မိတ်ဆွေ မရှားချင်ဘူး ဆိုရင်ပေါ့

အောက်တိုဘာ ၁ ၊ ၂၀၁၄
M-Media
-နှင်းဆီခင် ရေးသည်။

လူဆိုတာမျိုးက အပေါင်းအသင်းကို ခင်မင်တတ်တာ သဘာဝ။ ထီးတည်း နေလို့မရတာမို့ ပတ်ဝန်းကျင်နှင့် လိုက်လိုက်လျောလျောဆက်ဆံကြရစမြဲပဲပေါ့။ တစ်နည်းပြောရရင် ကိုယ်ကျင်လည်ရာ ၀န်းကျင်မှာ သွေးသားရင်းချာ မဟုတ်တဲ့ သူစိမ်းတစ်ရံတွေနှင့် ပေါင်းသင်းဆက်ဆံကြရ ပါတယ်။ လူအမျိုးမျိုး စိတ်ဓာတ်အထွေထွေလို့ ကိုယ့်စရိုက်နှင့် သဟဇာတမျှပြီး ခင်မင်နှစ်လိုဖွယ် ကောင်းတဲ့ မိတ်ဆွေကောင်းတွေချည်း ကြုံဆုံရဖုိ့ဆိုတာတော့ မလွယ်ဘူးလေ။ ကိုယ်က လိုက်လျောရတာတွေ ရှိသလို ကိုယ့်ကို လိုက်လျောတတ်တဲ့ သူငယ်ချင်း အပေါင်းအသင်းတွေလည်း ရှိပြန်သေးတယ်။ ဘာပဲဖြစ်ဖြစ်ပေါ့လေ၊ အပေါင်းအသင်း သူငယ်ချင်းဆိုတာ လောက သဘာဝအရ မရှိမဖြစ်၊ ရှိမှဖြစ်မှာမို့ ရင်းနှီး ကျွမ်းဝင်ရှိကြဖို့တော့ လိုသည်ပဲပေါ့။

စာဖတ်သူတော်တော် များများက ကျွန်မဆီကို ရင်ဖွင့်ရေးသားလေ့ ရှိကြတာက၊ သူတို့က လိုက်လျောခင်မင်ရှိတယ် အစစအရာရာ ကူညီတယ်။ အဲဒီကြားကမှ သူတို့ကိုတုံ့ပြန် ခင်မင်မှု မရှိကြဘူး။ အကျိုးခံစားရဖို့ တစ်ခုတည်း ကြည့်တတ်တဲ့ မိတ်ဆွေ အတုအယောင်တွေချည်း ကြုံနေရတယ်တဲ့။ တကယ်တော့ ရင်းနှီးခင်မင်တယ် ဆိုတာ နှစ်ဖက်မျှတအောင် ဆောင်ရွက်ရတဲ့ကိစ္စမျိုးပါ။ မိတ်ဆွေကောင်းတွေ ရလာဖို့အတွက်ဆိုရင် ကိုယ်တိုင်ကရော မိတ်ဆွေကောင်းတစ်ဦးရဲ့ အရည်အသွေးမျိုးတွေ ရှိဖို့လည်းလိုသေးတာကိုး။ ဒါကိုတော့ ကိုယ့်ကိုကိုယ်မညာတမ်း ဆန်းစစ်ကြည့်သင့်တာပေါ့။

    သူငယ်ချင်းတွေအပေါ် အပြစ်တွေ့ရင် ခွင့်လွှတ်မယ်။ ပြီးတော့ မေ့ပစ်လိုက်နိုင်တာ သူငယ်ချင်းကောင်းတွေရဲ့ အရည်အသွေးပါပဲ။

