ဂါဇာရှိ စာသင်ကျောင်းများ သြဂုတ်နှောင်းပိုင်းတွင် ပြန်ဖွင့်မည်၊ အပစ်ရပ်ရေး ထပ်မံ၍ ၅ ရက် သက်တမ်းတိုး

သြဂုတ် ၁၄၊ ၂၀၁၄
M-Media

– အစ္စရေး၏ တိုက်ခိုက်မှုကြောင့် အိုးအိမ်စွန့်ခွာထွက်ပြေးရသူများ များပြားနေသည့် ဂါဇာကမ်းမြှောင်ဒေသတွင် စာသင်ကျောင်းများကို သြဂုတ်လ ၂၄ ရက်နေ့တွင် ပြန်လည် ဖွင့်လှစ်မည်ဟု ပညာရေးနှင့် အဆင့်မြင့်ပညာ ၀န်ကြီး ခွာလာ အလ်-ရှက်ဆဲလ်ဟီရ်က ပြောကြားခဲ့သည်။

ဂါဇာနှင့် အနောက်ဘက်ကမ်းခြေတို့ရှိ ပညာရေးနှင့် အဆင့်မြင့်ပညာ ၀န်ကြီးဌာနမှ တာဝန်ရှိသူများ ဗီဒီယိုညီလာခံပြုလုပ်ခဲ့ပြီး၊ ဂါဇာဒေသရှိ ပညာရေးဝန်ထမ်းများအား အကြံဥာဏ်များ ပေးအပ်ခဲ့ပြီးနောက် ယခုကဲ့သို့ ဆုံးဖြတ်ချတ် ချခဲ့ခြင်းဖြစ်သည်ဟု အလ်-ရှက်ဆဲလ်ဟီရ်က ဆိုသည်။ ပညာရေးဝန်ထမ်းများအတွက်မူ ကျောင်းများကို သြဂုတ်လ ၁၇ ရက်နေ့တွင် စတင်ဖွင့်လှစ်မည်ဖြစ်သည်။

ကျောင်းဖွင့်ရာသီစတင်ရန်နှင့် အထက်တန်းကျောင်းသားများအတွက် ဒုတိယအကျော့ စာမေးပွဲများပြုလုပ်ရန် အတွက် အစီအစဉ်များကို နည်းပညာနှင့် စီမံခန့်ခွဲရေး ကော်မတီများက ပြလုပ် သွားမည်ဖြစ်ပြီး ရက်အတိအကျကိုမူ မကြာမီ ကြေညာဖွယ်ရှိနေသည်။

အစ္စရေးတို့ တိုက်ခိုက်မှုကြောင့် ပျက်ဆီးသွားခဲ့သည့် စာသင်ကျောင်းများအား ပြင်ဆင်မွမ်းမံခြင်း၊ စာရေးကိရိယာပစ္စည်းများ၊ ပြဌာန်းစာအုပ်များ ထောက်ပံ့ခြင်းတို့ကို ၀န်ကြီးဌာနက ပြုလုပ် သွားမည်ဖြစ်ပြီး ကျောင်းသားများ၊ ဆရာများနှင့် အုပ်ချုပ်ရေးအဖွဲ့ဝင်များအတွက် စာရိတ္တပိုင်းဆိုင်ရာ ကူညီမှုများကိုလည်း ဆောင်ရွက် သွားမည်ဟု ပညာရေးဝန်ကြီးက ဆိုသည်။

ထို့ပြင် စစ်ပွဲကြောင့် စိတ်ဒဏ်ရာရရှိနေသူ ကျောင်းသားများအတွက် အထူးလေ့ကျင့်ထားသည့် ပညာရှင်များက စိတ်ပိုင်းဆိုင်ရာ လမ်းညွှန်မှုများ ပေးအပ် သွားမည်ဖြစ်သည်။ အစ္စရေး၏ ကျူးကျော်တိုက်ခိုက်မှုများကြောင့် ဂါဇာပြည်သူ သန်းဝက်ခန့်မှာ ကယ်ဆယ်ရေး စခန်းများတွင် နေထိုင်နေရပြီး ၂သိန်းခွဲခန့်မှာ ကုလ၏ စာသင်ကျောင်းများတွင် ခိုလှုံနေရသူများဖြစ်သည်။

အင်္ဂါနေ့က စတင်ခဲ့သည့် ၇၂ နာရီကြာ အပစ်ရပ်ရေးအတွင်း အစ္စရေးနှင့် ပါလက်စတိုင်း ကိုယ်စားလှယ်များမှာ ကိုင်ရိုတွင် ဆွေးနွေးမှုများ ပြုလုပ်ခဲ့ပြီးနောက် ၅ ရပ်ထပ်မံ၍ အပစ်ရပ်ရေး ယမန်နေ့က သဘောတူညီခဲ့ကြသည်။

ref_Middle East Monitor