Facebook
စက်တင်ဘာ ၁၅ ၊ ၂၀၁၄
M-Media
– ကျူပီအာရ်အသင်းအား ၄ ဂိုး ပြတ်ဖြင့် အနိုင်ရရှိခဲ့သည့် မိမိတို့အသင်းမှာ ပိုကောင်းလာမည်ဟု မန်ယူနည်းပြ ဗန်ဂါးလ်က ပြောကြားလိုက်သည်။
ယမန်နေ့က ကစားခဲ့သော ပရီးမီးယားလိဂ် ပွဲစဉ် ၄ တွင် မန်ယူမှာ တိုက်စစ်မှူးများ၏ ခြေစွမ်းပြမှုဖြင့် ကျူပီအာရ်အား ဂိုးပြတ်ခြေပြတ်ဖြင့် အနိုင်ရခဲ့သည်။ ထိုပွဲအနိုင်မှာ ယခုနှစ် ပရီးမီးယားလိဂ်တွင် မန်ယူအသင်း၏ ပထမဆုံးအနိုင်လည်းဖြစ်ပြီး ဗန်ဂါးလ်ကမူ ထိုရလဒ်က ကောင်းမွန်သောစတင်ခြင်းဖြစ်သည်ဟု ဆိုသည်။
“၄ ဂိုး ဂိုးမရှိဆိုတဲ့ရလဒ်အတွက် နည်းပြတစ်ယောက်အနေနဲ့ ပျော်ရွှင်နိုင်ပါတယ်။ ဒါပေမယ့် အသင်းဟာ ထပ်ပြီးလည်း တိုးတက်နိုင်ပါတယ်” ဟု ဗန်ဂါးလ်က ပွဲအပြီးတွင် ပြောကြားခဲ့သည်။
ထိုပွဲတွင် ယခင်ကစားကွက်ဖြစ်သော ၃-၅-၂ ကစားကွက်အစား ၄-၄-၂ ပုံစံကို ပြောင်းလဲခဲ့ပြီး နွေရာသီအပြောင်းအရွှေ့က ၀ယ်ယူထားခဲ့သည့် ဒီမာရီယာ၊ ဟာရဲရား၊ ရိုဂျိုနှင့် ဖယ်လ်ကာအိုတို့ကိုလည်း ဗန်ဂါးလ်က ထည့်သွင်းအသုံးပြုခဲ့သည်။ ကစားကွက်ပြောင်းလဲခဲ့ရခြင်းမှာ ၃-၅-၂ ကစားကွက် ကစားနိုင်သည့် ကစားသမားအချို့ ဒဏ်ရာရရှိနေခြင်းကြောင့်ဖြစ်သည်ဟု ဗန်ဂါးလ်က ထပ်လောင်းပြောကြားခဲ့သည်။
M-Media on Twitter
M-Media Tube
Comments