လူနည်းစု အခွင့်အရေး တိုးမြှင် လုပ်ဆောင်ရန် မြန်မာအစိုးရအား ဂျာမနီ အဓိပတိ တိုက်တွန်း

စက်တင်ဘာ ၅ ၊ ၂၀၁၄
M-Media

– မြန်မာအစိုးရအနေဖြင့် လာမည့်နှစ်ရွေးကောက်ပွဲအား တရားမျှတမှုရှိစွာ ကျင်းပပေးပြီး နိုင်ငံအတွင်းရှိ လူနည်းစုများကို ပိုမို အကာကွယ်ပေးပါက မိမိတို့အနေဖြင့် မြန်မာနိုင်ငံအား ပိုမိုကူညီထောက်ပံ့သွားမည်ဟု ဂျာမနီ အဓိပတိ အိန်ဂျလာမာကဲလ်က ပြောကြားလိုက်သည်။

ဂျာမနီသို့ အလည်အပတ်ရောက်ရှိနေသည့် မြန်မာသမ္မတ ဦးသိန်းစိန်နှင့် ဗုဒ္ဓဟူးနေ့က ဘာလင်၌ တွေ့ဆုံခဲ့ဆွေးနွေးခဲ့ပြီးနောက် မြန်မာနိုင်ငံအတွက် ရင်းနှီးမြှုပ်နှံမှုနှင့် ဖွံ့ဖြိုးရေးအကူအညီများကို မိမိတို့မှ တိုးမြှင့်ပေးရန် အသင့်ရှိသော်လည်း မြန်မာနိုင်ငံအတွင်းရှိ လူ့အခွင့်အရေးအခြေအနေကို အနီးကပ်စောင့်ကြည့်သွားမည်ဟု မာကဲလ်ကဆိုသည်။

“တိုင်းရင်းသားလူမျိုးစု အများကြီးရှိတဲ့ မြန်မာနိုင်ငံမှာ စီးပွားရေးဖွံ့ဖြိုးတိုးတက်ဖို့နဲ့ ငြိမ်းချမ်းရေးဟာ လိုကိုလိုအပ်ပါတယ်။ ပြီးတော့ ငြိမ်းချမ်းရေးမှာလည်း လူနည်းစုတွေနဲ့ ပတ်သက်ပြီး ညှိနှိုင်းခြင်းတွေ၊ သည်းခံမှုတွေ လိုအပ်ပါတယ်” ဟု သူမက ပြောကြားခဲ့သည်။

မြန်မာနိုင်ငံ၌ ယခုနှစ်ကုန်ပိုင်းတွင် ကြားဖြတ်ရွေးကောက်ပွဲ ကျင်းပရန် ရှိနေပြီး၊ လာမည့်နှစ်တွင်လည်း အထွေထွေရွေးကောက်ပွဲ ကျင်းပရန် ရှိနေသည်။ မာကဲလ်ကမူ မြန်မာနိုင်ငံ၏ တိုးတက်မှုကို ချီးကျူးခဲ့ပြီး ရွေးကောက်ပွဲပြင်ဆင်မှုကို စောင့်ကြည့်နေသည်ဟု ထည့်သွင်းပြောကြားခဲ့သည်။

သမ္မတဦးသိန်းစိန်ကမူ မိမိတို့တိုင်းပြည်မှာ ဒီမိုကရေစီ လမ်းကြောင်းပေါ်သို့ ရောက်ရှိခဲ့သည်မှာ ၃ နှစ်သာ ရှိသေးကြောင်း ပြောကြားခဲ့သည်။

“အခုအချိန်မှာ ကျွန်တော်တို့ အခက်အခဲတွေ အများကြီးရှိပါတယ်” ဟု ၎င်းက ဆိုပြီး သွေးထွက်သံယိုမှု မရှိဘဲ ပြုပြင်ပြောင်းလဲမှုများကို လုပ်ဆောင်နိုင်ခဲ့သည်ဟု ပြောကြားခဲ့သည်။

မြန်မာနိုင်ငံရှိ ပညာရေးစနစ်နှင့် ပဋိပက္ခများဖြစ်ပွားနေသည့် ဒေသများရှိ အသေးစားနှင့် အလတ်စား ကုမ္ပဏီများအား အကူအညီပေးရန် မိမိတို့က ပစ်မှတ်ထားနေသည်ဟု မာကဲလ်က ထပ်လောင်းပြောကြားခဲ့သည်။

နိုင်ငံအတွင်း ဒီမိုကရေစီ ပြုပြင်ပြောင်းလဲရေးနောက်ပိုင်း ခေါင်းထောင်လာခဲ့သည့် မွတ်စလင် ဆန့်ကျင်ရေး လှုပ်ရှားမှုများကို မတားဆီးနိုင်သောကြောင့် ဦးသိန်းစိန် အစိုးရမှာ ဝေဖန်မှုများကို ခံနေရသည်။

ref_Agencies