လူသတ်မှု၊ မုဒိမ်းမှုဖြင့် ထောင်ကျခဲ့သူ အမေရိကန်နှစ်ဦး နှစ်ပေါင်း ၃၀ ကြာမှ အပြစ် မရှိကြောင်းသိရ

စက်တင်ဘာ ၉ ၊ ၂၀၁၄
M-Media

– DNA အထောက်အထားများကို စစ်ဆေးခဲ့ပြီးနောက် လွန်ခဲ့သည့် နှစ်ပေါင်း ၃၀ က လူသတ်မှု၊ မုဒိမ်းမှုတို့ဖြင့် ထောင်ဒဏ်ကျခံခဲ့ရသည့် အမေရိကန် ညီအစ်ကိုနှစ်ဦးမှာ အပြစ်မရှိကြောင်း တွေ့ရှိခဲ့ရသည်ဟု သိရသည်။

မြောက်ကယ်ရိုလိုင်းနားအကျဉ်းထောင်မှ အရှည်ကြာဆုံး သေဒဏ်ကျခံနေရသူ အသက် ၅၀ အရွယ် ဟင်နရီ လီ မက်ကော်လန်နှင့် အသက် ၄၆ နှစ်အရွယ် လီဘရောင်းတို့မှာ ၁၉၈၃ ခုနှစ်က အသက် ၁၁ နှစ်အရွယ် ဆာဘရီနာ ဘူအီအား မုဒိမ်းကျင့် သတ်ဖြတ်မှုတွင် အပြစ်မရှိကြောင်း တွေ့ရှိခဲ့ရသည်ဟု တရားသူကြီး ရော်ဘီဆန် ကောင်တီက ယမန်နေ့တွင် ပြောကြားခဲ့သည်။

ညီအစ်ကိုနှစ်စလုံးမှာ ၁၉၈၃ ခုနှစ် ဖမ်းဆီးခံရစဉ်က အသိဥာဏ်ပိုင်းဆိုင်ရာ ဆိုးရွားစွာ ပြဿနာရှိနေပြီး မှားယွင်းသောထွက်ချက်ပေးမှုကြောင့် မက်ကော်လန်အား သေဒဏ်နှင့် ဘရောင်းအား ထောင်ဒဏ် တစ်သက်တစ်ကျွန်း ချမှတ်ခဲ့ခြင်းဖြစ်သည်။

“အမှန်တရားရှာဖွေခြင်းရဲ့ အရေးကြီးပုံကို ဒီဖြစ်စဉ်က မီးမောင်းထိုးပြနေပါတယ်။ ဒီနေ့တော့ အမှန်တရားကို ထုတ်ဖေါ်လိုက်ပါပြီ။ ဒါပေမယ့် ဆာဘရီနာ ဘူအီနဲ့ သူ့မိသားစုအတွက်၊ လီယွန်၊ ဟင်နရီနဲ့ သူတို့ရဲ့ မိသားစုတွေအတွက် အနှစ်သုံးဆယ်လောက် နောက်ကျခဲ့ရပါတယ်။ သူတို့ရဲ့ ၀မ်းနည်းမှု၊ ပူဆွေးသောက ရောက်မှုတွေနဲ့၊ ဆုံးရုံးမှုတွေဟာ ထာဝရ ကျန်ရစ်နေမှာပါ” ဟု ဘရောင်း၏ ရှေ့နေဖြစ်သူက ပြောကြားခဲ့သည်။

မြောက်ကယ်ရိုလိုင်းနား ပြည်နယ်၏ ဥပဒေအရ ယခုအချိန် လူသတ်မှုကို စစ်ဆေးရာတွင် အသံသွင်းထားခြင်း သို့မဟုတ် ဗီဒီယိုရိုက်ထားရန် လိုအပ်သော်လည်း ဘရောင်းတို့ ညီအစ်နှစ်ဦး၏ ခေတ်ကာလက ထိုကဲ့သို့ သတ်မှတ်ချက် မရှိခဲ့သေးပေ။ ထောင်အတွင်း သိမ်းဆည်းထားသော အသေးစိတ်အချက်အလက်များမှာ လက်တွေ့သဘောအရ လုံးဝ မဖြစ်နိုင်ကြောင်း အာဏာပိုင်များက ၀န်ခံခဲ့သည်။

ref_Agencies
Photo_Reuters