ဝိုင်းအော် နိုင်ငံရေးနှင့် နှာစေး အနိုင်ပိုင်းနည်းလား

စက်တင်ဘာ ၂၃ ၊ ၂၀၁၄
M-Media
-ဆောင်းပါးရှင်- သူရမင်းမင်း

-မြန်မာပြည်မှာ နိုင်ငံရေးဖိနှိပ်မှု၊ ပြည်သူတွေကို မတော်မတရားလုပ်မှုတွေ နှစ်ပေါင်း ၆၀ ကျော် ကြာ နေ ရတဲ့ အကြောင်းရင်းတွေထဲက တခုက  ပြည်သူတွေရဲ့  အားနည်းချက် အထူးသဖြင့် နိုင်ငံရေး လုပ်ရှားသူတွေ ရဲ့  အားနည်းချက်ကို ထောက်ပြရပါလိမ့်မယ်။ အပြောကြီးပြီး လက်တွေ့ ဖြစ်အောင် မလုပ်နိုင်ဘူးလို့  ဆိုရပါမယ်။ ဘလိုင်းဝင်ကျုံးတယ်လို့  မထင်လိုက်ပါနဲ့ ။  အကြောင်းရှိပါတယ်။

အစိုးရရဲ့  မဟာဗျူဟာ၊ နည်းဗျူဟာ၊ နိုင်ငံရေး၊ စိတ်ဓာတ်စစ်ဆင်ရေး စတဲ့ နေရာတွေမှာ အစိုးရထက်  တလှမ်းပိုသာအောင်၊ လက်ဦးမှုရအောင် ဘာမှ  လုပ်တာသတိမထားမိပါဘူး။

မြန်မာပြည်နိုင်ငံရေးမှာ အစိုးရက အမြဲအသာစည်းယူထားပါတယ်။ အတိုက်အခံဆိုသူတွေက အမြဲလိုလိုနောက်လိုက်ပါပဲ။ အစိုးရက တခုလုပ်ရင် နောက်က လိုက်အော်ပါတယ်။ အော်ပြီးရင်လည်း ပြီးသွားတာပါပဲ။ ထိထိရောက်ရောက်ဘာကိုမှ မလုပ်နိုင်တော့ နောက်ဆုံးတော့ အစိုးရက သူဖြစ်ချင်တဲ့အတိုင်း ဖြစ်သွားတာပါပဲ။

အမျိုးသားညီလာခံကနေဖြတ်ပြီး ကြည့်ကြရအောင်ပါ။ အစိုးရက အမျိုးသားညီလာခံဆိုပြီးလုပ်တော့ အမျိုးသားညီလာခံကို ဆန့် ကျင်ကြောင်း ၀ိုင်းအော်ပါတယ်။ အစိုးရက အမျိုးသားညီလာခံကို ခနနားလိုက်တော့ အသံတွေရပ်သွားတယ်။ ဘာမှလုပ်စရာမရှိတော့ ထုံးစံအတိုင်း ဒီမိုကရေစီရရှိရေး ဒို့ အရေး ဒို့ အရေးကို ပြန်ရောက်သွားပါတယ်။ အစိုးရရဲ့  မဟာဗျူဟာ၊ နည်းဗျူဟာ၊ နိုင်ငံရေး၊ စိတ်ဓာတ်စစ်ဆင်ရေး စတဲ့ နေရာတွေမှာ အစိုးရထက်  တလှမ်းပိုသာအောင်၊ လက်ဦးမှုရအောင် ဘာမှ  လုပ်တာသတိမထားမိပါဘူး။ နောက်တခုဆက်ကြည့်ပါ။

နိုင်ငံရေး လမ်းပြမြေပုံဆိုပြီး အစိုးရက ဆက်လုပ်တော့ အားလုံးစုပြုံပြီး လိုက်အော်ပါတော့တယ်။ အော်ရုံ ကလွဲပြီး ထိထိရောက်ရောက် ဘာမှမလုပ်နိုင်ခဲ့ပါ။

