ဘာစီလိုနာအား အနိုင်ရခဲ့ခြင်းမှာ ကောင်းမွန်သော ရလဒ်ဖြစ်သည်ဟု ဘင်နီတက်ဇ်ဆို

သြဂုတ် ၈ ၊ ၂၀၁၄
M-Media

– ရာသီကြိုခြေစမ်းပွဲများတွင် အသင်း၏ တိုးတက်မှုအတွက် ပျော်ရွှင်မိပြီး၊ စပိန်ထိပ်သီး ဘာစီလိုနာအသင်းအား အနိုင်ရခဲ့ခြင်းမှာ ကောင်းမွန်သည့် နိုင်ပွဲဖြစ်သည်ဟု နာပိုလီအသင်း နည်းပြဖြစ်သူ ဘင်နီတက်ဇ်က ပြောကြားလိုက်သည်။

ယခုတစ်ပတ်အတွင်း ဗီယင်နာတွင် ကစားခဲ့သည့် ခြေစမ်းပွဲတွင် နာပိုလီအသင်းမှာ ပွဲပြီးကာနီး ၁၀ မိနစ်အလို ဘလာရင် ဇီမိုင်လီ၏ ဝေးကန်ချက်ဖြင့် ဘာစီလိုနာအသင်းအား အနိုင်ရရှိခဲ့သည်။

ထိုပွဲ ဒုတိယပိုင်းတွင် ဘင်နီတက်ဇ်မှာ ၁၀ ယောက်တိတိ လူစားလဲခဲ့ပြီး ရာသီသစ်အတွက် အသင်း၏ ပုံစံကို အားရကျေနပ်သည်ဟု ပြောကြားခဲ့သည်။

“ဘာစီလိုနာအကို အနိုင်ရတာဟာ အမြဲတမ်းအတွက် ကောင်းသွားပါတယ်။ အခု ကောင်းလေးတွေ(ကစားသမားတွေဟာ) ချီးကျူးခံထိုက်နေပါပြီ။ ကျွန်တော်တို့ အလုပ်ကောင်းကောင်းလုပ်ပြီး ဒီလိုဆက်သွားရမယ်ဆို အာရုံထဲမှာ ရှိနေပါတယ်။ အသင်းမှာ ပိုကောင်းတဲ့ အစီအစဉ်လုပ်ဖို့ လိုပြီး တိုးတက်နိုင်မလားဆိုတာကို ကြည့်ရပါမယ်” ဟု ဘင်နီတက်ဇ်က အသင်း၏ ၀ဘ်ဆိုက်သို့ ပြောကြားခဲ့သည်။

ဘင်နီတက်ဇ်၏ ဦးဆောင်မှုဖြင့် နာပိုလီအသင်းမှာ ပြီးခဲ့သည့် ဘောလုံးရာသီကလည်း စီးရီးအေ၌ ခြေစွမ်းပြနိုင်ခဲ့သည်။