ဝေဖန်မှုများကို ၂ ပွဲ ၁၃ ဂိုးသွင်းပြီး ရီးယဲယ်က တုံ့ပြန်လိုက်ကြောင်း နည်းပြ အန်ဆယ်လော့တီပြော

စက်တင်ဘာ ၂၂၊ ၂၀၁၄
M-Media

– ပြီးခဲ့သည့် ၂ ပွဲတွင် စုစုပါင်း ၁၃ ဂိုးသွင်းယူနိုင်ခဲ့ခြင်းက မိမိတို့အား ဝေဖန်နေမှုများကို တုံ့ပြန်လိုက်ခြင်းဖြစ်သည်ဟု ရီးယဲလ်နည်းပြ အန်ဆယ်လော့တီက ပြောကြား လိုက်သည်။

နွေရာသီတွင် ထိပ်တန်းကစားသမား အများအပြားကို ခေါ်ယူထားသည့် ရီးယဲလ်မှာ လာလီဂါတွင် ခြေစွမ်းမပြနိုင်ဘဲ ၂ ပွဲဆက်တိုက်ရှုံးနိမ့်ခဲ့ပြီး နည်းပြ အန်ဆယ်လော့တီမှာလည်း ဝေဖန်မှုများကို ခံခဲ့ရသည်။ သို့သော်လည်း ဗုဒ္ဓဟူးနေ့က ကစားခဲ့သည့် ဘေဆယ်နှင့် ချန်ပီယံလိဂ်ပွဲတွင် ရီးယဲလ်မှာ ၅ ဂိုးသွင်းယူနိုင်ခဲ့ပြီး ယမန်နေ့က ကစားခဲ့သည့် ဒီပို့တီဗိုနှင့် လာလီဂါပွဲတွင် တိုက်စစ် အစွမ်းပြကာ ၈ ဂိုး သွင်းယူနိုင်ခဲ့သည်။

“ကျွန်တော်တို့ဆီမှာ ထူးခြားပြောင်မြောက်တဲ့ ကစားသမားတွေရှိပြီး ဒီနေ့ ကောင်းမွန်စွာ ပေါင်းစပ် ကစားနိုင်ခဲ့ပါတယ်။ ကျွန်တော်တို့ ပြဿနာတွေကို ဖြေရှင်းနိုင်ခဲ့ပြီလို့ ထင်ပါတယ်။ ရာသီကရှည်ပြီး နှစ်ပွဲပေါင်း ၁၃ ဂိုးသွင်းနိုင်ခဲ့တာက ကျွန်တော်တို့ ကောင်းကောင်း တုံ့ပြန်နိုင်တယ်ဆိုတာ ပြသခဲ့တာပါပဲ။ ဒါပေမယ့် ဆက်လက်တိုးတက်အောင် လုပ်ရပါမယ်” ဟု အန်ဆယ်လော့တီက ပွဲအပြီးတွင် ပြောကြားခဲ့သည်။

ဒီပို့တီဗိုအား ၈ ဂိုး ၂ ဂိုးဖြင့် အနိုင်ရရှိခဲ့သည့်ပွဲတွင် ရော်နယ်ဒိုက ဟက်ထရက်သွင်းယူနိုင်ခဲ့ပြီး ဂါရက်ဘေးလ်၊ ဟာနန်ဒက်ဇ်တို့က ၂ ဂိုးစီနှင့် ဂျိမ်းစ်ရော်ဒရီဂက်ဇ်က တစ်ဂိုး သွင်းယူနိုင်ခဲ့သည်။