အီရတ်မှ ISIS ပြဿနာ အမေရိကန် မြေပြင်တပ်များ စေလွှတ်မည် မဟုတ်ဟု အိုဘားမားဆို

သြဂုတ် ၉ ၊ ၂၀၁၄
M-Media

– အီရတ်နိုင်ငံမြောက်ပိုင်း ဒေသအချို့အား သိမ်းပိုက်ထားသော ISIS အဖွဲ့ကို လေကြောင်းမှ တိုက်ခိုက်ရန် ခွင့်ပြုခဲ့သော်လည်း မြေပြင်တပ်များကိုစေလွှတ်ကာ စစ်ပွဲဆင်နွှဲသွားမည် မဟုတ်ဟု အမေရိကန်သမ္မတ ဘာရက်အိုဘားမားက ပြောကြားလိုက်သည်။

ယနေ့ပြုလုပ်သော အပတ်စဉ်မိန့်ခွန်းတွင် အိုဘားမားက ပြောကြားခဲ့ခြင်းဖြစ်ပြီး အမေရိကန် သံတမန်များနှင့် စစ်ဘက်ဆိုင်ရာ အကြံပေးများအား ကာကွယ်ရန် လေကြောင်းမှ တိုက်ခိုက်မှုများကို ထပ်မံပြုလုပ်သွားမည်ဟု ထည့်သွင်းပြောကြားခဲ့သည်။

“အီရတ်က နောက်ထပ်စစ်ပွဲ အတွက် အမေရိကန်ဝင်ပါဖို့ ကျွန်တော်ခွင့်ပြုမှာ မဟုတ်ပါဘူး။ အမေရိက န်စစ်သားတွေဟာလည်း အီရတ်ကို ပြန်သွားမှာ မဟုတ်ပါဘူး။ ဘာ့ကြောင့်လဲဆိုတော့ အဲဒီမှာဖြစ်နေတဲ့ ပြဿနာကို အမေရိကန်က စစ်ရေးအရ ဖြေရှင်းမှာ မဟုတ်လို့ပါပဲ” ဟု အိုဘားမားကဆိုသည်။

ISIS အဖွဲ့မှာ ယခုရက်ပိုင်းအတွင်း အီရတ်နိုင်ငံမြောက်ပိုင်း အဓိက ရေလှောင်တမံအား သိမ်းပိုက်ခဲ့ပြီး၊ ဘာသာရေးလူနည်းစုများအား အတင်း အဓမ္မ ထွက်ခွာရန် ဆောင်ရွက်လျက်ရှိနေကာ ကာ့ဒ် အစိုးရတပ်များကိုလည်း ၎င်းတို့က တိုက်ခိုက်နေသည်။ ထို့ကြောင့် ISIS အား လေကြောင်းမှ တိုက်ခိုက်ရန် အတွင်း အိုဘားမားက ယမန်နေ့တွင် ခွင့်ပြုခဲ့သည်။

ထို့နောက် ကာ့ဒ်ဒေသ၏ မြို့တော် အာရ်ဘီလ်အနီးရှိ ISIS တပ်များအား အမေရိကန် တိုက်လေယာဉ်များက ဗုံးကြဲတိုက်ခိုက်ခဲ့ပြီး ISIS ရန်ကြောင့် တောင်တန်းဒေသ များတွင် ပုံးအောင်နေရသူများ အတွက် အမေရိကန် လေယာဉ်များက အစားအသောက်များ ချပေးခဲ့ပြီး ဗြိတိန်ကလည်း အကူအညီများနှင့် ဆေးဝါးများကို အီရတ်နိုင်ငံမြောက်ပိုင်းသို့ ပေးပို့လျက်ရှိနေသည်။

အီရတ်အစိုးရတပ်များနှင် ISIS တို့အကြား ဖြစ်ပွားနေသည့် နှစ်လကြာ တိုက်ခိုက်မှုများတွင် ISIS မှာ အီရတ်မြောက်ပိုင်း ဒေသအများအပြားအား သိမ်းယူနိုင်ခဲ့သည်။

Al Jazeera and agencies