ဂါဇာ၌ အစ္စရေးတို့ စစ်ရာဇ၀တ်မှု ကျူးလွန်ခြင်း ရှိ/မရှိ စုံစမ်းရန် ကုလ စုံစမ်းရေး ကော်မရှင်ဖွဲ့

သြဂုတ် ၁၂၊ ၂၀၁၄
M-Media

– ဂါဇာကမ်းပြဿနာအတွင်း ကျူးလွန်နိုင်ဖွယ်ရှိသည့် စစ်ရာဇ၀တ်မှုများနှင့် လူ့အခွင့်အရေးချိုးဖောက်မှုများအား စုံစမ်းစစ်ဆေးရန်အတွက် ကျွမ်းကျင်သူများပါဝင်သော နိုင်ငံတကာ စုံစမ်းစစ်ဆေးရး ကော်မရှင်တစ်ခုကို ကုလသမဂ္ဂက ယမန်နေ့တွင် ဖွဲ့စည်းလိုက်သည်ဟု သိရသည်။

အဆိုပါ အဖွဲ့မှာ လွတ်လပ်သောအဖွဲ့ဖြစ်ပြီး ဇွန်လ ၁၃ ရက်နေ့မှ စတင်ကာ အစ္စရေးက ပြုလုပ်ခဲ့သော စစ်ဆင်ရေးများတွင် လူသားချင်း စာနာထောက်ထားသည့် နိုင်ငံတကာ ဥပဒေများနှင့် နိုင်ငံတကာ လူ့အခွင့်အရေး ဥပဒေများအား ချိုးဖောက်မှု အားလုံးကို စုံစမ်းစစ်ဆေးသွားမည်ဟု ကုလမှ ထုတ်ပြန်သော ကြေညာချက်တွင် ဖော်ပြထားသည်။

အစ္စရေးကမူ အဆိုပါ စုံစမ်းစစ်ဆေးရေးကော်မရှင်ကို ငြင်းပယ်လိုက်ပြီး ကုလလူ့အခွင့်းအရေးကောင်စီအား “သားပိုက်ကောင် ခုံရုံး” ဟု ပြက်ရယ်ပြု ပြောဆိုခဲ့သည်။

အစ္စရေးက အကြမ်းဖက်အဖွဲ့စည်းဟု သမုတ်ထားသည့် ဟားမက်စ်မှ ပြောရေးဆိုခွင့်ရှိသူ အဘူဇူဟ်ရီကမူ ကုလ၏ အဆိုပါ စုံစမ်း စစ်ဆေးရေးကော်မတီ ဖွဲ့စည်းမှုကို ကြိုဆိုခဲ့ပြီး စုံးစမ်းစစ်ဆေးရေး လုပ်ငန်းများ အမြန်ဆုံး စတင်ရန် တိုက်တွန်းခဲ့သည်။

အဆိုပါ အဖွဲ့ကို ကနေဒါမှ လူသားချင်း စာနာထောက်ထားမှု ဥပဒေရေးရာ ကျွမ်းကျင်သူ ၀ီလီယံချာဘတ်စ်က ဦးဆောင်မည်ဖြစ်ပြီး နိုင်ငံတကာမှ ဥပဒေရေးရာ ကျွမ်းကျင်သူများ ပါဝင်မည်ဖြစ်သည်။

နိုင်ငံတကာ စုံစမ်းရေးကော်မရှင်မှာ စုံစမ်းစစ်ဆေးမှုများ ပြုလုပ်ပြီးနောက် ၂၀၁၅ ခုနှစ် မတ်လ နောက်ဆုံးထား၍ ၎င်းတို့၏ တွေ့ရှိချက်များကို ကုလသမဂ္ဂ လူ့အခွင့်အရေး ကောင်စီသို့ တင်သွင်းရမည်ဖြစ်သည်။ အစ္စရေးကမူ အဖွဲ့ဝင် ၄၇ နိုင်ငံ ပါဝင်သည့် အဆိုပါ ကောင်စီမှာ ဘက်လိုက်သည်ဟု ပြောဆိုထားသည်။

ဟားမက်စ်တို့၏ ဒုံကျည်ပစ်ခတ်မှုကို လက်တုံ့ပြန်သည်ဟုဆိုကာ ဂါဇာဒေသအား အစ္စရေးတို့က တစ်လကျော်ကြာ တိုက်ခိုက်မှုအတွင်း ဂါဇာပြည်သူ ၂ ထောင်နီးပါး သေဆုံးခဲ့ရသည်။

အစ္စရေး၏ ထိုလုပ်ရပ်များအတွက် ထင်ရှားကျော်ကြားသူများအပါအ၀င် ကမ္ဘာတစ်ဝှမ်းရှိ ပြည်သူများက ရှုတ်ချမှုများပြုလုပ်ခဲ့ကြသည်။ ကုလလူ့အခွင့်အရေး အကြီးအကဲ နဗီးပီလေးကမူ အစ္စရေး၏ လုပ်ရပ်မှာ စစ်ရာဇ၀တ်မှုအဖြစ် မှတ်ယူ၍ ရနေပြီဟု ပြောကြားခဲ့သည်။

ref_Reuters