အဲ့ဒီကနေတခါ ၂၀၀၈ ဖွဲ့ စည်းပုံဆိုပြီးဖြစ်လာတယ်။ အစိုးရက နောက်တခေါက်လှိမ့်ပေးလိုက်တဲ့ဘီး။ အဲ့ဒီဘီးနောက်ကိုပဲ တန်းစီလိုက်ပါတော့တယ်။ ဖွဲ့ စည်းပုံကို လက်မခံနိုင်ကြောင်း အားလုံးဝိုင်းအော် ကြပြန်တယ်။ နောက်ဆုံးတော့ အားလုံးအသိ အစိုးရဖြစ်ချင်တဲ့အတိုင်း ဖြစ်သွားတာပဲမဟုတ်လား။ ၀ိုင်းအော်ရုံထက် ဘာမှမလုပ်နိုင်ခဲ့ပါ။

ဒီလိုလဲ၂၀၁၀ ရွေးကောက်ပွဲဖြစ်လာတယ်။ ဒါကိုလဲ ၀ိုင်းအော်ခဲ့ကြတယ်မဟုတ်လား။ ဒါပေမဲ့ အစိုးရက လူဖြစ်ချင်တဲ့အတိုင်း သူ့ အကြိုက် သမ္မတခေါင်းခေါက်ရွေး (ရွေးကောက်ပွဲ မတိုင်ခင်ကတည်းကရွေးပြီး သားပါ)၊ သူ့ အကြိုက် ၂၅ ရာခိုင်နှုန်းဆိုပြီး ပါလီမန်ထဲ ထည့်ထား၊ ပြည်ထဲရေးကို သူ့ လက်အောက်ထား၊ ပြည်နယ် အစိုးရတွေကို ချွေးသိပ်ထား၊ သူ့ အကြိုက် သူ့ အကြိုက်တွေ နဲ့  သူဖြစ်ချင်တဲ့ အတိုင်းလုပ် လာတာ ရွေးကောက်ပွဲတောင် နောက်တခေါက်ရောက်တော့မယ်။ ၀ိုင်းအော်တဲ့ လူတွေက အော်ရုံထက် အစိုးရ အကွက်တွေကိုတောင် မချေပနိုင်ခဲ့ပါ။ အစိုးရထက် အကွက်ကျော်သွားဖို့ ဝေးစွ။

သန်းခေါင်စာရင်းကောက်တဲ့ ကိစ္စဆိုရင် ပိုတောင်ဆိုးသေးတယ်။ အစိုးရက သန်းခေါင်စာရင်းကောက် မယ်ဆိုပြီး ဆိုင်းပြင်းနေတာ လူသိရှင်ကြားပါ။ အဲ့ဒီကိစ္စ သတင်းစာမှာလည်း အခေါက်ခေါက်ပါပါတယ်။ တချို့ က စိုးရိမ်တဲ့အကြောင်း၊ သံသယရှိတဲ့အကြောင်း ဟိုနားတိုးတိုး ဒီနားတိုးတိုးပြောကြတယ်။ ဘာမှတော့ မလုပ်ပါ။ စာရေးသူက နိုင်ငံရေးပါတီ တချို့ ကို သတိပေးပါသေးတယ်။ ဘာမှ ကောင်းကောင်း ကမ်းကမ်းလုပ်ဖို့  စိတ်ကူးမရှိခဲ့ကြပါ။ အချိန်ကပ်လာပြီး နောက်ဆုံး ဘာမှပြင်ဆင်လို့ မရတော့တဲ့ အချိန်ကြတော့မှ တချို့ က ထအော်တယ်။ ဒါပေမဲ့ အချိန်နှောင်းသွားပြီးပါပြီ။ ဖောင်တွေကို သေချာ ပုံနှိပ်ထားပြီးပြီ၊ စာရင်းကောက်မဲ့ ဆရာဆရာမတွေကို လေ့ကျင့်ထားပေးပြီ။ နောက်ဆုံးတော့ အစိုးရဖြစ်ချင်တဲ့အတိုင်း အစအဆုံးဖြစ်သွားခဲ့တာပဲမဟုတ်လား။

ခုလဲလာပြန်ပြီ။ ၂၀၁၅ ရွေးကောက်ပွဲမတိုင်ခင် လိုသလို အသုံးချဖို့  မျိုးချစ် စိတ်ဓာတ်ဆိုပြီးတမျိုး၊ အမျိုး ဘာသာသာသနာ ကာကွယ်ဖို့ ဆိုပြီးတနည်း၊ ၉၆၉ လုပ်လိုက် မဘသ လုပ်လိုက် မျိးစောင့် ဥပဒေလုပ်လိုက်နဲ့  သိသိသာသာကြီး ပြသနာမျိုး စမွေးထားပေးတာ။

