ပါလက်စတိုင်းအား အစ္စရေးက ပိတ်ဆို့ထားမှုများကို ဖယ်ရှားရမည်ဟု ဗြိတိန်ပါလီမန်ဆို

သြဂုတ် ၇ ၊ ၂၀၁၄
M-Media

– ပါလက်စတိုင်းဒေသအား အစ္စရေးတို့၏ ပိတ်ဆို့ထားမှုမှာ အစ္စရေးနိုင်ငံကို ကာကွယ်ရမည်ဟူသော ခေါင်းစဉ်အောက်တွင် ထည့်သွင်း၍မရဘဲ ထိုပိတ်ဆို့မှုများအား ဖယ်ရှားပစ်ရမည်ဟု ဗြိတိန်ပါလီမန်မှ နိုင်ငံတကာ ဖွံ့ဖြိုးတိုးတက်ရေး ကော်မတီက ထုတ်ပြန်သော အစီရင်ခံစာတွင် ဖော်ပြထားသည်။

ပါလက်စတိုင်းပိုင်နက်အတွင်း အခြေချအိမ်ရာများ ဆက်လက်ဆောက်လုပ်နေမှုကိုလည်း အလွန့်အလွန် စိုးရိမ်မိကြောင်း ကော်မတီ အဖွဲ့ဝင်များက အဆိုပါ အစီရင်ခံစာတွင် ပြောကြားခဲ့ပြီး ပါလက်စတိုင်းပိုင်နက်များအား ပိတ်ဆိုထားမှုကို ရုပ်သိမ်းပေးရန်အတွက် အစ္စရေးအား ဗြိတိန်နှင့် ဥရောပနိုင်ငံတို့က ဖိအားပေးရန်ကိစ္စကို ချက်ချင်းဆောင်ရွက်ရမည့် ကိစ္စအဖြစ် ဖော်ပြခဲ့သည်။

“ဗြိတိန်ဟာ အခြားဥရောပနိုင်ငံတွေနဲ့ တိုင်ပင်ပြီးတော့ လက်ရှိ အခြေအနေတွေကို လက်မခံနိုင်မှုနဲ့ ပတ်သက်ပြီး အစ္စရေးအာဏာပိုင်တွေကို ဖိအားပေးဖို့ ကျွန်တော်တို့ အကြံပြုပါတယ်” ဟု အဆိုပါ အစီရင်ခံစာတွင် ဖော်ပြခဲ့သည်။

ုထို့ပြင် အနောက်ဘက်ကမ်းခြေ အလ်-ခါလီသို့ ကော်မတီအဖွဲ့ဝင်များ သွားရောက်ရာတွင် တွေ့ကြုံခဲ့ရသည်များမှာ တုန်လှုပ်ဖွယ်ရာဖြစ်ခဲ့ပြီး အစ္စရေး၏ လုံခြုံရေးဆိုင်ရာ အကြောင်းပြချက်များက အနောက်ဘက်ကမ်းခြေရှိ ပါလက်စတိုင်းတို့၏ လူမှုဘ၀၊ စီးပွားရေး ဖွံ့ဖြိုးမှု၊ လုံခြုံရေးဆိုင်ရာများ ထိခိုက်နေသာ ကန့်သတ်ချုပ်ချယ်မှုများနှင့် တန်းညှိ၍ မရဟုလည်း ဖော်ပြခဲ့သည်။

အီဂျစ်၏ ကြားဝင်စေ့စပ်ပေးမှုဖြင့် ဂါဇာဒေသ ၇၂ နာရီကြာ အပစ်ရပ်ရေး အသက်ဝင်လာပြီးနောက် ယခုကဲ့သို့ ဗြိတိန်ပါလီမန်က အစီရင်ခံစာ ထုတ်ပြန်ခဲ့ခြင်းဖြစ်သည်။

“ဟားမက်စ်နဲ့ အစ္စရေးကြားက ပြဿနာနဲ့ ငြိမ်းချမ်းရေးဆွေးနွေးမှု မအောင်မမြင်ဖြစ်ရခြင်းဟာ မလိုအပ်တဲ့ ပိတ်ပင်တားဆီးမှုတွေ အဆုံးသတ်ဖို့ အတွက် ယူကေနဲ့ ဥရောပတို့က အစ္စရေးကို ဖိအားပေးတဲ့နေရမှာ အတားအဆီး မဖြစ်သင့်ပါဘူး” ဟု အဆိုပါ အစီရင်ခံစာတွင် ဖော်ပြထားပြီး ပါလက်စတိုင်းပိုင်နက်များအတွင်း အစ္စရေးက အိမ်ယာများ ဆက်လက်တိုးချဲ့နိုင်ဖွယ်ရှိမှုနှင့် ပတ်သက်၍လည်း စိုးရိမ်မိကြောင်း ထည့်သွင်းဖော်ပြခဲ့သည်။

ပါလက်စတိုင်းပိုင် အနောက်ဘက်ကမ်းခြေကို ၁၉၆၇ ခုနှစ်တွင် အစ္စရေးက သိမ်းပိုက်ပြီးနောက်ပိုင်း တရားမ၀င် အခြေချအိမ်ရာ ၁၂၀ ကို တည်ဆောက်ခဲ့ပြီး ထိုအိမ်ရာများတွင် အစ္စရေးနိုင်ငံသား သန်းဝက်ကျော် နေထိုင်နေကြသည်။

Press TV