ငြိမ်းချမ်းပါစေ မြန်မာပြည် (ပြည်သူ့အသံ)

သြဂုတ် ၁၂ ၊ ၂၀၁၄
M-Media
.ပေးပို့သူ- အောင်နိုင်သူ
ကျွန်တော့် ဘ၀ တစ်သက်တာမှာ အံ့သြစရာတွေအများကြီးကြုံခဲ့ဖူးပါတယ်- – –

အဲဒီ အထဲမှာမှ အံ့သြစရာ အကောင်းဆုံးကတော့ ပစ္စုပ္ပန် ယခုကာလမှာဖြစ်ပေါ်လာတဲ့ ဗုဒ္ဓဘာသာ သံဃာအချို့နဲ့ ဗုဒ္ဓဘာသာဝင် အချို့ရဲ့ ထုထည် အစိုင်အခဲနဲ့ဖြစ်ပေါ်လာတဲ့  အမုန်းတရားတွေဘဲဖြစ်ပါတယ်။

သင်္ကန်းစည်းထားသော ဘုရားသားတော်ဟူသော ဂုဏ်ဒြပ်ကို ရယူထားကြတဲ့ သံဃာတစ်စုဟာ ဗြဟ္မစိုရ်တရားကို မေ့ပျောက်ကာ အမုန်းတရားတွေ နှလုံးသားထဲ သက်ရောက်ပြီး သကာလ လူတစားကို အသက်တွေပျောက်စေချင်တာဟာ ဗုဒ္ဓ၀ါဒ မဟုတ်မှန်း ဒို့တတွေသိကြတာပေါ့ –

ဗုဒ္ဓဘာသာဝင်တွေဟာ မြန်မာ့သမိုင်းအဆက်ဆက်မှာ အနန္တစကြာဝဋ္ဌာ အနန္တ သတ္တ၀ါတွေ ဘေးရန် ခပ်သိမ်းကင်းစေဘို့ နေ့စဉ်ဆုမွန်ချွေခဲ့သူတွေပါ။

ဗုဒ္ဓဘာသာဝင်တွေဟာ လူမျိုးဘာသာမရွေး ခရီးသွား အာဂန္တုတွေ နားခိုအိပ်စက်ရာ ဇရပ်တွေဆောက်လုပ်လှူဒါန်းခဲ့ကြပါတယ်။

ဆယ်ပါးသော အကျိုးရဘို့အတွက် အယုတ်အလတ် အမြတ်မရွေး နှလုံးအေးစေရာ ရေချမ်းစင်လေးတွေတည်ပေးခဲ့ကြပါတယ်။

ဇီဝိတဒါနအဖြစ် မိမိတို့ရဲ့သွေးကိုလှူ ၊ ငှက်စာ စပါးတွဲလေးတွေ ချိတ်ကျွေး၊  ငှက်အိမ်လေးတွေတည်ဆောက် – လမ်းဘေးက ခွေးလေခွေးလွင့်ကိုပင် ခွေးစာခွက်ထား အစာကျွေးခဲ့ကြပါတယ်။

ရွာရိုးကိုးပေါက်သူတကာတွေ လမ်းမှန်လျှောက်နိုင်ဘို့အရေး တံတားလေးတွေထိုးပေးခဲ့ကြပါတယ်။

လူတကာတွေစားကြပါစေရဲ့လို့ စတုဒီတာ၊ နိဗ္ဗာန်ဈေး တည်ခင်းကျွေးခဲ့ကြတာလည်း ဗုဒ္ဓဘာသာဝင်တွေဘဲ မဟုတ်လား။

ထမင်းရည်ချောင်းစီး၊ အလှုရေစက် လက်နဲ့မကွာ၊ ဝေနေယျာသတ္တ၀ါ အကျိုးဆောင်ခဲ့ကြတာလည်း ဗုဒ္ဓဘာသာဝင်တွေပါဘဲ။

ဒီနေ့ အချိန်အခါမှာတော့ သံဃာတွေက အမုန်းစကားကို တရားလုပ်ဟော လူတစားကို သေစေလိုတဲ့သဘောတွေဆောင် ဗုဒ္ဓတရားယောင်ယောင်နဲ့ ဗုဒ္ဓ၀ါဒကို သွေးရောင်လွမ်းစေပြီလား၊ သူတပါးအိုးအိမ်တွေ မီးရှို့ဖျက်စီး၊ သူတစ်ပါး ဥစ္စာပစည်းတွေခိုးထုတ်၊ သူတစ်ပါးစီးပွားရေး အကျိုးယုတ်အောင် လှုံ့ဆော်၊ လောဘ-ဒေါသ-မောဟ-တွေရင်ခွင်ပိုက်၊ အာဏာရှင်ကောင်းစားရေး အလိုကျ အကုသိုလ် ဒုစရိုက်လုပ်နေတာ ဗုဒ္ဓ၀ါဒ မဟုတ်မှန်း မြပြင်စိမ်းလမ်း၊ ပြည်မြန်မာ ငြိမ်းချမ်းဘို့ဆိုရင် အလဇ္ဇီ သံဃာတွေ တောထုတ် ၊ပြည်သူတွေ လက်ချင်းဆုပ်လို့ အာဏာရှင်တွေ မျိုးပြုတ်ပါမှ လောကီ လောကုတ္တရာ ကောင်းကျိုးတွေဝေဖြာ ဒေါင်းအိုးဝေ အသေအချာက ပြည်မြန်မာ အလှတိုးတော့မှာပေါ့။