ဘာသာကြီး သုံးခု စုပေါင်း ၀တ်ပြုနိုင်မည့် အဆောက်အဦး ဘာလင်တွင် တည်ဆောက်မည်

သြဂုတ် ၉ ၊ ၂၀၁၄
M-Media

ဂျူး၊ ခရစ်ယာန်နှင့် အစ္စလာမ် ဘာသာ သုံးခု စုပေါင်း ၀တ်ပြုနိုင်မည့် အဆောက်အဦး ဘာလင်တွင် တည်ဆောက်မည်

– ဂျူး၊ ခရစ်ယာန်နှင့် အစ္စလာမ် ဘာသာသုံးခု တစ်မိုးအောက်တည်းတွင် ၀တ်ပြုနိုင်ရန်အတွက် ၀တ်ပြုဆောင်သုံးခုပါဝင်သည့် အဆောက်အဦးတစ်ခုကို ဂျာမနီနိုင်ငံ ဘာလင်မြို့တွင် တည်ဆောက်မည်ဟု သိရသည်။

House of One ဟု အမည်ပေးထားသည့် အဆိုပါအဆောက်အဦး ဆောက်လုပ်ရန်အတွက် ဂျူဘုန်းကြီး၊ ခရစ်ယာန်ဘုန်းကြီးနှင့် ရှေ့ဆောင်အီမာမ်တို့ သုံးဦးပေါင်းကာ ကြိုးစားနေခြင်းဖြစ်သည်။

ထိုအဆောက်ဦးတွင် ဂျူးဘုရားကျာင်း၊ ခရစ်ယာန်ဘုရားကျောင်းနှင့် ဗလီဝတ်ကျောင်းတော်တို့ ပါဝင်မည်ဖြစ်ပြီး အလယ်ဗဟိုတွင် ဘာသာသုံးခုမှ ပြည်သူများ ဆွေးနွေးနိုင်မည့် ခန်းမတစ်ခု ထည့်သွင်းမည်ဖြစ်သည်။

“ပြည်သူအများစုဟာ မတူညီတဲ့ နောက်ခံတွေ၊ မတူညီတဲ့ ဘာသာတရားတွေက လူတွေနဲ့ တွေ့ဆုံချင်ပြီး၊ ဒီလူတွေနဲ့ အတူတကွ နေထိုင်နိုင်တယ်ဆိုတာ ပြသဖို့ ပြင်းပြတဲ့ ဆန္ဒတွေ ရှိကြတယ်ဆိုတာ ကျွန်တော်တို့ သတိထားမိပါတယ်။ ဘာသာတရားတွေဆိုတာ ငြိမ်းချမ်းရေးရဲ့ အကြောင်းအရေင်းဖြစ်နိုင်တယ်ဆိုတာ သိအောင် ကျွန်တော်တို့ ပြသချင်ပါတယ်” ဟု ဘာလင်မြို့ စိန့် ပတ္တရီ ဘုရားကျောင်းမှ သင်းအုပ်ဆရာ ဂရီဂေါ် ဟိုဘာ့ဂ်က AP သတင်းဌာနသို့ ပြောကြားခဲ့သည်။

House of One အဆောက်အဦး ဆောက်လုပ်ရန်စိတ်ကူးကို ဟိုဘာ့ဂ်က ရရှိခဲ့ခြင်းဖြစ်ပြီး ဘာလင်ရှိ ဂျူးဘုန်းတော်ကြီး တိုဗီယာ ဘန် ချိုရင်နှင့် ရှေ့ဆောင်အီမာန် ကာဒီရ် ဆန်ချီတို့နှင့်အတူ ပူးပေါင်းဆောင်ရွက်နေခြင်းဖြစ်သည်။ မကြာမီ ကာလအတွင်း ဂျူး၊ ခရစ်ယာန်နှင့် မွတ်စလင်တို့မှာ အတူတကွလေ့လာဝတ်ပြုနိုင်ရန် ၎င်းတို့က မျှော်လင့်နေသည်။

