အထက်တန်းကျောင်းများတွင် ဟိဂျဘ် ၀တ်ဆင်ခွင့် ပိတ်ပင်ထားမှုအား တူရကီ ပယ်ဖျက်

စက်တင်ဘာ ၂၄ ၊ ၂၀၁၄
M-Media

– ဆယ်စုနှစ် ၂ ခုအတွင်း သမိုင်းဝင်ဆောင်ရွက်မှုအဖြစ် အထက်တန်းကျောင်းများတွင် ဟိဂျဘ်ဝတ်ဆင်ခွင့် ပိတ်ပင်ထားမှုကို တူရကီအစိုးရက ပယ်ဖျက်ပေးလိုက်သည်ဟု သိရသည်။

အားလပ်ရပ်ပြီးနောက် ကျောင်းပြန်ဖွင့်သည့် စက်တင်ဘာ ၂၃ ရက် တနင်္လာနေ့တွင် တူရကီ ဒုတိယ၀န်ကြီးချုပ် အာရင့်က ကြေညာခဲ့ခြင်းဖြစ်ပြီး ကျောင်းဝတ်စုံဥပဒေတွင် ယခင်က ဦးခေါင်းဗလာ ဖြစ်နေရမည်ဟူသည့် သတ်မှတ်ချက်အား ပယ်ဖျက်ခဲ့သည်ဟု ပြောကြားခဲ့သည်။

ထို့ကြောင့် တူရကီ ပညာရေးဝန်ကြီးဌာနတွင် မှတ်ပုံတင်ထားသည့် စာသင်ကျောင်းများတွင် ကျောင်းသူများအနေဖြင့် ဟိဂျဘ်ဝတ်ဆင်ခွင့် ရရှိမည်ဖြစ်သည်။ အာရင့်ကမူ ဟိဂျဘ်ဝတ်ဆင်ခြင်းနှင့် သက်ဆိုင်သည့် စည်းမျဉ်းစည်းကမ်းများကို လာမည့် နှစ်ရက်အတွင်း ထုတ်ပြန်ပေးသွားမည်ဟု ထည့်သွင်းပြောကြားခဲ့သည်။

ထိုကဲ့သို့ ဟိဂျပ်ဝတ်ဆင်ခြင်း ပိတ်ပင်မှု ပယ်ဖျက်ခြင်းအား တူရကီရှိ လောကီသီးသန့်ဝါဒီ အချို့က ဆန့်ကျင်ခဲ့ကြသည်။

၂၀၀၈ခုနှစ်တွင် တူရကီဝန်ကြီးချုပ် အာဒိုဂန်၏ တရားမျှတမှုနှင့် ဖွံ့ဖြိုးတိုးတက်ရေးပါတီမှာ တက္ကသိုလ်များတွင် ဟီဂျဘ်ဝတ်ဆင်ခွင့် ပိတ်ပင်ထားသည့်  ပြဌာန်းချက်အား ပြင်ဆင်နိုင်ခဲ့သည်။

၂၀၁၂ ခုနှစ် နိုဝင်ဘာတွင်လည်း အစ္စလာမ့်မစ်ကျောင်းများတွင် ဟိဂျဘ်ဝင်ဆင်ခွင့် ပိတ်ပင်ခြင်းအား တူရကီအစိုးရက ပယ်ဖျက်ခဲ့ပြီး၊ ၂၀၁၃ ခုနှစ် စက်တင်ဘာလကလည်း တရားသူကြီးများ၊ ရှေ့နေများ၊ ရဲအရာရှိများနှင့် စစ်သမီးများမှလွဲ၍ အစိုးရ ဌာနများတွင် ဟိဂျဘ်ဝတ်ဆင်ခွင့် ပိတ်ပင်ထားခြင်းအား ၀န်ကြီးချုပ် အာဒိုဂန်က ပယ်ဖျက်ပေးခဲ့သည်။

ထို့နောက် အောက်တိုဘာလတွင် အမျိုးသမီးအမတ်တစ်ဦးက ၁၄ နှစ်အတွင်း ပထမဆုံးအကြိမ်အဖြစ် ဟီဂျဘ်ဝတ်ကာ ပါလီမန်သို့ တက်ရောက်ခဲ့သည်။

ref_OnIslam & News Agencies