၂၀၁၅ အကြို အဓိကရုဏ်းပွဲ နံပါတ်တစ် ကတော့ စလိုက်ပါပြီ။

စက်တင်ဘာ ၂၁ ၊ ၂၀၁၄
M-Meida
ဆွေမွန် ရေးသည်။

မနေ့တစ်နေ့ကပဲ မွတ်ဆလင်ကောင်းကြောင်း သတင်းစာမှာ ၂ မျက်နှာပြည့် ရေးခဲ့သေးတယ်။

ဒီနေ့ ဗလီတစ်လုံး အဖျက်ခံရပြန်ပြီ။

ဘုရားကျောင်းကန်ကို ဖျက်ရင် ကိုးကွယ်ယုံကြည်သူတွေရဲ့ နှလုံးသားကို ဓားနဲ့ထိုးခံရသလိုပါပဲ။ လူတိုင်း ဒီလိုပဲ ခံယူကြပါတယ်။

အရမ်းတွန်းမထုတ်ကြနဲ့။ အစွန်းကို ရောက်သွားအောင် တွန်းထုတ်နေတာ မကောင်းဘူး။ အစွန်းကိုရောက်သွားမှ မင်းတို့ အစွန်းရောက်လို့ မပြောကြပါနဲ့။ အိမ်ကုန်၊ စီးပွားပျက်၊ မိသားစုအားလုံးကုန်သွားတဲ့လူတစ်ယောက်မှာ အစွန်းရောက်ဖို့ အင်မတန်လွယ်ကူသွားတတ်ပါတယ်။ လူကို လူလို့ မြင်နေချိန်လေးကို ထိန်းသိမ်းပေးကြပါ။

ခွေးကိုက်လို့ ခွေးရှင်အလျော်ပေးရင် တောင်းပန်ရင် ပြီးရမယ့်ကိစ္စ၊ ခွေးကို ရိုက်သတ်ရုံတင် မဟုတ်ဘူး။ ခွေးရှင်ပိုင်တဲ့အိမ်နဲ့ ကိုးကွယ်ဦးချရာ ဗလီကိုပါ လက်တင်ဖျက်ဆီးတယ်၊ ဖျက်ဆီးခွင့်ပေးတယ်ဆိုတာ လူယဉ်ကျေးတွေရဲ့ လုပ်ရပ် မဟုတ်ပါဘူး။

ဒီလုပ်ရပ်ဟာ မြန်မာနိုင်ငံရဲ့ ပုံရိပ်ကို အဆုံးစွန်ထိ ဆွဲချနေတာဖြစ်တဲ့အတွက် ဗုဒ္ဓဘာသာဝင်တွေကိုယ်တိုင် မတားသရွေ့ ဒီလိုကိစ္စတွေ ရှိလာနေမှာပဲ။

အစိုးရကတော့ ရည်ရွယ်ချက်ရှိရှိ အရင်ကလည်းလွှတ်ပေးသလို ခုလည်း လွှတ်ပေးနေမှာပဲ။ အစိုးရမလုပ်လို့ ပြည်သူကလည်း မတားရင် ဒီလိုပဲ တစ်ယောက်တစ်လှည့် ပတ်ပြီး ခံနေကြရလိမ့်မယ်။

၂၀၁၅ အကြို အဓိကရုဏ်းပွဲ နံပတ် တစ် ကတော့ စလိုက်ပါပြီ။ နောက် အလှည့်ကျမြို့တွေ ထပ်လာနေဦးမှာပဲ။ လှုံ့ဆော်သူတွေက လှုံ့ဆော်နေမှာ ဖြစ်သလို ပါဝင်နေမြဲလူတွေကလည်း မပြင်နိုင်ရင် ……

ကျွန်တော်တို့အားလုံးရဲ့ အပြောင်းအလဲ ၂၀၁၅ ဟာ ပြီး သွားပြီ။

ဒီပုံတွေကို ကြည့်ပါ။ အဓိကရုဏ်းလား။ ပွဲကို မဖြစ်ဖြစ်အောင် ဖန်တီးတာလားတွေ့ရပါမယ်။

မြို့မကျ တောမကျရွာလေးမှာ နိုင်ငံခြားမျိုး အယ်လ်ဇေးရှင်းခွေးကြီးနှစ်ကောင်တိတိ မွေးထားတာကို မန္တလေး မစိုးရိမ်တိုက်က ဦးဝီရသူက သေချာသိနေပြန်ပါတယ်။

လူကိုရိုက်လို့၊ ခွေးနဲ့ ရှူးတိုက်လို့၊ မီးပြတ်လို့ ဒေါသထွက်ပြီး ဗလီကိုဖျက်ပါသတဲ့…..