“ဆွေးနွေးညှိနှိုင်းမှုရဲ့ စွမ်းအားကို ကျွန်တော် ယုံကြည်ပါတယ်။ ကမ္ဘာပေါ်မှာ ကျွန်တော်တို့ဟာ စစ်နဲ့ ငြိမ်းချမ်းရေးဆိုတဲ့ ဖြစ်နိုင်ချေနှစ်ခုတည်းနဲ့ အသက်ရှင်နေတာပါ။ ငြိမ်းချမ်းရေးဟာ ဖြစ်စဉ်တစ်ခုဖြစ်ပြီး ဒါကိုအောင်မြင်စေဖို့အတွက် တစ်ယောက်နဲ့တစ်ယောက် တိုင်ပင်ဆွေးနွေးဖို့ လိုပါလိမ့်မယ်” ဟု ဂျူးဘုန်းတော်ကြီး တိုဗီယာက ပြောကြားခဲ့သည်။

အဆိုပါအဆောက်အဦးအား ဘာလင်မြို့ စတင်တည်ထောင်စဉ် ၁၃ ရာစုကတည်းက တည်ရှိခဲ့သည့် ဘာလင်မြို့လယ်ကောင်ရှိ Petriplatz  ရင်ပြင်တွင် တည်ဆောက်မည် ဖြစ်သည်။ အဆောက်အဦးပုံစံအတွက် ဘာလင်ရှိ ဗိသုကာ ကုမ္ပဏီ Kuehn Malvezzi က ဒီဇိုင်းဆွဲကာ တာဝါအပါအ၀င် စုစုပေါင်း အမြင့်မှာ ပေ ၁၃၀ ရှိမည်ဖြစ်သည်။ အလယ်ရှိ စည်းဝေးခန်မမှာ လူပေါင်း ၃၈၀ ၀င်ဆံ့မည်ဖြစ်ပြီး ဂျူးဘုရားကျောင်း၊ ခရစ်ယာန်ဘုရားကျောင်းနှင့် ဗလီဝတ်ကျောင်းတော်တို့မှာ အဆိုပါခန်းမ၏ ဘေးတွင် သီးခြားစီပါဝင်မည်ဖြစ်သည်။

အဆိုပါအဆောက်အဦး တည်ဆောက်ရေး အလှူခံမှုကို အဆိုပါ ဘုန်းတော်ကြီးသုံးဦးက အွန်လိုင်းတွင် ဇွန်လက စတင်ခဲ့ပြီး ယူရို ၃၅၀၀၀ ရရှိပြီဖြစ်သည်။ ပူးပေါင်းဆောင်ရွက်ရေးအတွက် စပွန်ဆာနှင့် တစ်ဦးချင်း အလှူရှင်များကို ရှာဖွေနေပြီး ဆောက်လုပ်ရေးလုပ်ငန်းများကို ၂၀၁၆ ခုနှစ်တွင် စတင်ရန် စီစဉ်ထားသည်။ ပြီးစီးမည့် အချိန်ကာလကို မခန့်မှန်းနိုင်သေးသော်လည်း အဆောက်အဦးဆောက်လုပ်မည့် Petriplatz  ရင်ပြင်တွင် ဘာသာပေါင်းစုံမှ ပြည်သူများမှာ စုပေါင်း ၀တ်ပြုမှုများကို ပြုလုပ်နေပြီဖြစ်သည်။
်
ပြီးခဲ့သည့် သီတင်းပတ်ကပင် ဘာသပေါင်းစုံမှ လူပေါင်း ၁၅၀ ခန့်က အဆိုပါ ရင်ပြင်သို့ လာရောက်ကာ အစ္စရေးနှင့် ပါလက်စတိုင်းပဋိပက္ခ အဆုံးသတ်ရေးနှင့် အရှေ့အလယ်ပိုင်း ငြိမ်းချမ်းရေးအတွက် ဆုတောင်းခဲ့ကြသည်။

Source : IINA