ဆိုပါစို့၊ တစ်စုံတစ်ယောက်က ကိုယ့်ကိုယုံကြည်လွန်းလုိ့ ဖွင့်ပြောလာတဲ့ လှိူ့ဝှက်ချက်တွေကို ဘယ်သူ့မှပြန် မပြောပါဘူးလို့ ကကိက၀တ်ပေးထားတယ်ဆိုရင်ပေါ့။ ကိုယ်က အသက်သေသည်အထိ နှုတ်လုံလုံထိန်းမှဖြစ်မယ်နော်။ ထီးဆောင်းပြီး တစ်အိမ်တက်ဆင်း လိုက်ပြောလို့ကတော့ မဖြစ်သေးဘူး။

ကိစ္စကြီးငယ်ကြုံလာတဲ့ အခါ သူငယ်ချင်းတွေက ကိုယ့်ဆီက အကြံညဏ်ကို တလေးတစား တောင်းတာမျိုး ရှိ/မရှိ ဆင်ခြင်ကြည့်ပါ။ အဲဒီလိုလူစားမျိုး မဖြစ်သေးရင်လည်း ဖြစ်လာအောင် ကြိုးစားရပါလိမ့်မယ်။ သူငယ်ချင်းတွေနှင့် ခင်မင်မှုဟာ ကောက်ရိုးမီး ခင်မင်ရင်းနှီးတာမျိုး မဟုတ်ဘဲ တစ်သက်လုံး ရေရှည် ခင်မင်သွားအောင် ကိုယ့်ဘက်က ပြုပြင်ဆင်ခြင် သင့်တာလေးတွေ ရှိခဲ့ရင်လည်း ပြုပြင်ဦးမှ။ သူငယ်ချင်းတွေနှင့် စကားစမြည်ပြောကြတဲ့အခါ တချို့တချို့ အကြောင်းအရာ ခေါင်းစဉ်တွေကို လုံးဝစိတ်မ၀င်စားသည့်တိုင် ခင်မင်မှုသံယောဇဉ်နှင့် အလေးအနက် နားထောင်ပေးတတ်ရတာ လူ့ကျင့်ဝတ်တစ်ခုပါ။

သူငယ်ချင်းက အကူအညီတစ်ခုခုတောင်းလာတဲ့ အခါ ကိုယ်တိုင်နားမလည်၊ မကျွမ်းတာမျိုးဖြစ်ရင် ပြတ်ပြတ်သားသား ငြင်းပယ်လိုက်တာထက် အကူအညီ ရရာရကြောင်း တခြားသူတွေကနေ တစ်ဆင့် ကြိုးစားပေးသင့်ပါတယ်။

လက်ဖက်ရည်ဆိုင်၊ စားသောက်ဆိုင် ထိုင်ကြတဲ့အခါ ငွေရှင်းခါနီးမှာ လက်တွန့်နေတာ၊ သူများတကာဆီကပဲ အလကားရဖို့ မျှော်လင့်နေမိတာ မိတ်ပျက်စေတဲ့ အကြောင်းရင်းတစ်ခုမို့ သတိထားရလိမ့်မယ်။ ဖြစ်နိုင်ရင် ကိုယ်တိုင်ရှင်း စနစ်သုံးတာက ရေရှည်မိတ်မပျက်တော့ဘူးပေါ့။

သူငယ်ချင်းတွေရဲ့ ကောင်းကွက်ကလေးတွေကို လှိုက်လှိုက်လှဲလှဲ ထုတ်ဖော်ချီးကျူးတာ၊ သူငယ်ချင်းတွေရဲ့ အောင်မြင်မှုအတွက် ကိုယ်ကပါရောပြီး ပျော်နိုင်ရဲ့လား ဆိုတာတော ကိုယ့်ဘာသာ အသိဆုံးပါပဲပေါ့။ နောက်ပြီး ကိုယ့်သူငယ်ချင်းကို သူများတကာက အားပါးတရ ချီးကျူးတာမျိုးကြုံရရင် ကိုယ်ပါရောပြီး ပျော်နိုင်ပါ့မလား၊ မနာလိုမရှုစိတ် မဖြစ်ဘူးဆိုတာ သေချာဖို့တော့လိုမယ်နော်။