ရဲက ကတိအတိုင်း မဆောင်ရွက်နိုင်လို့ ဒေါသထွက်နေတဲ့ လူအုပ်ကြီးက ဗလီကို ဖျက်ရတယ်။ ဖျက်တဲ့လူကို အပြစ်မမြင်အောင် မင်းက အယ်လ်ဇေးရှင်းခွေးကြီးနဲ့ ရှူးတိုက်တာကိုး၊ ဒါကြောင့် ငါတို့ ဗလီကို ဖျက်ရတာလေကွာ….နော်… တရားပါတယ်။ ဒီအမြင်ကို ရိုက်ထည့်ပေးတယ်။

ဦးဝီရသူ မပါတဲ့ ကိစ္စမရှိပါဘူး။ ကိစ္စအားလုံးကို နှပ်ကြောင်းပေး အဖြေထုတ်ပေးတာ ဦးဝီရသူကိုယ်တိုင်ပါပဲ။ မိတ္ထီလာမှာ ဦးသောဘိတကို မီးရှို့သတ်ပါတယ်လို့ အရင်ဆုံးတင်တာလည်း ဦးဝီရသူပါပဲ။ လားရှိူးမြို့က အရူးနေ၀င်းမီးရှို့တာကို မပွပွအောင် မြို့ကုန်သွားအောင် ဖွတာလည်း ဦးဝီရသူပါပဲ။ ဘာကိစ္စပဲဖြစ်ဖြစ် အဓိကရုဏ်းတိုင်းမှာ ဦးဝီရသူလက်ရာ မပါတဲ့ပွဲ ရှားပါတယ်။

အခု မြစ်ခြေကိစ္စမှာ U Ya Tha Nanda ဦးရသနန္ဒ အမည်ရတဲ့ ဖေ့စ်ဘုတ်အကောင့် ပိုင်ရှင်နဲ့ Da Na ဒါနအမည်ရ အကောင့်ပိုင်ရှင်နှစ်ဦးဟာ အမိန့်ပေးတဲ့အဖွဲ့ရဲ့ စေခိုင်းချက်ကို မြေပြင်ပေါ်မှာ လက်တွေ့ကွင်းဆင်း အကောင်အထည် ဖော်ခဲ့ကြတယ်။ ဦးဝီရသူ နဲ့ မန်း မဘသ တို့က အတိုင်အဖောက်ညီညီ သတင်းတင်ပေးခဲ့တယ်။ နှပ်ကြောင်းပေး အကွက်ဖော်ပေးခဲ့ကြတယ်။ သာမန်ရန်ပွဲတစ်ခုကြောင့် ဗလီတစ်လုံးကို အကြောင်းမဲ့ ဖျက်ဆီးခဲ့ကြတယ်။ ဘာမှ မပတ်သက်တဲ့ အယ်ကေဒါနဲ့ ဂျီဟတ်ကို မပါပါအောင် ဆွဲထည့်ခဲ့ပါသေးတယ်။

အစိုးရက အရေးယူမယ်ထင်ပါသလား။ ဘယ်သူတွေက လုပ်ခွင့်ပေးနေကြတာလဲ။ ဒီသင်္ဃန်းဝတ်တွေက ဘုန်းကြီးအစစ်တွေလား။ သာမန်ဗုဒ္ဓဘာသာဝင်တွေရော ဘာလို့ မကန့်ကွက်တာလဲ။ မန္တလေးလိုမြို့ကိုတောင် တစ်ညတည်းနဲ့ မထိန်းနိုင်အောင် လုပ်ပြခဲ့ပြီးပါပြီ။ လုပ်ချင်ရင် လုပ်လို့ရကြောင်း အဓိကရုဏ်းပွဲဖြစ်မြောက်ရေး ဖန်တီးနေသူတွေက ပြပြီးပါပြီ။

ကျွန်တော်တို့ ဒီလိုပဲ တစ်မြို့ပြီး တစ်မြို့ လည်စင်းပေးကြတော့မှာလား။

အစွန်းကို ရောက်အောင် တွန်းထုတ်နေတာ ၃ နှစ်ရှိပါပြီ။

မြန်မာပြည်က မွတ်ဆလင်တွေ ဘာမှ ပြန်မလုပ်ခဲ့သလို ပြန်လုပ်ဖို့ အစီအစဉ်လည်း မရှိပါဘူး။ ၂၀၁၅ ကို မရောက်ရောက်အောင် အပြောင်းအလဲတစ်ခုမြင်ရမလားအတွေးနဲ့ သည်းခံနေကြဆဲပါ။

ထပ်ပြီး မတွန်းထုတ်ပါနဲ့တော့။ အစွန်းကို တကယ်ရောက်သွားချိန်မှာ လူတွေမှာ ဘာသာတရားမရှိတော့ပါဘူး။ နှစ်ဖက်လုံးအတွက် အဖြေမကောင်းတဲ့ ရွေးချယ်စရာကို မသွားလိုကြပါဘူး။ ဒါပေမယ့် ချောင်ပိတ်မိသွားရင် ဘယ်သတ္တ၀ါမဆို ပြန်လုပ်မိတတ်တဲ့ သဘာဝလေးကို သတိထားကြပါ။

ဗုဒ္ဓဘာသာဝင်အစစ်တွေကိုယ်တိုင် ဒီလိုဖြစ်ရပ်တွေကို လမ်းပေါ်ထွက် တားမြစ်လာရဲတဲ့တစ်နေ့မှာမှ ဒီပြသနာတွေ အေးချမ်းသွားမှာပါ။ တားကြပါ။ တိုက်တွန်းပါတယ်။ မနှစ်သက်ကြောင်း ထုတ်ဖော်ကြပါ။ ကန့်ကွက်ကြပါ။

မြန်မာပြည်သူ ပြည်သားအားလုံး အိမ်ကြက်ချင်း အိုးမဲသုတ်ခွပ်ခိုင်းခံရတဲ့ဘ၀က ကင်းလွတ်ကြပါစေ။

မြန်မာပြည်ငြိမ်းချမ်းပါစေ။

ဆွေမွန်
၂၁ စက်တင်ဘာ