ကင်မရွန်းမှ လူငယ်ဘောလုံး တစ်သင်းလုံး ဒူဘိုင်းတွင် အစ္စလာမ်သို့ ကူးပြောင်း

စက်တင်ဘာ ၁၇ ၊ ၂၀၁၄
M-Media

– ယူအေအီးနိုင်ငံမှသို့ လာရောက်ကာ လေ့ကျင်မှုများ ပြုလုပ်ခဲ့သည့် ကင်မရွန်းလူငယ် ဘောလုံးအသင်းတစ်သင်းလုံးမှာ အစ္စလာမ် သာသနာသို့ ပြောင်းလဲသက်ဝင်ခဲ့သည်ဟု သိရသည်။

ကင်မရွန်းရှိ လူငယ်ဘောလုံးအကယ်ဒမီတစ်ခုမှ ကစားသမား ၂၃ ဦးပါဝင်သော ဘောလုံးအသင်းဖြစ်ပြီး ဒူဘိုင်းသို့ ၂ လကြာ လေ့ကျင့်ရန် လာရောက်ရာမှ အစ္စလာမ်သို့ ပြောင်းလဲသက်ဝင်ခဲ့ခြင်းဖြစ်သည်။

“လွတ်လွတ်လပ်လပ် နေထိုင်လိုကြတဲ့ ဒီလိုအရွယ်မျိုးမှာ ဒီလူငယ်တွေဟာ ယုံကြည်ချက်နဲ့ ဖြောင့်မတ်မှန်ကန်မှုကို ရှာဖွေကြတာဟာ သိပ်ကို အံ့သြစရာကောင်းပါတယ်။ အဖွဲ့တစ်ခုတည်းက ဒီလောက်အများကြီး အစ္စလာမ်သာသနာကို ပြောင်းလဲသက်ဝင်တာ ဒါပထမဆုံးပါပဲ။ လူအများကြီး အစ္စလာမ်ကို လက်ခံတာ ကြုံခဲ့ဖူးပေမယ့် အုပ်စုတစ်ခုထဲက မဟုတ်ဘဲ မတူညီတဲ့ နေရာဒေသတွေကပါ” ဟု ဒူဘိုင်း အစ္စလာမ့်ရေးရာနှင့် လူမှုကူညီရေးအဖွဲ့ IACAD မှ ဘာသာရေးဆိုင်ရာ အကြီးတန်း အကြံပေး ဂျာဝိဒ် ခါတီးဗ်က ပြောကြားလိုက်သည်။

ဒူဘိုင်းသို့ ရောက်ရှိချိန်တွင် အစ္စလာမ်သာသနာ၏ ငြိမ်းချမ်းမှုနှင့် အေးချမ်းမှုကို ခံစားခဲ့ရပြီး ၎င်းတို့နှင့် အတူလေ့ကျင့်သည့် မွတ်စလင်ဘောလုံးသမားများထံမှ ရရှိခဲ့သည့် ကြင်နာမှု၊ စာနာထောက်များမှုများနှင့် လေးစားမှုတို့ကြောင့် အဆိုပါ ဘောလုံးတစ်သင်းလုံးမှာ အစ္စလာမ်သို့ ပြောင်းလဲသက်ဝင်ခဲ့ခြင်းဖြစ်သည်။

“မွတ်စလင်တွေရဲ့ အပြုအမူတွေက သူတို့ကို အထင်ကြီးစေခဲ့ပါတယ်။ အများဆုံးကတော့ သူတို့ကို ကြင်နာမှုနဲ့ လေးစားမှုတို့ပါပဲ” ဟု ခတီးဗ်ကဆိုသည်။

၎င်းတို့ ဘောလုံးတစ်သင်းလုံးမှာ အစ္စလာမ်ကို စိတ်ဝင်စားသည်ဟု ပြောဆိုပြီးနောက် အစ္စလာမ်နှင့် ပတ်သက်၍ ပိုမိုလေ့လာမှုများပြုလုပ်ရန်အတွက် ၎င်းတို့အသင်း၏ နည်းပြဖြစ်သူအမျိုးသမီးက IACAD သို့ ခေါ်ဆောင်သွားခဲ့သည်။

“နှစ်ရက်လောက် သူတို့နဲ့ တစ်နေကုန်တွေ့ပြီး အစ္စလာမ်အကြောင်း ပြောပြတာ၊ မေးခွန်းတွေဖြေတာနဲ့ သူတို့ရဲ့ သံသယတွေရှင်းသွားအောင် ရှင်းပြခဲ့ပါတယ်။ အစ္စလာမ်နဲ့ပတ်သက်ပြီးသော သူတို့မှာ သင့်တော်တဲ့နားလည်းမှုမျိုး ရှိလာအောင် လုပ်ခဲ့ပါတယ်။ သူတို့ရဲ့ မေးခွန်းအများစုကတော့ ဟာလာလ်၊ ဟရမ်အကြောင်း၊ အရက်သောက်ခြင်းအကြောင်း၊ အစ္စလာမ်မှာ ခရစ်တော်တို ဘယ်လိုမြင်လဲဆိုတဲ့ အကြောင်းတွေဖြစ်ပါတယ်။ သူတို့ထဲက နှစ်ယောက်ကတော့ အစ္စလာမ်ကိုပြောင်းဖို့ ဆန္ဒမရှိခဲ့ပါဘူး” ဟု ခတီးဗ်က ထပ်လောင်းပြောကြားခဲ့သည်။

အဆိုပါ IACAD အဖွဲ့မှာ သစ်လွင်မွတ်စလင်များနှင့် မွတ်စလင်မဟုတ်သူများအတွက် စစ်မှန်သော အစ္စလာမ့်သတင်းစကားကို မိတ်ဆက်ရန် အခမ်းအနားများစွာကို ဆောင်ရွက်ပေးခဲ့သည်။

IACD မှာ ဒါရ် အလ်ဘာရ် ဒေသရှိ အစ္စလာမ့်သတင်းအချက်အလက်စင်တာနှင့် ပူးပေါင်းဆောင်ရွက်လျက်ရှိနေသည်။

အဆိုပါ စင်တာ တည်ထောင်ခဲ့သည့် နှစ်ပေါင်း ၂၀ အတွင်း နိုင်ငံပေါင်း ၂၀၀ ကျော်မှ အစ္စလာမ်သို့ သက်ဝင်လာသူ ၂ သောင်းကျော်ရှိပြီး ပြီးခဲ့သည့်နှစ်တွင် အစ္စလာမ်သို့ သက်ဝင်ယုံကြည်သူပေါင်း ၂၁၁၅ ဦးရှိကာ တစ်နှစ်အတွင်း အများဆုံးအဖြစ် စံချိန်တင်ခဲ့သည်။

ref_ OnIslam & Newspapers