CIA ၏ လျှို့ဝှက်ထောက်လှမ်းရေး ကိစ္စများ ဖော်ထုတ်ခဲ့သည့် စနိုးဒင် ဆွီဒင် လူ့အခွင့်အရေးဆု ရရှိ

စက်တင်ဘာ ၂၅ ၊ ၂၀၁၄
M-Media

– အမေရိကန်၏ လျှို့ဝှက်ထောက်လှမ်းရေးလုပ်ငန်းများကို ဖော်ထုတ်ခဲ့သည့် CIA ၀န်ထမ်းဟောင်း အက်ဒ၀ပ်စနိုးဒင်မှာ ဆွီဒင်မှ ပေးအပ်ချီးမြှင့် ၂၀၁၄ ခုနှစ် လူ့အခွင့်အရေး လှုပ်ရှားသူဆုကို ရရှိသွားခဲ့သည်ဟု သိရသည်။

2014 Right Livelihood Award အမည်ရသည့် အဆိုပါဆုကို ယမန်နေ့က ကြေညာခဲ့ခြင်းဖြစ်ပြီး စနိုးဒင်နှင့် ဗြိတိန်သတင်းစာ The Guardian မှ အယ်ဒီတာ အလန် ရက်စ်ဘရစ်ဂါတို့နှစ်ဦးပေါင်း၍ ရရှိခဲ့ခြင်းဖြစ်သည်။ ဘရစ်ဂါမှာ စနိုးဒင်ဖော်ထုတ်ခဲ့သည့် အချက်အလက်များအကြောင်းကို The Guardian ၌ ဆောင်းပါးများရေးကာ ဖော်ပြခဲ့သူဖြစ်သည်။

အဆိုပါဆုအတွက် ဆုကြေးငွေ ကန်ဒေါ်လာ ၂ သိန်း ၁ သောင်းကို ချီးမြှင့်မည်ဖြစ်ပြီး စနိုးဒင်တို့နှစ်ဦးနှင့်အတူ ထိုဆုအား ပူးတွဲရရှိခဲ့သည့် ပါကစ္စတန်မှ လူ့အခွင့်အရေး လှုပ်ရှားသူ အတ်စမာ ဂျန်ဟန်ဂီရန်၊ အာရှလူ့အခွင့်အရေးကော်မရှင်မှ ဘာစီလ် ဖာနန်ဒိုနှင့် အမေရိကန်မှ သဘာဝပတ်ဝန်းကျင် ထိန်းသိမ်းစောင့်ရှောက်ရေး ဆောင်ရွက်သူ ဘီလ်မက်ကီဘန်တို့က ထိုဆုကြေးအား ခွဲဝေခံစားရမည် ဖြစ်သည်။

ကမ္ဘာတစ်ဝှမ်း လူ့အခွင့်အရေး လှုပ်ရှားသူများကို ချီးမြှင့်သည့် အဆိုပါ Right Livelihood Award ဆုကို ဆွီဒင်လူမျိုး ဂျာကော့ဘ် ဗွန် ယူအက်စ်ကူးလ်က ၁၉၈၀ မှစတင်ကာ နှစ်စဉ် ချီးမြှင့်ခဲ့ခြင်း ဖြစ်သည်။

ဆုချီးမြင့်ပွဲအခမ်းအနားကို ဒီဖင်ဘာ ၁ ရက်နေ့တွင် ဆွီဒင်နိုင်ငံ စတော့ဟုမ်းတွင် ကျင်းပပြုလုပ်သွားမည်ဟု ဆုချီးမြှင့်ရေးအဖွဲ့မှ ဒါရိုက်တာ အိုလေး ဗွန် ယူအက်စ်ကူးလ်က ပြောကြားခဲ့သည်။ သို့သော်လည်း စနိုးဒင် တက်ရောက်မည်လားဆိုသည်ကို ရှင်းရှင်းလင်းလင်း ပြောကြားခဲ့ခြင်းမရှိချေ။

ref_ Agencies