ဂျီရော့ရဲ့ဂိုးကြောင့် ရှုံးပွဲမတွေ့ခဲ့ရတဲ့ အာဆင်နယ်၊ မန်ယူတို့ ဆက်လက် နိုင်ပွဲပျောက်နေတဲ့ ပရီးမီးယားလိဂ်ပွဲစဉ် ၂

သြဂုတ် ၂၅ ၊ ၂၀၁၄
M-Media

– ပရီးမီးယားလိဂ်ပွဲစဉ် ၂ ရဲ့ စုစုပေါင်း ၉ ပွဲကို ကစားခဲ့ပြီး ချယ်ဆီးက နိုင်ပွဲဆက်နိုင်ခဲ့ကာ အာဆင်နယ်နဲ့ မန်ယူတို့ကတော့ သရေကျခဲ့ပါတယ်။

စနေနေ့က ကစားခဲ့တဲ့ ချယ်ဆီးနဲ့ တန်းတက် လက်စတာစီးတီးတို့ရဲ့ ပွဲမှာတော့ အိမ်ရှင်ချယ်ဆီးတို့ ပထမပိုင်းမှာ ကစားပုံ သိပ်မကောင်းခဲ့ပေမယ့် ဒုတိယပိုင်း သွင်းဂိုးတွေနဲ့ အနိုင်ရခဲ့ပါတယ်။ ချယ်ဆီးအတွက်ဂိုးတွေကို တိုက်စစ်မှူးသစ် ဒီယေဂို ကော်စတာနဲ့ ဟဇာ့ဒ်တို့က သွင်းယူပေးခဲ့တာဖြစ်ပြီး၊ ကစားသမားတွေအနေနဲ့ မိမိတို့ရဲ့ ပုံစံကို ကျေနပ်မနေကြဖို့ မော်ရင်ဟိုက ပွဲအပြီးမှာ တိုက်တွန်းခဲ့ပါတယ်။

အဲဗာတန်အိမ်ကွင်းမှာ သွားကစားခဲ့ရတဲ့ အာဆင်နယ်ကတော့ ပွဲပြီးကာနီး ၇ မိနစ်အတွင်း သွင်းခဲ့တဲ့ ဂိုးနှစ်ဂိုးကြောင့် ပရီးမီးယားလိဂ် ပထမဆုံးရှုံးပွဲကြုံမယ့်ဘေးကနေ ဝေးကွာခဲ့ရတာပါ။

ပြီးခဲ့တဲ့ တစ်ပတ်က ဆွမ်ဆီးအသင်းကို ၂ ဂိုး ၁ ဂိုးနဲ့ ရှုံးခဲ့တဲ့ မန်ယူအသင်း ဒီတစ်ပတ်မှာလည်း စွဲမက်ဖွယ်ခြေစွမ်းမရှိခဲ့ဘဲ ၁၇ မိနစ်မှာ မာတာရဲ့ဂိုးနဲ့ ဦးဆောင်နိုင်ခဲ့ပေမယ့် မိနစ် ၃၀မှာ ချေပဂိုး ပြန်ပေးလိုက်ရတာကြောင့် သရေတစ်မှတ်နဲ့သာ ကျေနပ်ခဲ့ရပါတယ်။

ဆွမ်ဆီးကတော့ ဒီတစ်ပတ်မှာလည်း တန်းတက် ဘန်လေအသင်းကို စောစောပိုင်းသွင်းဂိုး ၁ ဂိုးတည်းနဲ့ အနိုင်ယူနိုင်ခဲ့ပါတယ်။

စပါးအသင်းကလည်း အိမ်ကွင်းမှာ ကျူပီအာကို လေးဂိုးပြတ်နဲ့ အနိုင်ကစားနိုင်ခဲ့ပြီး ၀က်စ်ဟမ်က အဝေးကွင်းမှာ ခရစ္စတယ်ပဲလေ့စ်ကို အနိုင်ရခဲ့ပါတယ်။

ပရီးမီးယားလိဂ် ပွဲစဉ် ၂ အနိုင်အရှုံးရလဒ်များကတော့ အောက်ပါအတိုင်းဖြစ်ပါတယ်။

အက်စတွန်ဗီလာ ၀-၀ နယူးကာဆယ်
ချယ်ဆီး ၂-၀ လက်စတာစီးတီး
ခရစ္စတယ်ပဲလေ့စ် ၁-၃ ၀က်စ်ဟမ်း
ဆောက်သက်တမ် ၀-၀ ၀က်စ်ဘရွန်း
ဆွမ်ဆီး ၁-၀ ဘန်လေ
အဲဗာတန် ၂-၂ အာဆင်နယ်
ဟားလ်စီးတီး ၁-၁ စတုတ်
စပါး ၄-၀ ကျူပီအာ
မန်ယူ ၁-၁ ဆန်းဒါးလန်း