အစ္စရေး အား ပံ့ပိုးခြင်း မရှိဟု Tesco Malaysia ကြေညာချက်ထုတ် ဖြေရှင်းရ

သြဂုတ် ၆ ၊ ၂၀၁၄
M-Media
Tesco Malaysia ကုမ္ပဏီသည် မိမိ၏ဈေးကွက်ကြီးမှ အကျိုးအမြတ်များနှင့် ပတ်သက်၍ အစ္စရေးအား ပံ့ပိုးမှုကို မည်သည့်အခါမျှ လမ်းကြောင်း မပေးခဲ့ကြောင်း  နေရာအသီးသီးမှ စွပ်စွဲချက် သတင်းများအပေါ် စာထုတ်ပြန်လိုက်သည်။

အများပြည်သူလူထု ပါဝင်သော နိုင်ငံရေး ကင်းရှင်းသည့် ကုမ္ပဏီဖြစ်သည်နှင့်အညီ နိုင်ငံရေး အခြေတည် လှူဒါန်းမှုနှင့် ပံ့ပိုးမှု မှန်သမျှ  မဖန်တီးပါ ဟူသော မူဝါဒအပေါ် အပြည့်အ၀ ရပ်တည်ကြောင်း Tesco Malaysia ၏ အစိုးရဆက်ဆံရေးနှင့် ပူးပေါင်းဆောင်ရွက်ရေး ဒါရိုက်တာ အဇ်လမ် ရှားအေလိယပ်စ်က ဆိုသည်။

“ ဘယ်လိုစွပ်စွဲချက်မဆို တနည်းနည်းနဲ့ သိက္ခာချဖို့ ရည်ရွယ်တာလို့ သတ်မှတ်မှာဖြစ်ပါတယ်။ Tesco plc ဟာ အများလူထုပါဝင်တဲ့ ယူကေအခြေစိုက် ကုမ္ပဏီတစ်ခုဖြစ်ပြီး ကမ္ဘာတစ်ဝှမ်းက ရှယ်ယာရှင်တွေ ပါဝင်နေပါတယ်။ စီးပွားရေးလုပ်ငန်းကို တာဝန်သိသိ ကျင့်ဝတ် သိက္ခာရှိရှိ လုပ်ဆောင်သွားမယ်ဆိုတာ ကျွန်တော်တို့ရဲ့ ပင်မ တန်ဖိုး(စည်းမျဉ်း)များထဲက တစ်ခုဖြစ်ပါတယ်။ ဒီစည်းကမ်းချက်ကို ကျွန်တော်တို့ ဆုပ်ကိုင် ရပ်တည်လျက် ရှိပါတယ် ” ဟု ကုမ္ပဏီ၏ဖေ့စ်ဘွတ် စာမျက်နှာပေါ်တင်ထားသော ထုတ်ပြန်ချက်၌ တွေ့ရသည်။

Tesco သည် မလေးရှားနိုင်ငံသားပေါင်း တစ်သောင်း တစ်ထောင် အထက်ကို အလုပ်အကိုင် အခွင့်အလမ်းဖော်ဆောင်ပေးထားကြောင်း၊ အသေးစားမှ အလတ်စား အဆင့် လုပ်ငန်းများ အပါအ၀င် ပြည်တွင်း လိုအပ်ချက်ပေါင်း ၃၀၀၀ ကျော်ကိုလည်း ဆောင်ရွက်လျက်ရှိကြောင်း အဇ်လမ်ရှားက ပြောကြားသည်။

“ ဒါတင်မကသေးပါဘူး။ လက်ရှိအစီအစဉ်အားဖြင့် ဆင်းရဲနွမ်းပါးချို့တဲ့သူတွေကို ကူညီပေးတဲ့ ထိရောက်သော ပရိုဂရမ်တွေမှာလည်း ပါဝင်ကူညီနေပါတယ်။ အထူးသဖြင့် ရမ်ဿွာန်လမြတ်နဲ့ အီးဒုလ် ဖစ်သ်ွရ် ကာလအတွင်းမှာဖြစ်တယ်”။

အစ္စရေးနှင့် ချိတ်ဆက်မှု ရှိနေသည်ဆိုသော စွပ်စွဲချက်များကြောင့် ကုမ္ပဏီအား သပိတ်မှောက်ရန် ဆိုရှယ်မီဒီယာအသုံးပြုသူများ၏ လှုံ့ဆော်ဝေဖန်ခြင်းဒဏ်ကို လက်ရှိ အခြေအနေတွင် Tesco မှ ပြင်းထန်စွာ ရင်ဆိုင်နေရသည်။

Ref : English Astroawani

တနင်္ဂနွေနေ့က Facebook စာမျက်နှာပေါ်တင်လိုက်သော Tesco Malaysia ၏ ထုတ်ပြန်စာ