ်။ ဒါပေမယ့် ဒီလိုဖြစ်ဖို့ ကျွန်တော် မမြင်ပါဘူး။ လောင်းကြေးက သိပ်ကြီးပါတယ်” ဟု ၎င်းက ပြောကြားခဲ့သည်။

ဂယ်ရီမှာ ၂၀၁၈ ကမ္ဘာ့ဖလားပြိုင်ပွဲ အင်္ဂလန်အသင်း အိမ်ရှင်ဖြစ်ခွင့်ရရန် ကြိုးပမ်းသူများတွင် အင်္ဂလန်ကစားသမားဟောင်း ဒေးဗစ်ဘက်ခမ်းနှင့်အတူပါဝင်ခဲ့သည်။ သို့သော်လည်း ၂၀၁၈ အိမ်ရှင်အဖြစ် ရုရှားက ရွေးချယ်ခံခဲ့ရသည်။

ဖီဖာ၏ လူကြီးပိုင်းတွင် ချစားမှုများမှာ အန်ထွက်မတတ်ဖြစ်နေပြီး ဥက္ကဌ ဆပ်ဘလတ္တာမှာလည်း အာဏာရှင်ကဲ့သို့ နေရာယူထားကာ ထိုပြဿနာများအား ဖြစ်ပွားစေသည်ဟု ဂယ်ရီက ထည့်သွင်းပြောကြားခဲ့သည်။

လက်ရှိတွင် ရုပ်သံကြေညာသူတစ်ဦးအဖြစ် ဆောင်ရွက်နေသည့် ဂယ်ရီမှာ အင်္ဂလန်အသင်းအတွက် ပွဲပေါင်း ၈၀ ကစားပေးထားပြီး ၄၈ ဂိုး သွင်းပေးခဲ့သည်။