သူငယ်ချင်းတွေအပေါ် အပြစ်တွေ့ရင် ခွင့်လွှတ်မယ်။ ပြီးတော့ မေ့ပစ်လိုက်နိုင်တာ သူငယ်ချင်းကောင်းတွေရဲ့ အရည်အသွေးပါပဲ။ တစ်ခါတစ်ရံမှာပေါ့။ ကိုယ်နှင့်ပြောဆိုဆက်ဆံနေတဲ့ သူငယ်ချင်းကို မကျေမနပ်ဖြစ်မိလို့ စိတ်မသက်ဖြစ်လာရင် သူငယ်ချင်း မရိပ်မိအောင် ဟန်မပျက်နေတတ်ဖို့လည်း လိုတယ်။ စကားဝိုင်းတစ်ခုမှာ ကိုယ်ကချည်း ဦးဆောင်မနေဘဲ သူများတကာတွေကိုလည်း အလှည့်ပေးရမယ်ဆိုတဲ့ အသိမျိုးရှိသင့်တယ်။ ကိုယ် အထင်ကြီးလေးစားတဲ့ သူငယ်ချင်းတစ်ယောက်မှာ အကြောင်းကြောင်းကြောင့် နဂိုအခြေအနေ ပျက်ယွင်းသွားမယ်ဆိုရင်ပေါ့။ သူ့ကိုအရင်လိုမျိုးဆက်ပြီး ခင်မင်သွားမယ်ဆိုတာသေချာအောင် လုပ်နိုင်ရပါမယ်။

လူဆိုတာက မှားတတ်တာမျိုးလေ။ တစ်ခါတစ်လေမှာ ကိုယ့်ဘက်ကမှားယွင်းသွားတာမျိုးဆိုရင် ဇွတ်မှိတ်ငြင်းမနေဘဲ တောင်းပန်တတ်တာ အကျင့်ကောင်းတစ်ခုပါ။ ရင်းနှီးခင်မင်ဖို့ဆိုတာ ရယူဖို့ချည်းတွေးမနေဘဲ ကိုယ့်ဘက်ကပေးဆပ်နိုင်သမျှ ပေးဆပ်ဖို့တွေးတတ်သူဟာ ရင်မှာကြည်နှုး ခံစားရတတ်တယ်။

ရှိသေးတယ်။ စကားဝိုင်းတစ်ခုမှာ အငြင်းသန်လွန်းသူ၊ ကိုယ်သိ၊ ကိုယ်တတ်လုပ်လွန်းသူတွေမှာ သူငယ်ချင်းကောင်း ရှားတတ်တာ သဘာဝမို့ ဆင်ခြင်သင့်ပါတယ်။

အထက်ဖော်ပြပါအကြောင်းအရာ၊ အချက်အလက်တွေဟာ လောကအလယ်မှာ မိတ်ဆွေမရှားစေတဲ့ အရည်အသွေးကောင်းတွေပါပဲ။ ဒါပေမဲ့ အဲဒီအားသာချက်တွေ ကောင်းကွက်တွေ အားလုံးနှင့် ပြည့်စုံဖို့ ဆိုတာကတော့ လက်တွေ့မှာ မလွယ်လှပါဘူး။ ဒါပေမဲ့ အချက်အလက်တော်တော် များများနှင့် ပြည့်စုံအောင်တော့ လေ့ကျင့်ယူနိုင်တာ သေချာတယ်။

ဒါဆိုရင် သေချာတာ တစ်ခုက အထီးကျန် ဘ၀မှာ ဘယ်တော့မှ ကျင်လည်ရမှာ မဟုတ်သလို ကိုယ့်ကို သံယောဇဉ်ရှိပြီး ကိုယ်ကလည်း သံယောဇဉ်ဖွဲ့နှောင်ထားတဲ့ သူငယ်ချင်း မိတ်ဆွေကောင်းတွေ ပိုင်ဆိုင်ခွင့် ရနိုင်မယ်ဆိုတဲ့ အကြောင်း………။

နှင်းဆီခင်