IS အား တိုက်ခိုက်မှုတွင် အာရပ် ၁၀ နိုင်ငံမှာ အမေရိကန်နှင့် မဟာမိတ်အဖြစ် ပူးပေါင်းမည်

စက်တင်ဘာ ၁၂ ၊ ၂၀၁၄

M-Media

– ဆီးရီးယားနှင့် အီရတ်ရှိ နယ်မြေအချို့အား တိုက်ခိုက်ရန်အတွက် အမေရိကန်၏ ကြိုးပမ်းမှုအတွင်း မဟာမိတ်အဖြစ် ပူးပေါင်းပါဝင်မည်ဟု အာရပ် ၁၀ နိုင်ငံက သဘောတူညီခဲ့သည်ဟု သိရသည်။

အမေရိကန်နိုင်ငံခြားရေး ၀န်ကြီး ဂျွန်ကယ်ရီနှင့် အာရပ်နိုင်ငံများမှ နိုင်ငံခြားရေးဝန်ကြီးများ ဂျစ်ဒါ၌ တွေ့ဆုံမှုပြီးနောက် ယမန်နေ့က ထုတ်ပြန်သော ကြေညာချက်တွင် အာရပ်နိုင်ငံများက မိမိတို့အနေဖြင့် IS အဖွဲ့အား တိုက်ခိုက်မှုအတွင်း မျှဝေပါဝင်သွားမည်ဟု ဖော်ပြခဲ့သည်။

ပါဝင်ကူညီမည့် နိုင်ငံများမှာ ဆော်ဒီအာရေဗျ၊ ဘာရိန်း၊ အီဂျစ်၊ အီရတ်၊ ဂျော်ဒန်၊ ကူဝိတ်၊ လက်ဘနွန်၊ အိုမန်၊ ကာတာနှင့် ယူအေအီးနိုင်ငံတို့ ဖြစ်ကြသည်။ တူရကီနိုင်ငံမှာ ထိုအစည်းအဝေးသို့ တက်ရောက်ခဲ့သော်လည်း နောက်ဆုံး ကြေညာချက်တွင် ပါဝင်ခဲ့ခြင်း မရှိပေ။

အဆိုပါ ကြေညာချက်တွင် အမေရိကန်နှင့် အာရပ် ၁၀ နိုင်ငံမှာ IS အဖွဲ့အပါဝင် အကြမ်းဖက်ဝါဒ အားလုံး၏ ခြိမ်းခြောက်မှုအတွက် အတူတကွ ရပ်တည်မည်ဟု ကတိပြုပါကြောင်း၊ တိုက်ခိုက်မှု အတွင်း ပူးပေါင်းဆောင်ရွက်မှုတွင် IS အဖွဲ့အား တိုက်ခိုက်မည့် စစ်ရေးဆိုင်ရာ ပူးပေါင်းလှုပ်ရှားမှု ကဏ္ဍအားလုံးတွင် ဆက်သွယ် ပါဝင်ခြင်း စသဖြင့် သင့်လျော်သလို ပါဝင်သွားမည်ဖြစ်ကြောင်း ထည့်သွင်းဖော်ပြခဲ့သည်။

IS အဖွဲ့များအား ဆန့်ကျင်သော လှုပ်ရှားမှုကို ထောက်ပံ့ရန် ရည်ရွယ်သည့် မဟာမိတ်အဖွဲ့အတွင်း ၀င်ရောက်ရန် အမေရိကန်က အာရပ်နိုင်ငံများကို ဖိအားပေးထားပြီး၊ ဂျွန်ကယ်ရီမှာ ယနေ့တွင် အရေးပေါ်အစည်းအဝေး အတွက်တူရကီနိုင်ငံသို့ သွားရောက်မည်ဖြစ်သည်။

အီရတ်နိုင်ငံရှိ အမေရိကန်နှင့် အစ္စရေးတို့၏ အကျိုးစီးပွားကို IS က ထိပါးလာခဲ့သည့် နောက်ပိုင်းတွင် အမေရိကန်က IS အဖွဲ့အား လေကြောင်းမှ တိုက်ခိုက်မှုများ ပြုလုပ်ခဲ့ပြီး၊ ပိုမိုထိုးစစ်ဆင်ရန် အတွက် သမ္မတအိုဘားမားက ပြီးခဲ့သည့် ရက်ပိုင်းအတွင်းကပင် အမိန့်ပေးထားသည်။

ref_ Agencies