ဘရာဇီးလ်ရဲ့ ဂုဏ်သိက္ခာ ပြန်လည်ရယူရန် အဆင့်သင့်ဖြစ်နေပြီလို့ နောက်ခံလူးဝစ်ပြော

စက်တင်ဘာ ၄ ၊ ၂၀၁၄
M-Media

– ကမ္ဘာ့ဖလားပြိုင်ပွဲတွင်ကျဆင်းခဲ့သည့် မိမိတို့အသင်း၏ ဂုဏ်သိက္ခာအား ပြန်လည်ရယူရန် အဆင်သင့်ဖြစ်သည်ဟု ဘရာဇီးလ်နောက်ခံလူ ဖီးလစ်လူးဝစ်က ပြောကြားခဲ့သည်။

ဘရာဇီးအသင်းမှာ ကမ္ဘာ့ဖလားပြိုင်ပွဲမတိုင်ခင် ဗိုလ်စွဲရန် ရေပန်းစားခဲ့သော်လည်း ပြိုင်ပွဲတွင် ထင်သလောက်ခြေစွမ်းမပြနိုင်ခဲ့ဘဲ ဂျာမနီအသင်းအား ဆီမီးဖိုင်နယ်တွင် ဂိုးပြတ်ဖြင့် အရှက်တကွဲ ရှုံးနိမ်ခဲ့ရပြီးနောက် ဂုဏ်သိက္ခာလည်း ကျဆင်းခဲ့သည်။

“ကမ္ဘာ့ဖလားပြိုင်ပွဲဟာ ကျွန်တော်တို့အတွက် အချိန်ကောင်းမဟုတ်ခဲ့ဘူးဆိုတာကို လက်ခံပြီး အခုအချိန်မှာ ကျွန်တော်တို့ရဲ့ ခြေထောက်တွေကို မြဲမြံစွာရပ်တည်ရမှာပါ။ ဘရာဇီးဟာ ကမ္ဘာပေါ်မှာ အတောင့်တင်းဆုံး လက်ရွေးစင်ဘောလုံးအသင်းပါပဲ။ အခြားအသင်းတွေထက် ကမ္ဘာ့ဖလားကို ပိုပြီး ရယူထားခဲ့ပါတယ်။ ဒါပေမယ့် ရိုးရိုးသားသားနဲ့ ၀န်ခံရမယ်ဆိုရင်တော့ အခုချိန်မှာ အချို့အသင်းတွေဟာ ကျွန်တော်တို့ထက် ပိုကောင်းပါတယ်” ဟု မိုင်ယာမီတွင် ကိုလံဘီယာအသင်းနှင့်ကစားမည့် ခြေစမ်းပွဲအကြို သတင်းစာရှင်းလင်းပွဲ၌ လူးဝစ်က ပြောကြားခဲ့သည်။

ကမ္ဘာ့ဖလားပွဲပြီးနောက် နည်းပြစကိုလာရီမှာ အသင်းနှင့် လမ်းခွဲခဲ့ပြီး ဒွန်ဂါက ဘရာဇီးလ်နည်းပြသစ် ဖြစ်လာခဲ့သည်။ ထို့နောက် ဘရာဇီးလ်၏ ကမ္ဘာအနှံ့ ခြေစွမ်းပွဲအတွက် ရွေးချယ်ခဲ့ရာ လူငယ်ကစားသမားအများအပြား ပါဝင်ခဲ့သည်။

လူးဝစ်ကမူ ဘရာဇီးလ်အား ကမ္ဘာတစ်ဝှမ်းလုံးမှ လေးစားမှုကို တစ်ပွဲတည်းဖြင့် ဖျောက်ဖျက်၍ မရကြောင်း၊ အသင်း၏ ဂုဏ်သိက္ခာအား ပြန်လည်တည်ဆောက်ရန်အတွက် မိမိတို့က ကြိုးစားနေကြောင်း စသဖြင့် ထပ်လောင်းပြောကြားခဲ့သည်။