ခါကာဘိုရာဇီ တောင်တက်စဉ် ပျောက်ဆုံးသွားသည့် မြန်မာနှစ်ဦးအား ရှာဖွေမှုများ အရှိန်မြှင့်

စက်တင်ဘာ ၂၁ ၊ ၂၀၁၄
M-Media

– အရှေ့တောင်အာရှ အမြင့်ဆုံးတောင်ဖြစ်သည့် ခါကာဘိုရာဇီတောင်သို့ တက်ရောက်စဉ် ပျောက်ဆုံး သွားခဲ့သည့် တောင်တက် သမား နှစ်ဦးကို မြန်မာနိုင်ငံနှင့် နိုင်ငံတကာမှ ကယ်ဆယ်ရေး အဖွဲ့များက ပိုက်စိတ်တိုက်ရှာဖွေနေသည်ဟု တက္ကသိုလ်များ ခြေလျင်နှင့် တောက်တက်အဖွဲ့ချုပ်မှ သဘာဝခေါ်သံ ဖောင်ဒေးရှင်း ဥက္ကဌ ဦးမျိုးသန့်က ယနေ့တွင် ပြုလုပ်သော သတင်းစာ ရှင်းလင်းပွဲတွင် ပြောကြားခဲ့သည်။

ကယ်ဆယ်ရေးအဖွဲ့များတွင် ထူးဖောင်ဒေးရှင်း၊ စစ်တပ်နှင့် ဒေသခံပြည်သူများ၊ တရုတ်၊ နီပေါ၊ ထိုင်းနှင့် အမေရိကန်တို့မှ အဖွဲ့များ ပါဝင်သည်။ ဂျပန် တောင်တက်အဖွဲ့တစ်ခုကမူ ကယ်ဆယ်ရေးလုပ်ငန်းများတွင် ပါဝင်ဆောင်ရွက်ခြင်း မရှိသော်လည်း ပျောက်ဆုံးနေသည့် တောင်တက်သမားနှစ်ဦး၏ သဲလွန်စများကို ရရှိပါက အကြောင်းကြားပေးမည်ဟု ဆက်သွယ်ပြောဆိုထားသည်။

ကယ်ဆယ်ရေးအဖွဲ့များတွင် အတွေ့အကြုံရင် ဧ၀ရက်တောင်တက် လမ်းပြများလည်းပါဝင်ပြီး တရုတ်ကယ်ဆယ်ရေးအဖွဲ့တစ်ခုကမူ တိဘက်ဒေသမှ ခါကာဘိုရာဇီတောင်သို့ တက်ရောက်ကာ ရှာဖွေမှုများကို ပြုလုပ်နေသည်။

ကချင်ပြည်နယ် ပူတာအိုခရိုင် နောင်မွန်မြို့နယ်ရှိ ခါကာဘိုရာဇီတောင်ကို တက္ကသိုလ်များ တောင်တက်အသင်း သဘာဝခေါ်သံ ဖောင်ဒေးရှင်းမှ အဖွဲ့ဝင် ၈ ဦးက ဇူလိုင် ၃၁ ရက်နေ့တွင် စတင် တက်ရောက်ခဲ့ခြင်းဖြစ်သည်။

အဆိုပါတောင်အား အောင်မြင်စွာ တက်ရောက်ခဲ့ပြီးနောက် ပြန်အဆင်း သြဂုတ်လ ၃၁ ရက်နေ့က အဖွဲ့ဝင် အောင်မြင့်မြတ်နှင့် ဝေယံမင်းတို့၏ ဆက်သွယ်ရေးစက် ဘတ္ထရီကုန်ရာမှ ၎င်းတို့နှစ်ဦးနှင့် အဆက်အသွယ် ပြတ်တောက်သွားခဲ့ခြင်းဖြစ်သည်။

ကျန်ရှိနေသည့် တောက်တက်အဖွဲ့ဝင် ၆ ဦးမှာ စက်တင်ဘာ ၉ ရက်နေ့တွင် တောင်ခြေရှိ အခြေစိုက်စခန်းသို့ ပြန်လည်ရောက်ရှိခဲ့သည်။

ခါကာဘိုရာဇီတောင်မှာ ကချင်ပြည်နယ်ရှိ အရှေ့ပိုင်း ဟိမ၀န္တာတောင်တန်း မြန်မာ၊ အိန္ဒိယ၊ တရုတ် သုံးနိုင်ငံ နယ်စပ်များဆုံရာ ဒေသတွင် တည်ရှိသည်။ ဘူမိဗေဒအဖွဲ့က ၁၉၂၅ ခုနှစ် တိုင်းတာချက်များအရ အဆိုပါတောင်မှာ ၅၈၈၁ မီတာရှိပြီး အရှေ့တောင်အာရှတွင် အမြင့်ဆုံးတောင်အဖြစ် သတ်မှတ်ခဲ့သည်။

ဆင်ဟွာ