ဂါဇာအား ကျူးကျော် တိုက်ခိုက်သည့် အစ္စရေးကို ဝေဖန်ခဲ့သူ ဗြိတိန် ပါလီမန် အမတ် တိုက်ခိုက်ခံရ

သြဂုတ် ၃၀ ၊ ၂၀၁၄
M-Media

– ပါလက်စတိုင်းထောက်ခံသူ ဗြိတိန်ပါလီမန်အမတ် ဂျော့ဂ်ျ ဂါလိုဝေးမှာ ၎င်း၏ အစ္စရေးဆန့်ကျင်သော စကားများကြောင့် လန်ဒန်တွင် ယမန်နေ့က တိုက်ခိုက်ခံခဲ့ရပြီး ဆိုးရွားစွာ ဒဏ်ရာရရှိခဲ့သည်ဟု သိရသည်။

နောတင်း ဟေးလ်ဒေသတွင် ဓာတ်ပုံရိုက်ရန်အတွက် စီစဉ်နေစဉ် လူတစ်ဦးမှ ၀င်ရောက် တိုက်ခိုက်ခဲ့ခြင်းဖြစ်ပြီး နာဇီတို့က ဂျူးများကို သတ်ဖြတ်သည့် Holocaust အကြောင်းကိုလည်း ဟစ်ကြွေးခဲ့သည်ဟုဆိုသည်။

“ဂျော့က လူတွေနဲ့ ဓာတ်ပုံရိုက်ဖို့ လုပ်နေတဲ့အချိန်မှာ လူတစ်ယောက်က သူ့အပေါ် ခုန်အုပ်ပြီး သူ့ကို ထိုးပါတော့တယ်။ ဒါဟာ ဂျော့ရဲ့ အစ္စရေးကို ဆန့်ကျင်တဲ့ မှတ်ချက်ကြောင့် ဖြစ်ပါလိမ့်မယ်။ ဘာ့ကြောင့်လည်းဆိုတော့ ဒီလူဟာ Holocaust အကြောင်းကို အော်ဟစ်ခဲ့လို့ပါ” ဟု ဂျော့၏ ပြောရေးဆိုခွင့်ရှိသူက ပြောကြားခဲ့သည်။

Respect ပါတီခေါင်းဆောင်းဖြစ်ပြီး အနောက်ဘရက်ဖို့ဒ်ဒေသမှ ပါလီမန်အမတ်ဖြစ်သူ ဂျော့မှာ သြဂုတ်လ ၂ ရက်နေ့က လိဒ်မြို့တွင် ပြောကြားသော မိန့်ခွန်း၌ ဂါဇာဒေသအား အစ္စရေးက ကျူးကျော်တိုက်ခိုက်မှုကို ရှုတ်ချခဲ့ပြီး ၎င်း၏ ဘရက်ဖို့ဒ် ဒေသအား အစ္စရေး ကင်းစင်နယ်မြေအဖြစ် ကြွေးကျော်ခဲ့သည်။

“အစ္စရေးရဲ့ ဘယ်ကုန်ပစ္စည်းမှ မလိုချင်ပါဘူး။ ပြီးတော့ အစ္စရေးရဲ့ဝန်ဆောင်မှုတွေ၊ အစ္စရေးက ပညာရှင်တွေ ဒီက တက္ကသိုလ်၊ ကောလိပ်တွေကို လာရောက်တာမျိုး၊ ဘရက်ဖို့ဒ်ကို အစ္စရေးခရီးသွားတွေ လာရောက်တာမျိုးတွေ ဘာဆို ဘာမှ မလိုချင်ပါဘူး” ဟု အဆိုပါ မိန့်ခွန်းပြီးနောက် ရဲတပ်ဖွဲ့နှင့် အင်တာဗျူး တွင် ဂျော့က ပြောကြား ခဲ့သည်။

ဂျော့အားတိုက်ခိုက်သူကို ဖမ်းဆီးရမိခဲ့ပြီး လန်ဒန်တောင်ပိုင်း ရဲစခန်းသို့ ပို့ဆောင်ထားကြောင်း၊ ဂျော့မှာ နှာခေါင်းကျိုးဒဏ်ရာ၊ နံရိုကျိုး ဒဏ်ရာတို့ ရရှိခဲ့ကာ ဆေးရုံတွင် ဆေးကုသမှု ခံယူနေရကြောင်း ရဲတပ်ဖွဲ့ ပြောရေးဆိုခွင့်ရှိသူတစ်ဦးက ပြောကြားခဲ့သည်။

ref_Al Jazeera and agencies