လမ်းပတ် အသင်းတွင် ဆက်ရှိနိုင်သည်ဟု မန်စီးတီးနည်းပြဆို

စက်တင်ဘာ ၂၅၊ ၂၀၁၄
M-Media

– နှစ်ပွဲပေါင်း ၃ ဂိုးသွင်းယူပေးကာ ခြေစွမ်းပြနေသည့် ကွင်းလယ်လူလမ်းပတ်အား ဆက်လက်သက်တမ်းတိုးသွားနိုင်ဖွယ်ရှိနေသည်ဟု မန်စီးတီးနည်းပြ ပယ်လီဂရီနီက ပြောကြားလိုက်သည်။

မေဂျာလိဂ်ကလပ် နယူးယောက်စီးတီးအသင်းမှ ဇန်န၀ါရီလအထိ မန်စီးတီးက အငှားဖြင့် ခေါ်ယူထားခဲ့သည့် လမ်းပတ်မှာ ပြီးခဲ့သည့်တစ်ပတ် ချယ်ဆီးနှင့်ပွဲတွင် အသင်းအတွက် အရေးပါသည့် ချေပဂိုးကို သွင်းယူပေးခဲ့ပြီး ယနေ့မနက်က ကစားခဲ့သည့် လိဂ်ဖလားပြိုင်ပွဲ ရှက်ဖီးအား ၇ ဂိုးပြတ်ဖြင့် အနိုင်ရရှိခဲ့သည့်ပွဲတွင်လည်း ၂ ဂိုး သွင်းယူပေးခဲ့သည်။

ပွဲအပြီးနောက် လမ်းပတ်အား သက်တမ်းတိုးမည်လားဟု သတင်းထောက်များက မေးမြန်းရာတွင် ပယ်လီဂရီနီက

“ဒါဟာ နောက်မှ ကြည့်လုပ်ရမယ့် ကိစ္စပါ။ အခုလောလောဆယ် မှာတော့ ဒါဟာ အရေးကြီးတဲ့ ကိစ္စတစ်ခု မဟုတ်ပါဘူး။ ဇန်န၀ါရီမှာ ဘာဖြစ်မလဲဆိုတာ ကြည့်ရပါမယ်။ ဆုံးဖြတ်ဖို့ ၂ လ သုံးလလာက် လိုပါသေးတယ်” ဟု ပြန်လည်ဖြေကြားခဲ့သည်။

ထို့ပြင် လမ်းပတ် အနေဖြင့် ဂိုးများ ဆက်လက် သွင်းယူရန် အရေးကြီးကြောင်း၊ ၎င်းမှာ အသင်းအတွက် အရေးပါသည့် ကစားသမားတစ်ဦးဖြစ်ပြီး အသင်းတွင် ဆက်လက်ရှိနေရေးမှာလည်း ဖြစ်နိုင်သည့် ကိစ္စ တစ်ခုဖြစ်သည်ဟု ပယ်လီဂရီနီက ထပ်လောင်းပြောကြားခဲ့သည်။

မန်စီတီးမှာ ယခုတစ်ပတ် ပရီးမီးယားလိဂ်တွင် နယူးကာဆယ်အား အိမ်ကွင်း၌ လက်ခံကစားရမည်ဖြစ်သည်။