လူငယ်ခေါင်းဆောင်မှု သင်တန်း PCN မှ ဖွင့်လှစ်မည်

သြဂုတ် ၉၊ ၂၀၁၄
M-Media
လမင်း

လူငယ်များအတွက် ရည်ရွယ်၍ လူငယ်ခေါင်းဆောင်မှုသင်တန်း တစ်ရပ်ကို PCN (Peace Cultivation Network) မှ ယခုလ ၁၅-ရက်နေ့တွင် စတင်ဖွင့်လှစ်မည်ဖြစ်ကြောင်း သိရသည်။

အဆိုပါသင်တန်းအား ၂၀၁၄-ခု သြဂုတ်လ ၁၅-ရက်မှ စက်တင်ဘာလ ၁၂-ရက်နေ့အထိ တနင်္လာနေ့မှ သောကြာ၊ ညနေ ၄း၃၀ နာရီမှ ၇း၃၀ နာရီအထိ ဖွင့်လှစ်မည်ဖြစ်ပြီး ဘာသာရပ်ဆိုင်ရာ ကျွမ်းကျင်သူများ၊ ပညာရှင်များမှ နိုင်ငံတကာ သင်ကြားမှု နည်းစနစ်ဖြင့် သင်ကြားပို့ချပေးမည်ဖြစ်သည်။

သင်တန်းဖွင့်လှစ်ရခြင်းမှာ

(၁) လူငယ်များ အနာဂတ် ခေါင်းဆောင်ကဏ္ဍတွင် တာဝန်ယူ တတ်စေရန်၊
(၂) လူငယ်တစ်ယောက်တွင် ရှိသင့်ရှိထိုက်သော အသိဥာဏ်၊ ဗဟုသုတ၊ အရည်အချင်းများဖြည့်ဆည်းပေးရန်၊
(၃) ဒီမိုကရေစီ အကူးအပြောင်းကာလကို နားလည်သဘော ပေါက်စေရန်၊
(၄) ဘာသာ မတူသူများကြား လိုက်လျောညီထွေ နေထိုင်တတ် စေရန်၊
(၅) လူမှုရေးလုပ်ငန်းများတွင် တက်ကြွစွာဆောင်ရွက် တတ်စေရန်၊
(၆) လူငယ်တစ်ယောက် သိသင့်သိထိုက်သော ဥပဒေ အခြေခံ များ သိနားလည်စေရန် ရည်ရွယ်၍ ဖွင့်လှစ်ရခြင်းဖြစ်ကြောင်း သိရသည်။
၎င်းသင်တန်းသို့ တက္ကသိုလ်ဝင်တန်းအောင်မြင်ပြီးသူများ၊ တက္ကသိုလ်အဆင့်နှင့် ဘွဲ့ရများ တက်ရောက်နိုင်ပြီး သင်တန်းတက်ရောက်ခွင့် လျှောက်လွှာများကို PCN ရုံးခန်းဖြစ်သည့် အမှတ်(၂)၊ ပထမထပ်၊ ၁၁၉ လမ်း၊ ရေတွင်းကုန်းရပ်ကွက်၊ မင်္ဂလာတောင်ညွှန့်မြို့နယ်၊ ရန်ကုန်တိုင်းဒေသကြီး၊ ဖုန်း 01 8619372  (သို့မဟုတ်) [email protected] သို့ သြဂုတ်လ ၁၄-ရက်နေ့ထက် နောက်မကျပဲ ဆက်သွယ်ပေးပို့လျှောက်ထားနိုင်ကြောင်းသိရသည်။