ထိလွယ်ရှိလွယ်တဲ့ ဘာသာရေး မီးကို တမင် မွေးထားပေးတာ။ မီးတင်မွေးထားပေးတာ မဟုတ်ဘူး။ အစမ်းပါ ရှို့ ပြပြီးထားပြီပါပြီ။ မိတ္ထီလာ၊ လားရှိုး၊ မန်းလေး ဒါတွေက အလကား မဟုတ်ပါ။ အစမ်းရှို့ ကြည့်တာပါ။ စစ်တပ်က မတွက်ပဲ မလုပ်ဘူးဆိုတာ မမေ့ပါနဲ့ ။ တွက်ချက်နေတယ်ဆိုတာ သတိရှိပါ။

ဒီကိစ္စကို တိုင်းပြည်အရေး လှုပ်ရှားသူ များက မသိတာမဟုတ်ပါ။ သိလျက် မြင်လျက် ကြားလျက်နဲ့  ထိထိရောက်ရောက် ဘာမှ မလုပ်သေးပါ။ ၂၀၁၅ ရွေးကောက်ပွဲအတွက် သက်သက်မဲ့ လုပ်နေတယ်လို့  နိုင်ငံရေးသမားတွေနဲ့  အခွင့်အရေး လှုပ်ရှားသူတွေက ပြောကြတယ်။ မိတ္ထီလာ၊ မန်းလေး၊ လားရှိုးကိစ္စ တွေမှာ လူစိမ်းတွေက လာလုပ်သွားတာ၊ မလုပ်ခင်ဝါဒဘယ်လိုဖြန့် တာ၊ စစချင်းဘယ်လိုဖြစ်ပြီး နောက်ပိုင်းဘယ်လိုလုပ်တာ၊ အဲ့ဒီအချိန်မှာ ရဲတွေ မီးသတ်တွေက ဘယ်လို တာဝန်ပျက်ကွက်တာ၊ ဒါတွေအားလုံးနဲ့  နောက်ကွယ်မှာ အစိုးရကဘယ်လိုရှိတာ။ ပြောလိုက်ကြတာ ဟိုနားရော ဒီနားရော။

ဒါပေမဲ့ ထိထိရောက်ရောက် ဘာဆိုဘာမှ မလုပ်ကြသေးပါ။ အဖွဲ့ တချို့ က အစပျိုးလုပ်နေပေမဲ့ တခွန်းပြောရင် တနိုင်ငံလုံးထိ ခရီးတာသွားတဲ့ အဖွဲ့ များ၊ ငြိမ်းချမ်းရေးဆုရထားဆိုသူများနဲ့  ငြိမ်းချမ်းရေးလုပ်နေပါ တယ်ဆိုတဲ့ အဖွဲ့ များကတော့ နှာစေးပြနေပါတယ်။ ၀ိုင်းအော်တာတောင်မနိုင်ခဲ့တဲ့ အစိုးရကို နှာစေးပြနေရင်တော့ အစိုးရက ပိုကြိုက်တာပေါ့။

အစိုးရချထားတဲ့ အကွက်ကို ကြိုတင်သိနေပြီးလျက်နဲ့  ဘာကြောင့်ငြိမ်နေကြတာလဲ ဆိုတဲ့ မေးခွန်းကိုပဲ  မေးချင်စမ်းပါတယ်။ ထိထိရောက်ရောက်လှုပ်ရှားမှု မပါပဲ သင်္ကြန်အမြောက် ၀ိုင်းအော်နိုင်ငံရေး (သို့ ) နှာစေးပြရုံတင်နဲ့  ဒီမိုကရေစီ၊ လူ့ အခွင့်အရေး၊ တန်းတူညီမျှရေး၊ ဖယ်ဒရယ် စတာတွေ အတွက် လုံလောက်ပြီလို့  မှတ်ယူထားလေရော့သလားလို့ ပဲ မေးချင်စမ်းပါတယ်။

* စာရေးသူ၏ အာဘော်သာဖြစ်ပါသည်။