အာဖဂန် သမ္မတသစ် အဖြစ် အရ်ှရက်ဖ်ဂနီ ကျမ်းကျိန်

စက်တင်ဘာ ၃၀ ၊ ၂၀၁၄
M-Media

– ရွေးကောက်ပွဲနှင့် ပတ်သက်၍ လပေါင်း များစွာကြာ ငြင်းခုံမှုများဖြစ်ပွားခဲ့သည့် အာဖဂန်နစ္စတန်၏ သမ္မတသစ် အဖြစ် အရ်ှရက်ဖ် ဂနီက ယမန်နေ့တွင် ကျမ်းကျိန်ခဲ့သည်ဟု သိရသည်။

၂၀၀၁ ခုနှစ် တာလီဘန် အစိုးရ ပြုတ်ကျသွားခဲ့ပြီးနောက် နိုင်ငံ၏ ပထမဆုံး ဒီမိုကရေစီနည်းကျ  အာဏာ လွှဲအပ်မှုဖြစ်သည့် သမ္မတ ကျမ်းကျိန်ပွဲကို ယမန်နေ့က မြို့တော် ကဘူးလ်တွင် ကျင်းပပြုလုပ်ခဲ့ခြင်းဖြစ်သည်။

“ကျွန်တော်ဟာ ခင်ဗျားတို့အားလုံးထက် ပိုကောင်းတဲ့သူ မဟုတ်ပါဘူး။ တကယ်လို့ ကျွန်တော်လုပ်တာမှန်ရင် ခင်ဗျားတို့ အားပေးကူညီကြပါ။ မှားနေတယ်ဆိုရင်တော့ ကျွန်တော့်ကို အမှန်ပြင်ပေးကြပါ” ဟု ဂနီက ကျမ်းကျိန်ပြီးနောက် ပြောကြားခဲ့သည်။

ဂနီနှင့်ပြိုင်ဘက် အဗ္ဗဒူလ်လာကလည်း ၀န်ကြီးချုပ် အဆင့်နှင့်ညီသည့် အစိုးရ အမှုဆောင် အရာရှိအဖြစ် ကျန်းကျိန်ခဲ့သည်။ ၎င်းတို့နှစ်ဦးစလုံးမှာ ရွေးကောက်ပွဲ ရလဒ်အတွက် အခြေအတင်ဖြစ်ခဲ့ပြီး ပြီးခဲ့သည့် သီတင်းပတ် အနည်းငယ်ကမှ ညီညွတ်ရေး စာချုပ် ချုပ်ဆိုခဲ့ခြင်းဖြစ်သည်။

ယခုဖွဲ့စည်းမည့် အာဖဂန် အစိုးရသစ်တွင် သမ္မတနှင့် အမှုဆောင် အရာရှိချုပ်တို့က တိုင်းပြည်အား ပူးတွဲအုပ်ချုပ်သွားမည်ဖြစ်သည်။ အာဖဂန် သမိုင်းပညာရှင် ဟီလီနာ မာလစ်ယာ ကမူ သမ္မသစ် ဂနီကျမ်းကျိန်ခဲ့သည့်နေ့မှာ အာဖဂန်ပြည်သူအများစုအတွက် ခါးသီဖွယ်ရာများကြားမှ ချိမြိန်စရာကောင်းသောနေ့ဖြစ်သည် ဟု ပြောကြားခဲ့သည်။

ref_ Al Jazeera and agencies