ယူကရိန်း လွတ်လပ်ရေးနေ့ကို လှောင်ပြောင်သည့် ချီတက်မှု ခွဲထွက်ရေးသမားများပြုလုပ်ခဲ့

သြဂုတ် ၂၆ ၊ ၂၀၁၄
M-Media

– ယူကရိန်းတို့၏ လွတ်လပ်ရေး စစ်ရေးပြမှုကို လှောင်ပြောင်သရော်သည့် အနေဖြင့် နိုင်ငံအရှေ့ပိုင်းရှိ ခွဲထွက်ရေးသမားများက ၎င်းတို့ဖမ်းဆီးထားသော ယူကရိန်းစစ်သားများကို ကြိုးများဖြင့် တုပ်နှောင်ကာ လှည့်လည် ချီတက်စေခဲ့သည်ဟု သိရသည်။

ခွဲထွက်ရေးသမားများ သိမ်းပိုက်ထားရာ ဒွန်တက်စ်မြို့လယ်ရှိ လီနင်ရင်ပြင်တွင် ယမန်နေ့က ပြုလုပ်ခဲ့ခြင်းဖြစ်ပြီး၊ ဖမ်းဆီးခံထားရသည့် ယူကရိန်းစစ်သား ၄၀ မှ ၅၀ ခန့် ပါဝင်ခဲ့သည်။

ယူကရိန်းစစ်သားများ၏ လက်များကို ကြိုးများဖြင့် ချည်နှောင်ထားပြီး လက်နက်ကိုင်ထားသည့် ခွဲထွက်ရေးသမားများက ၀န်းရံ၍ ချီတက်စေခဲ့ခြင်းဖြစ်ကာ ၎င်းတို့ လျှောက်သွားကြသည့် လမ်းကြောင်းများအား ဆေးကြောရန်အတွက် ရေများတင်ဆောင်ထားသည့် ထရပ်ကားနှစ်စီးလည်း ချီတက်မှုတွင် ပါဝင်ခဲ့သည်။

ပြည်သူများကမူ ယူကရိန်းစစ်သားများအား အမှိုက်များ၊ ရေဘူးအလွတ်များဖြင့် ပစ်ပေါက်ခဲ့ကြပြီး “ဖက်စစ်များ” “သစ်ပစ်မှာ ကြိုးဆွဲချပစ်” စသဖြင့် အော်ဟစ်ဆဲဆိုခဲ့ကြသည်။

ခွဲထွက်ရေးအဖွဲ့ခေါင်းဆောင် အလက်ဇန်ဒါး ဇက်ခါချန်ကိုကမူ ယူကရိန်း လွတ်လပ်ရေးနေ့ စစ်ရေးပြအခမ်းအနားအတွက် လှောင်ပြောင်သည့် စကားများအား ပြောဆိုခဲ့သည်။

“၂၄ ရက်နေ့ဟာ ယူကရိန်းလွတ်လပ်ရေးနေ့လို့ ယူကရိန်းအစိုးရက ပြောပါပြီး သူတို့ စစ်ရေးပြမှုတွေပြုလုပ်ခဲ့ပါတယ်။ ဒွန်တက်စ်မှာလည်း ဒီပုံစံအတိုင်း ပြုလုပ်တာပါ။ ဒါပေမယ့် စစ်ရေးပြတာတော့ မဟုတ်ပါဘူး” ဟု အလက်ဇန်းဒါးက ပြောကြားခဲ့သည်။

ခွဲထွက်ရေးသမားများ၏ ထိုလုပ်ရပ်အား လူ့အခွင့်အရေး စောင့်ကြည့်အဖွဲ့က ဝေဖန်ရှုတ်ချခဲ့ပြီး စစ်သုံ့ပန်းများအား အရှက်ရေစေသော နှိမ့်ချသော လုပ်ရပ်ဖြစ်ကာ ဂျီနီဗာ သဘောတူညီချက်ကို ချိုးဖောက်ခြင်းဖြစ်သည်ဟု ပြောကြားခဲ့သည်။