ဘော်လကန် စစ်ပွဲကာလအတွင်း ဖျက်ဆီးခံ ဘော့စနီးယားမှ ဗလီဝတ်ကျောင်း ပြန်လည် ဖွင့်လှစ်နိုင်

စက်တင်ဘာ ၃ ၊ ၂၀၁၄
M-Media

ပြန်လည်ဖွင့်လှစ်ခြင်းက ဘော့စနီးယန်း (၈၀၀၀)ကျော်ကို တအုံတကျင်း သတ်ဖြတ်ခဲ့မှု (၁၉)နှစ်ရှိပြီ ဖြစ်ကြောင်း အမှတ်ရစေခဲ့သည်။

ဘော့စနီးယားနိုင်ငံ၊ စရင်ဘရင်နီကာ စုပြုံသတ်ဖြတ်မှုကာလအတွင်း ဆာ့ဘ်တို့မှ ဖြိုချဖျက်ဆီးခဲ့သည့် Dalye Hosta ဗလီဝတ်ကျောင်းတော်ကို သြဂုတ်လ ၂ ရက်နေ့က ပြန်လည်ဖွင့်လှစ် ၀တ်ပြုနိုင်ခဲ့သည်။

ဘော့စနီးယန်းတို့၏ ငွေအင်အားဖြင့် မတည်၍ မွမ်းမံပြီးစီးခဲ့ပြီးနောက် ပြန်လည်ဖွင့်လှစ်နိုင်ခြင်းက ဘော့စနီးယန်း (၈၀၀၀)ကျော်ကို တအုံတကျင်း သတ်ဖြတ်ခဲ့မှု (၁၉)နှစ်ရှိပြီ ဖြစ်ကြောင်း အမှတ်ရစေခဲ့သည်။

ဘော့စနီးယားစစ်ပွဲအတွင်း နိုင်ငံ အရှေ့မြောက်ပိုင်းရှိ စရီဘရင်နီကာအား ကုလသမဂ္ဂမှ စစ်မဲ့ဇုံ အဖြစ် ကြေငြာ သတ်မှတ်သော်လည်း ဗိုလ်ချုပ် Ratko Mladic လက်အောက်မှ ဆာ့ဘ်တပ်ဖွဲ့များက (၁၉၉၅)ခုနှစ် ဇူလိုင် (၁၁)ရက်တွင် သိမ်းပိုက်ခဲ့သည်။  ထိုဒေသတွင် ထွက်ပြေးလာ ကြသောပြည်သူများကို ကုလတပ်ဖွဲ့များမှ မကာကွယ်နိုင်ခဲ့၊ ထိုဒေသအား စွန့်လွှတ်လိုက်ရသည်။

ဘော့စနီးယန်းအမျိုးသားနှင့် ကလေးငယ်ပေါင်း (၈၀၀၀)ကျော်တို့သည် တောနက်များ၊ လယ်ကွင်းများ၊ စက်ရုံများနှင့် ဂိုဒေါင်များထဲ၌ တအုံတကျင်း သတ်ဖြတ်ခံကြရသည်။ ယင်းသူတို့အား နိုင်ငံအ၀ှန်း ကျင်းကြီးကျင်းငယ်များတူး၍ မြုပ်နှံလိုက်ကြသည်။ အချို့မှာ ယနေ့တိုင်အောင် ရှာဖွေဖော်ထုတ်နေရဆဲဖြစ်သည်။

Ref : World Bulletin